اللهم صل وسلم وبارك على نبينا محمد
الدكتور مساعد : ارفعو معدل الضغط بسرعه
الممرضه رفعته
الممرضه : مافي نبض وقف القلب خلاص
ذياب طاح وقال : لااااااااا
الدكتور مساعد : ذياب سوينا الي علينا لأكن قدر الله
طلع ذياب وهو منهار
جود : ذياب طمني
ذياب ناظر فيها وبكاء وقال : ماقدرت أساعد عضيدي ياجود ماقدرت راح من بين يدي
جود : ذياب تمزح صح قول انك تمزح عناد مايخليني
ذياب كان مغطي وجهه ويبكي
انهارت جود تصارخ صراخها عباء المكان
ميلا ومي كأنو يبكون
طلعو الممرضات وهم يدفون عناد ومغطين وجهه
جود وقفت وقالت : وقفو
الممرضه : دكتور ذياب
ذياب : خلوها
جود بعدت المفرش من وجهه
جود : عناد ليش خليتني أنت قلت مارح تخليني عناددددد تكفااا ياحبيبي قوممم ولله احبك لا تخليني عناددددد
تقدم ذياب يمسك جود وقال : خذوه
جود : ذياب ليه تخليهم يأخذونه ذياب عناد راح ياذياببب راححح ماعاد رح أشوفه
ذياب ضمها وجلس يهدها
جود : خليه يرجع مقدر ياذياب
جود طاحت مغمى عليها
ركضت لها حور وشلها ذياب دخلوها الغرفه
ميلا ومي كأنو منهارات وأم عناد ماهي مستوعبه الي صار مشاعل كانت تهدي ميلا وجدان كانت تهدي مي
دخلو كلهم غرفه جود يوم صحت
الممرضه : لازم تنتبهين على صحتك وصحه البيبي مايصير تتعبين نفسك
جود ناظرت وقالت : وين عناد بعدين استوعبت انهارت تبكي
حور ضمتها وجلست تهديها
جود : أبغا أشوفه تكفون أبغا أشوفه آخر مره
ذياب رفض
جود : ذياب تكفا ياذياب لا تحرمني شوفته
ذياب : مارح تشوفينه
قامت جود وطلعت بسرعه
ركض وراها ذياب ووقف قدامها وقال
جود اصحي على نفسك خلاصصص عناد راح خلاص لاتسوين في نفسك كذا تتعبين نفسك لاتنسين انك حامل وبعدين لو يشوفك عناد كذا يزعل قوي قلبك
جود ضمته وبكت وقالت بحزن : بس أنا أبغا أشوفه
ذياب مسكها وراحو الغرفه
جود : ذياب ابغا أشوفه تكفا ياذياب
ذياب جاب منوم وحطه لها
ذياب ناظر لهم وقال : خلاص اهدووو تراكم تتعبون عناد اكثر خالتي تكفين عناد ينكسر لو شافك كذا عشان خاطر عناد لا تنهارون
هدو بعد كلام ذياب لهم
طلع ذياب وشاف عمر جالس لحاله
عمر ضم ذياب وقال : اخخخ ياذياب ليتني مت قبل أشوف عناد ميت
ذياب : عمر قو نفسك خواتك وأمك في حاجتك
عمر انهار وقال : راح سندي ياذياب راحححح
ذياب ضمه وجلسو يبكون
عبد العزيز ضم عبد الله وانهار صاحب عمره توفى قدامه ولا قدر يسوي شي
راحو يدفنون عناد ورجعو البيت
جود : ميلا عناد وعدني وقال مارح يخلني ليه تخلى عني وراح
ميلا ضمتها وجلسو يبكون
مي : جود اطلعي ارتاحي بجون المعزين الحين طلعت جود تبغا ترتاح شافت أغراض عناد كيف مرميه على الأرض تذكرت كلامه لها جلست على السرير لين نامت
صحت وهي مفجوعه قامت بسرعه لبست العبايه حقتها ونزلت تحت شافتهم مجتمعين في الصاله ركضت بدون سابق إنذار وضمت عناد
جود بدموع : عناد عناد حلمت ان جدي قتلك وانت مت تكفا عناد لا تخليني
عناد ضمها وقال : اشش حلم خلاص انتهى لاتبكين
طلعو الي في المجلس يوم شافو جود منهاره
جود: عناد ماقدرت استحمل تكفا لا تخليني
عناد : أنا أخليك ولله ما أخليك
جود ضمته وقالت : حمد لله طلع حلم
عناد ضمها وهو مبتسم وقال : حتى في أحلامك أجيك بس كيف في الحلم كنت حلو
جود : عناد لا تستهبل ولله خفت
عناد بدأ يقلدها وقال : أكيد انك قلتي عناد حبيبي لا تروح عناد
جود : تطقطق أنت ووجهك
عناد : وش فيه وجهي مخقق كل البنات حتى بنات روايتك يبغون يموتون يوم عرفو إني مت
جود : يالليل تراك لي أنا بس خلهم يرتاحون
عناد : أبي أتزوج أربع يعيشوني امير
جود : انت فكر بس انه تسويها شوف وش بيسوي فيك
عناد : يمه تهديد يخوف امزح معك وأنا اقدر بدونك أصلا
جود : غصب عنك والحين عطني بوسه
عناد : وين تبغينها
جود : في خدي عشان انتشع
عناد باس خذها
دخل عليهم ذياب
ناظره عناد
ذياب : ماقلت شي سوو الي تبغا جاي أخذ جوالي
ضحكو عناد وجود
عناد : وين رحتو
ذياب : ولله جدتي حطت لنا فرشه في الحوش وتقول لنا سوالف زمان
عناد : جويي ذي الفقره
ذياب : جيب الفروه حقتك تراه برد مايصير عشان الجرح حقك
عناد : تم
طلعو الحوش وجلست الجده تقول لهم سوالف زمان
عمر ماشاف وجدان وقام
عناد : ورع وين رايح توك طالع من المستشفى
( نسيت أقول لكم عمر طلع من المستشفى ومافيه إلا كسر في يده نكمل )
عمر : بروح الحمام حتى الحمام مناشبني فيه
ضحكو كلهم
عناد وهو يضحك : هاذا وأنا خايف عليك مردوده
عمر ضحك وراح
ماشاف وجدان تحت طلع فوق وسمع صوتها تكلم
وجدان : يابنت الحلال وش تبغين أنتي الحين
البنت : كلميه مابتخصرين شي عشان ماينشر صورك
وجدان : وكيف راحت له صوري
البنت : وجدان تصرفي أنا مالي دخل وقفلت في وجها
دقت وجدان على الرقم ورد عليها ولد
وجدان : نعم وش تبغا
الولد : وجدان تدرين ان صورتك تجنن تخيلي تروح لا ارقام اخوانك عبد العزيز وعبد الله
وجدان بخوف : وش تبغا طيب اختصر
الولد : أقابلك واعطيك تحذفين الصور بنفسك
وجدان : وين تبغاني أشوفك
الولد : في **
وجدان : تمام
الولد : وجدان احبك
قفلت وفجاه دخل عمر عليها
عمر بغيره وقهر : مين هاذا
وجدان بخوف : عمر دقيقه اشرح لك
عمر : اجل تقولين منتي من الي اعرفهم طلعتي أسوء منهم
وجدان : عمر دقيقه اشرح لك انتظر
عمر :بروح لا اخوانك واقول لهم كل شي
وجدان : لا تكفا لا تقول لهم
عمر : دقيقه ولا أنا بتزوجك وأعلمك كيف تكلمين عيال من ورا اخوانك ورب الكعبه لو ماتوافقين قلت لا اخوانك كل شي
وجدان : بس أنا ما أبي أتزوج افهم ياخي
عمر : تمام وطلع
وجدان لحقته بخوف طلع عمر وجلس عند اخوانها جلست وجدان وهي ترجف
عمر ناظر فيها بعدين ناظر عبد الله وقال : عبود
عبد الله : هلا
وجدان كانت تطلبه مايقول
عمر : أنا حبيت اخطب أختك وجدان على سنه الله ورسوله
عبد الله ناظره بصدمه
عمر : ادري الوقت مايسمح لأكن قلت دامنا مجتمعين اقول لك وأنا شاورت عناد وقال إذا وافقتو نجي نخطب رسمي
عبد الله : مادري وش اقول صدمتني صراحه لأكن بفكر وبشوف وجدان ونرد لكم خبر
عمر : تمام
عناد بهمس : شفيك استعجلت ياولد
عمر : مادري حسيتها بتروح من يدي وتقدمت لها
عناد : قلت لي بس ماقلت لي انك بتطلبها الحين
عمر : عناد خلاص أنا ابغا البنت
عناد : خلاص اسفين لا تعصب
عمر ناظر وجدان الي تناظر فيه بقهر وكره نزل نظره
جود : أوفف اليوم سبت بكره اول دوام لي جامعه
ميلا : كيف الشعور
جود : مادري متحمسه مره وخايفه
عناد : ذياب اليوم مباره الهلال والأهلي صح
ذياب : ايوه يارب الفوز أهلاوي
عناد ضحك
جود ناظرته وقالت : انت هلالي
عناد : ايوه
جود: يارب نفوز حن يا الأهلي
عناد : احح أنتي اهلاويه
جود : ايوه
عناد : اجل الله يعينكم لا حد يبكي إذا خسر
جود ضحكت
عناد : كم باقي وتبدا المباره
جود : ساعتين
عناد : وعارفه ماشاء الله عليك
جود : أعجبك
عناد : إذا فاز الهلال تسوين الي ابغا
جود : وانت كذالك
عناد ابتسم وقال : اجل جهزي نفسك ولاحد ينهار
جود : لا ماعليك
ميلا : جود بتندمين ترا الهلال قوي
جود : لا ماعليك
ميلا : كيفك
جهزو وكل واحد لبس تيشيرت الفريق الي يشجعه
عبد الله : أنا اتحادي لأكن بكون مع الأهلي
عبد العزيز : وأنا نصراوي بكون مع الهلال
عمر : اهدو لا تتعبون نفسكم الهلال بيفوز
وجدان : أنّا نصراوي بس بكون مع الأهلي
حور وجود : كفوووو
مي وميلا : الهلال بيفوز
جود : خلونا نتابع ونشوف
بدت المباره وجا قول الاهلي
جود وحور وذياب صرخو مع بعض
ذياب : كففووووووووووو
جود : ولله انك مزيون وكفووو ياخي
ناظرها عناد بغيره وماركزت جود
حور : من زمان نبغا القول هاذا
عبد الله كان يناظر حور ويبتسم على تصرفاتها
انتهاء الشوط الأول
حور : بإذن الله الفوز لنا
جود : تخسون تفوزون
ذياب : جود اهجدي الحين الهلال يجيب الأول والثاني ونندم
جود : اماا يسويها
ذياب : لا تتحمسين كثير
سكتت جود وجلست تدعي ان الهلال يخسر
بدت المباره
وسجل الهلال قوله الأول
فرحو عناد وميلا ومي وعمر
صرخ عناد وقال : فاولللللللل
عمر : ايوه ياحكم من بدري
صرخو كلهم بعد ماجاب الحارس الكوره
وقال الحكم يرجعون يشوتونها مره ثاني
ذياب : ياليللل جات لهم خلاص
جاب الهلال الثاني
صرخو كلهم مع بعض
انتهت المباراة وفاز الهلال
جود : ولله غش اللعبه فيها غش
عناد : من الي فاز حن
جود : فزتو با الغش
عناد : لأكن فزنا والحين تسوين اي شي ابغاه لمده أسبوع
جود ناظرته بقهر وقالت : طيب
عناد فسخ التيشيرت وقال : حبي الهلال
جود : لا ولله ما احبه
عناد : الهلال عمك تفهمين
جود : تخسي يا الغشاش انت وفريقك الغشاش
ضحكو كلهم وطلعت جود الغرفه
وذياب طلع يوم شاف ضغط العيال عليه
مي : حور وش شعوركك وانتو خسرانين
حور : ولله غش تحكيم
ميلا: دايم هاذي اعذراكم
عبد الله : لا معها حق ماتشوفين التحكيم كيف سوا فيهم
طلعت حور
عناد لحق جود
جود كانت تسب ومعصبه
عناد دخل وناظر فيها
جود : عناد ولله لو تتكلم بحرف واحد
عناد تقدم ومسك يدها وقال : كلها كوره اهدي
جود : اي كوره صح وانتو فزتو با الغش
عناد : خلاص انتو فزتو اهدي
جود : اي مفروض حن نفوز
عناد باس خدها وقال : مستعده للجامعه
جود انحرجت منه وقالت : لا باقي
عناد : يلا تعالي طلعي اللبس الي بتلبسينه عشان أشوفه
جود : تمام
عناد : مع إني كنت بخليك تلبسين تيشيرت الهلال بس خلاص اكنسل
جود ناظرته وقالت : عناددددددد
عناد : امزح امزح بس ترا الساعه ٢
جود بكت وقالت : اطلع برا ياخي لا تصير فله
عناد تقدم يبوس خدها وقال : امزح ياعيونه أنتي
جود سكتت ودخلت الحمام ( يكرم القارى )
عناد جلس على السرير ينتظرها تطلع
حور كانت تتسمع أغاني وتجهز أغراضها حقت المدرسه في غرفه وجدان
ووجدان خايفه من تهور عمر دق الباب عبد الله
وجدان : مين
عبد الله : أنا عبد الله
وجدان نست وجود حور وقالت : ادخل
دخل عبد الله وانصدم يوم شاف حور بدون عبايه ولا شيله جلس يناظرها بتمعن
حور لفت وقالت : وجدان شرايك البس هاذي
شهقت يوم شافت عبد الله
عبد الله على طول صد
وجدان : عبود وش كنت تبغا
عبد الله : معليش ولله مادريت ان حور عندك
وجدان ناظرت حور الي تناظر ظهر عبد الله بخوف
وبسرعه عطتها العبايه حقتها وقالت : نسيت ولله إنها عندي وجودها مثل عدمها
ضحك عبد الله وحور دفت وجدان ودخلت غرفه الملابس بسرعه
عبد الله :خلاص بروح وبعدين ارجع لك
حور من داخل : لا خليك عادي تكلم معها بركب السماعه ومارح أسمعكم ترا
وجدان : وش بغيت
عبد الله تقدم يمسك يدها وقال : أنتي عارفه معزتك وغلاتك عندي صح
وجدان توترت وقالت : عبود شفيك
عبد الله : كلمني عمر وخطبك مني وقال نستعجل شوي في الخطبه والملكه إذا كنتي موافقه خلاص وإذا ماكنتي موافقه مارح أغصبك على شي ماتبغينه
وجدان : مادري بفكر وارد لك
عبد الله : تمام ردي لي في اسرع وقت عشان اقول له
وجدان : تمام
بعد ماطلع عبد الله ارسل عمر وقال : وافقتي ؟
وجدان ماردت عليه
عمر : خليك ساكته لأكن ولله لو يجيني الرفض منك إني لا اعلم اخوانك تفهمين
وجدان قفلت الجوال على طلعه حور
حور : شفيك
وجدان : مادري خايفه من الزواج
حور : استخرتي
وجدان : اي
حور : طيب
وجدان : احس براحه بس خايفه في نفس الوقت
حور : دامك مراتحه وافقي
وجدان : تمام
لا أبيح القراءه بدون لايك 🤍
