تعريف الشخصيات:
بيت بو سلطان(محمد) وزوجته (نورة) وزوجته الثانيه (صيته)
عيال نورة:-
سلطان عمره ٣٥ صاحب عقارات متزوج وزوجته( رند) وعندهم بنت (ترف) عمرها سنتين
سلمان توأم سلطان وشريكه ف الشغل متزوج اخت رند واسمها "ريناد" وعنده بنت اسمها "رهف"عمرها سنتين
مشاري عمره ٣٣ دكتور متزوج وزوجته (هيام) وعندهم ولد اسمه (محمد) عمره سنه
بدر عمره ٣٠ يشتغل محل الذهب لابوه
سعود عمره ٢٨ ضابط
شمس (بطلتنا) عمرها ٢٠ سنه ثانيه جامعة دلوعة البيت وما ينرفض لها طلب
عيال صيته:-
سالم عمره ٣٠ متزوج وزوجته شيخه
طيف عمرها ٢٨ مطلقة ماعندها عيال
خالد عمره ٢٦ يشتغل بمحل الذهب لابوه
وصال عمرها ٢٤
_______
نرجع للماضي قبل ٣٥ سنه
في الديرة
وتحديدًا بيت الجد عبدالله
بو سلطان بغضب: ماني مطلق نوره ي يبه افهمني المره حامل شلون اطلقها
بو محمد بغضب: تاخذ بنت زيد فوقها ي محمد وإلا بغضب عليك ل يوم الدين
بو سلطان: محدن طلب منك تروح تخطب لي ي يبه أنا نورة أبيها احبها ليه تبغى تخرب سعادتي وتهدم بيتي
رفع عصاته: والله ي محمد ان م خذيت بنت صديق عمري لا أنا أبوك ولا انت ولدي وتحرم عليك شوفتي ويحرم عليك هالبيت اجل تعطي كلمة وتثنيها
بو سلطان: ما عطيت كلمة يبوي انت اللي عطيت
بو محمد: من يوم إنكم بزران وكل الديرة تدري ان صيته ل محمد ومحمد ل صيته
بو سلطان: بس أنا ما أبيها ي يبه
بو محمد عطاه كف: بسببك وبسبب تهورك بتصير قطاعه بيني وبين صديق عمري انت م تفهم وش اقوله لو سأل ليه ولدك خذا وحدتن ثانيه
بو سلطان: بقوله اني ما ابي بنتك غير كذا مرت اربع شهور يبوي اربع شهور وش كبرها وزوجتي حامل حامل ي يبه افهم
بو محمد: يا تاخذ بنت صديقي يا تطلع من هالبيت وماترجعه ابد تفهم
ام سلطان كانت تبكي: ليه تسوون فينا كذا ي خاله ليه كل هذا عشاني يتيمه وماعندي اهل بظهري
ام محمد: محدن طلب منك تاخذي ولد التاجر عبدالله انتي شايفه نفسك من مستوانا عشان تأخذين ولدنا
ام سلطان: ولدكم اللي أخذني ولدكم اللي حبني والحين شوفي هذاني حامل ليه تبون تخربون حياتنا في اهل يسوون بولدهم كذا
عطتها كف: صوتك ان طلع ي نورة بتشوفين شي ماشفتيه بحياتك فاهمه/ وتركتها
ام سلطان بقهر: حسبي الله عليكم حسبي الله عليكم
دخل بو سلطان وشافها تبكي عرف ان امه السبب نزل ل مستواها وناظرها بضيق: مشينا ي نورة مالنا قعدة هنا
ام سلطان: وين نروح بهالليل ي محمد
بو سلطان ابتسم لها والحزن ماكل عيونه آكل: امشي معي انتي بس خلك معي
قامت وهي تبكي ومسكت أيد زوجها وطلعوا
بو محمد بصوت عالي: لا عاد ترجع لهالبيت ي محمد فاهم
لف وبحزن: لا بموتي ولا بموتك/ وطلع
حس بألم ف قلبه: ليه تعاند أبوك ي محمد لييه
_____
في احد البيوت في الديرة:
دخلت الصاله وب ايدها صينية القهوة حطتها وجلست وصبت له القهوة: محمد لين متى واحنا على هالحال ما يصير / ومدت له الفنجال: سم
بو سلطان اخذ الفنجال: سم الله عدوك وش تبيني اسوي ي نوره اطاوع شور ابوي واتزوج عليك بعقلك انتي
ام سلطان بلعت غصتها: تزوج ي محمد ولا تطلع عن شور أبوك والله ان باكر يصير له شي وتندم ندم عمرك تزوج
بو سلطان اللي كان ماسك فنجال القهوه رماه ع الجدار بقوه وبغضب: وش تقولي انتي ي نورة أنا احبك ي بنت الناس أنا أبيك ولو تنطبق السما ع الأرض ماني مآخذ وحده فوقك فهمتي
ام سلطان ودموعها سيل ع خدها: أبوك اهم ي محمد رضا أبوك اهم مني ومن ولدك اللي بيجي طلبتك لا تكون سبب ف حرمان ولدنا من جده ولا ودي اكون سبب ف حرمانك من اهلك طلبتك ي محمد قل تم لأبوك
مسك راسه بألم: ي بنت الناس ماعندك غيره على زوجك انتي
ام سلطان بكت: وشلون ماغار ي محمد وشلون ماغار لكن اهلك بيقطعونك بسببي ولا ودي تصير قطاعه بينكم طلبتك يكفي أني عايشه بدون اهل ما ودي انت بعد تكون يتيم واهلك عايشين
________
بيت بو صيته:-
دخل البيت وكان مسافر صار له فتره والشوق وصل حده ل بنته اللي للحين م تزوجت وزوجته تكلم بصوت عالي: السلام عليكم يا اهل البيت
ام صيته: خلاص ي يمه لا تبكي هذا ابوك وصل الحمدلله
دخل الصاله وشاف زوجته: وينكم مالكم حس
ركضت ل حضن ابوها وبكت
بو صيته: وش فيك ي بنت
صيته: يبه وين رحت وتركتنا اااههه لو تدري وش صار. ب غيابك
بو صيته ب استغراب: وش صار اهرجوا
صيته: تزوج محمد يبوي تزوج وزوجته حامل تزوج وثنى كلمته شافك محد وراح تزوج وحده يتيمه بنت شوارع اااههه يبوي اااههه
بو صيته انصدم: وش تقولي انتي تسمعي الهرج اللي يطلع منك بو محمد ما يزوج ولده اي احد هالحين اروح اقوله يطلقها
ام صيته بحزن على حال بنتها: ليت يقدر يطلع ي زيد ليته البنت حامل الحين
ناظرها بصدمه: وش تقولي ي مره
ام صيته: هذا العلم ووصلك ي بو صيته وبنتك الناس صارت تهرج فيها
رمى شنطته وطلع بسرعه ل بيت جاره وصديقه
_____
دخل وهو منفجر من اللي سمعه وبصوت عالي: وييينككك ي عبدالله
بو محمد طلع له: احترم نفسك وانت داخل ي زيد البيت به حريم
بو صيته: اجل ولدك يثني كلامه وسمعة بنيتي بالأرض هانت عليك بنت رفيق عمرك ي عبدالله هانت العشره
بو محمد: بيتزوجها ماعليك اصبر عليه بس
بو صيته بغضب: والله والله ان ماخذا بنتي لانت ب اخوي ولا هم يحزنون/ وطلع
تنهد بضيق وجلس بالحوش
ام محمد: وش فيه بو صيته ي بو محمد
بو محمد: ولدك سود وجهي ي مره سود وجهي الله يسود وجهه
ام محمد: ولدي ماله ذنب باللي حصل ي بو محمد هي سحرته هو ماله ذنب
بو محمد: علمن يوصله ويتعداه ان ما تزوج البنت لا هو ولدي ولا أنا ب ابوه
ام محمد: طلبتك لاتقول كذا ي بو محمد هذا ولدك وحيدك صدقني بيتزوجها ورجله فوق راسه انت بس اصبر عليه
بو محمد: أنا مستغرب شلون بو مترك يروح ويزوجه إياها
ام محمد: انضحك عليه الظاهر ماعليه قم الحين وعين من الله خير والله بيفرجها ان شاءالله
__________
الحاضر:
في احد أحياء الرياض
وفي بيت بو سلطان الكبير وتحديدًا بالحديقة العصر
كانوا عيال بو سلطان كلهم مجتمعين
سلطان: اي ي بدر وشلون الشغل
بدر: الحمدلله اموره زينه وماشاء الله ربي فاتح علينا
سلطان: الحمدلله
جت شمس اللي كانت ماسكة صينية العصير
سلطان: جت حبيبة اخوها هلا ابوي انتي
ابتسمت له ومدت له العصير: هلا ب حبيب اخته سم
اخذه: سم الله عدوك وشلون الجامعة معك
شمس: ماكلة زق والحمدلله
ضحك: اسألك بالله
شمس: يخي أنا وش دخلني الجامعه وع وش ذا عيت تخلص
وصال: أنا اقول اطلعي منها والله لا فالحه ولا شي
شمقتها: تحسبيني مثلك يعني
وصال مسكت شبشبها "أكرمكم الله" ورمته عليها
بس ايد شمس كانت اسرع مسكته وردته لها وجا بجبينها
ناظرتها بحده
سلطان بعصبية: بس انتي وإياها وجع مانقدر نجلس بدون ضرابه
وصال: هي اللي
قاطعها بدر: وصال خلاص عاد
طيف جتهم: وصال امي تناديك/ وجلست عند أخوانها
خالد: وشلونك طيوف
ناظرته بضيق وابتسمت: الحمدلله
خالد قام: الحقيني سليطين بنطلع احنا
سلطان: علم ابوي قبل لا تطلع
خالد: علمه انت
سلطان : انت اللي بتطلع وشوله اعلمه أنا
خالد راح له وباس راسه: مو انت اخونا الكبير لبى قلبك يلا عشت كلمه انت يلا طيف
راحت داخل ولبست عباتها
ام سالم "صيته" :على وين
طيف: بطلع مع خالد
ام سالم: مافي طلعه
طيف: يمه تكفين ارحميني بموت كم صار لي ف البيت ما طلعت
ام سالم: عشان الناس تشوفك وتقول جت المطلقه اجلسي بس اقول
طيف: بقلعتهم يمه لاني اول ولا آخر وحده تتطلق يعني اقتل نفسي عشان ترتاحي ولا وش / ومشت عنها
وصال: يمه شوفي جبيني تورم من بنت زوجك شوفي
ام سالم: ورا م ترديها لها ماغير تجي وتبكي عندي
تأففت: ييمماااههه اووفففف مره وحده بس دافعي عني مثل عمتي نورة / ومشت عنها
ام سالم: من زينها عمتك يعني / وبصوت عالي: تعاااليييي اققووول
ام سلطان"نورة": يليل الإزعاج بهالبيت وش ذا
رند "زوجة سلطان": الله يعين ي خالتي وربي ازعاج ماغير تهاوش بناتها
ام سلطان: الله يعينهم إلا عمك وينه
رند: قدني شفته تحت
ام سلطان: اي زين
رند: خالتي بسألك
ام سلطان: اسألي يمه
رند: وش سبب طلاق طيف
ام سلطان ناظرتها بحده
بلعت ريقها: م قصدت
ام سلطان: هالاسئلة ما ابغى اسمعها بهالبيت مفهوم ي رند
رند: حاضر ابشري من عيوني ولا تزعلي
نزلت وطلعت الحديقة وشافت عيالها جالسين مع أبوهم ابتسمت وتحمد الله ان زوجها كل هالسنين م تغير لا عليها ولا على عيالها راحت لهم
شمس: بابا بلييييز ابغى اروح عند فزاع "صقرها"
بو سلطان: ي بنتي بالدمام شلون تروحي وانتي عندك جامعة باكر
تأففت: بابا باكر ماعندي محاضرات تكفى
مشاري: خلاص أنا اخذها يبه ومنها هيام تشوف اهلها
بو سلطان: طيب طيب
ام سلطان: وين تأخذها ي مشاري
مشاري:الدمام تشوف فزاع
ام سلطان: اي زين وسلمولي على ام سطام
مشاري: تبشري قومي ي بنت
باست خد ابوها وامها وراحت تلبس
مشاري راح غرفته يشوف ولده وزوجته
هيام ناظرته وبحزن: وينك مشاري ماصرت تجلس معنا
جلس جنبها وباس راسها: اسف ي قلبي انتي وحقك علي بس تدرين العصرية بهالبيت لازم نكون مجتمعين
هيام: ابغى اروح لاهلي اشتقت لهم
مشاري: بنروح الدمام الحين
هيام بفرح: والله
مشاري ابتسم: والله شمس بتروح تشوف فزاع بآخذك لأهلك مره وحده
بلعت غصتها: بس عشان شمس ودها تروح ل فزاع يعني مو عشان اني ابغى اروح
ضمها: وش فيك ي قلبي علميني صارحيني م أنا اقولك ان بنروح نشوف فزاع وفزاع عند اخوك يعني بنروح لأهلك
بعدت: مافيني شي بقوم اجهز محمد
شال محمد: بجهزه أنا انتي اجهزي اخلصي
هيام: طيب/ ودخلت تجهز
وهو بعد جهز ولده ونزلوا تحت
شمس: وينك انتي مختفيه خير ماصرتي تنزلي معنا
هيام: تعبانه شوي يقلبي
باست خدها: سلامتك يقلبي يلا شوشو
طير عيونه: م تستحين انتي رجال طول عرض وشنب واخرتها شوشو
ضحكت وركبت السيارة
فتح الباب ل زوجته وركبت وسكره وركب وانطلقوا ل خط الدمام
نزل هو وزوجته وبنته
ريناد: غريبة وين العالم
سلمان: بلا هبل يبنتي تدرين العصرية لازم ف الحديقة
ريناد ضحكت: نسيت نظام اهلك
سلمان سحب خدها: اي عشانك طول الوقت مسافرة ي قلبي طبيعي بتنسي
رهف وهي رافعه يديها الصغيرة : ماما أب اب
شالتها: سلمان ودي اسألك عن طيف والله انها كاسرة خاطري
تنهد: خليها على الله من البداية تقول لامها ولد اختك ما يناسبني بس هي لا ودها تزوج بناتها وعيالها ل بنات وعيال خواتها
ريناد: ليه كل ذا
سلمان: تقول حلال أبوكم أولى فيكم عاد افهميها
شهقت: تتمزززححح بتورث عمي وهو عايش ولا وش
سلمان: خليها على الله مشينا تلقينهم محاتين يحسبونا م وصلنا للحين
وطلعوا الحديقة
ترف ركضت: لهف لهف "رهف"
رهف ركضت لها: تلف "ترف"
ام سلطان: متى وصلتوا الحمدلله ع السلامه
سلمان ضمها: الظهر كنتوا نايمين ربي يسلمك
بو سلطان: الحمدلله ع سلامتكم يبوي
باس راسه: يسلمك ربي وش اخباركم عساكم طيبين
بو سلطان: ب احسن حال الحمدلله وش اخبارك ي ريناد
باست راسه: الحمدلله عمي انت وش اخبارك
بو سلطان: نشكر الله
ريناد: حبيبتنا شموس وينها
ام سلطان: راحت الدمام تشوف فزاع
ريناد: م تعيش بدونه ليتكم تركتوه هنا تشوفه دايم
بو سلطان: محتاج له اهتمام ورعاية خاصه وبنيتنا جامعية يالله منها انها تفضى لنفسها وسطام مهو مقصر مهتم فيه احسن اهتمام
نزل مستعجل وزوجته وراه تبربر فوق راسه
سالم بضيق: يا شيخه يرحم لي والدينك خلاص عاد لا تحني فوق راسي
شيخه: بس انت اسمعني وش بقول
سالم: ما ابغى اسمع يبنت الناس خلاص تقلعي من قدامي / وشاف الشغاله/ ميري وين بابا
ميري: برا
طلع وهي تركض وراه
سالم لف بعصبية: والله ان م ذلفتي من قدامي ي شيخوه بتذلفي ل بيت اهلك تفهمي
تأففت وراحت فوق وهو طلع ل ابوه
بو سلطان: الله انك تحييه وينك يبوي ابطيت
سالم بضيق: وهو اللي عنده شيخه م يبطي
بو سلطان: م عليه وانا ابوك تحملها تبقى بنت خالتك
سالم: الله وبنت الخاله عاد والله لو ان امي مو متحلفه علي إلا اخذها م خذيتها وجع بعد ذا راس أزعجتني بس تبربر
سلطان: الله يكون بعونك يخوي هونها وتهون
سالم: عيت مهي براضيه تهون يخوك
سلمان: إلا يبه بسألك
بو سلطان: اسأل
سلمان: عمي بو فارس وشلونه
بو سلطان: مدري عن أخباره يبوك كم صار لي م رحت الديرة ليه تسأل عنه
سلمان: ابد شفت ولده وليد ف مكه يسلم عليك
بو سلطان: ربي يسلمه ويسلمك من كل شر
وصال: يمه خلاص عاد لين متى قلت لك ولد خالتي ما ابيه خلاص عاد أنا إذا م جاني واحد طول وعرض وضخم وراعي فلوس ماني متزوجه وهذاني قلت لك
ام سالم: لين متى وانا افهم فيك ي وصال ليه منتي راضيه تفهمي
________
نروح ل الدمام
وصلوا مشاري وهيام وشمس ل بيت اهل هيام
دقوا الباب وطلع لهم سطام
مشاري: حي الله النسيب وشلونك
سطام: بصحة حياكم
هيام: امي موجوده
سطام: موجوده حياكم
دخلوا
مشاري: جايين نشوف فزاع ي سطام
سطام: م قالت لك هيام
مشاري ب استغراب: وش
سطام: فزاع حطيناه عند بو فارس بو مترك ينقال عنه
مشاري: ماعرفته والله بس ليه يخوك
سطام: والله مدري وش اقولك تقل عين وصابت الشواهين كل مره واحد فيهم يموت وفزاع غالي علينا وقلت أحطه عند فارس وتطمن هو احسن مني بهالامور رجال عنده إسطبلات وعنده شواهين وماشاءالله
مشاري تنهد: م قالت لي اختك ليتك علمتني يخوي
سطام: السموحه يخوك
مشاري : وين مكانه بو مترك
سطام: ف الرياض عندكم
مشاري فهم ان هيام م قالت لان ودها تشوف اهلها
ام سطام: واخيرًا ي يمه م بغيتي تجي
هيام: وش اسوي يمه ولدهم م يجيبني يرضيك
شمس طيرت عيونها وناظرت هيام
ام سطام: وينه المروح اخوك ي شمس وش عنده م يجيب بنيتي لي
شمس ناظرت السقف وصفرت
ضحكت: يحليك ي شمس وش اخبار امك وعمتك
شمس: امي بصحة وعافيه وتسلم عليك وعمتي على زق بخير الحمدلله
هيام ناظرتها وضحكت: لا تسمعك عمتي بس
شمس تنهدت: ماعلينا ودي اشوف فزاع وينه
ام سطام ناظرت هيام
هيام بلعت ريقها: نسيت اعلمك ي شمس سطام عطاه واحد
شمس وقفت: شلون يعطيه واحد وهو لي
هيام: مدري
ام سطام: اجلسي ي شمس وش فيك وقفتي
طلعت من الصاله وهي معصبه شلون ياخذوا صقرها بدون أذنها
ام سطام: هيام وش فيك اهرجي
هيام: مدري يمه احس مشاري صاير ما يهتم فيني يعني تخيلي لو مو عشان شمس ماكان جابني
ام سطام: صلي ع النبي ي يمه وش هالكلام وش م يهتم فيك وبعدين أكيد قبل لا يجيب شمس فكر انك تبين تشوفين اهلك وقال مره وحده يجيب اخته وش فيك ي يمه
هيام: يمه ابفهم ليه زوجتوني إياه يمه ما قدرت أتقبله
بو سطام دخل ع كلامها: هيام
بلعت ريقها: يبه
بو سطام: وش اللي اسمعه ي بنتي
هيام نزلت راسها
بو سطام: تدرين انك خذيتي احسن واحد من عيال محمد وتدرين انك ما بتلقي واحد احسن من مشاري وش هالكلام اللي تقولينه
هيام نزلت دموعها : يبه انت عاجبك انه ما يجيبني عندكم دايم
بو سطام: البنت بيتها عند رجلها مو عند اهلها وش تبين الناس تقول عنك ماعندها بيت ماغير متكيه عند اهلها
تأففت: ما يهمك مشاعر بنتك كثر م يهمك كلام الناس ليييه
بو سطام ناظرها بحده: هيـااام
ام سطام: خلاص ي احمد صل ع النبي أكيد ما قصدت هيام اعتذري من ابوك وحبي راسه
هيام : اسفه يبه/ وحبت راسه
______
دخلت المجلس وهي معصبه: وين فزاع
مشاري وقف: ابو محمد ابوه بنت وش تسوين انتي
شمس بحده ناظرت سطام: ب اي حق تاخذ فزاع ل واحد ثاني ي سطام عطيتك تهتم فيه تقوم تعطيه احد ثاني يعني ما نقدر نثق فيك ولو شوي
سطام اللي عطاها ظهره اول م دخلت: وعليكم السلام ي اخت مشاري اولاً اسمعي العلم قبل لا تهاوشي ثانيا كل الصقور اللي عندنا ماتوا جتهم عين او مرض مدري وعشان فزاع لا يجيه شي عطيته واحد يهتم فيه وهو احسن مني بهالمواضيع
مشاري ناظر شمس بحده
شمس طنشت نظرات اخوها ونطقت: وينه طيب
سطام: عندكم بالرياض وأخوك يعرفه
مشاري: السموحه ي سطام/ وسحب ايد شمس وطلعوا/ وش هالحركات ي بنت تدرين ابوي وش بيسوي فيك ان درا
شمس: وش دخلني أنا محد قاله يعطيه احد ثاني
مشاري: امشي اقول بنرجع
شمس: بس يخوي متى نوصل
مشاري: وقت نوصل امشي
تأففت ومشت معه
بو سطام: على وين ي مشاري اجلسوا
مشاري: مشكور ي عمي بجيكم بعد كم يوم اخذ هيام خلوها عندكم اليوم
بو سطام: طيب يبوي توصلوا بالسلامه وسلم لي على ابوك
مشاري: تبشر ي عمي/ وطلعوا
________
كان يسوق سيارته ومعه زوجاته
ام سلطان: اقول محمد متى ودك نروح الديرة
بو سلطان: فكيني من هالطاري ي نورة يرحم لي والدينك
ام سالم: ليه طيب
بو سلطان ناظرها من المرايه: اسكتي انتي الثانيه قلت مافي روحه
ام سلطان: ان مت طيب وصيتي تروح وتصلح الحال مع ابوك ي محمد
بو سلطان: وش هالطاري ي مره
ابتسمت له: يمكن تحس وتقرر تروح لأهلك قاطعهم مدري كم سنه
ام سالم: كلنا ندري بسبب من
ام سلطان بلعت غصتها
بو سلطان: ي مره اسكتي كم مره اقول
ام سالم: وانت كل م هرجت تسكتني ليه كذا
ام سلطان صرخت: انننتتتتتبببببههههههه
:لا اله الله
: أنا لله وانا اليه راجعون
:دقوا ع الإسعاف في احد عايش
________
تسريب البارت الثاني:-
.
.
جلست وسكرت على أذونها صرخت صرخة هزت المكان باللي فيه: يييييمممممماااااااااههههههه يمه قومي طلبتك تكفين لا تخليني يمه قومي يمه مالي غيرك تكفين قومي يمممههه عععااانننددديييي المووووتتت وقوووووممييي يييمممماااااااهههه
ضمها بقوه: أنا لله وانا اليه راجعون
حاولت تبعد عنه: ابببعععدددد اميييي ماااتموووتتت كللههه ممننننهههممم ذذبببحوووووههههااا ييييممممااااااهههه
.
.
.
.
نوقف هنا
رأيكم وتوقعاتكم
الكاتبـة شيهانة🦅✍🏻
