فـي الديـرة
وعلـى مسامع اذان الفجر
قام الجد عبدالله يتوضأ للصلاة
تركي: صبحك الله بالخير ابوي
الجد عبدالله: صبحك الله بالنور ودني المسجد
تركي: ابشر بس اتوضأ / وراح
ام تركي دخلت غرفة بنتها : سلمى يا سلمى يمه قومي
سلمى بصوت مليان نوم: قمت يمه قمت
ام تركي: يلا ي يمه يلا صلاه/ وطلعت تصحي الجدة ام محمد
طلع تركي ومعه الجد عبدالله للمسجد
الجد بو مترك: صبحك الله بالخير يبو محمد
الجد عبدالله: صبحك الله بالنور ي بو مترك
تركي: صبحك الله بالخير عمي
الجد بو مترك: صبحك الله بالنور/ ودخلوا المسجد
_____
الساعـة ٦ الصبح
كانت بالمطبخ تسوي الفطور وامها جالسه مع الجدة ف الصاله
الجد عبدالله كان بالحوش ومعه تركي وماسك الراديو وحاطها قريب أذنه يسمع قرءان
جت لهم سلمى ومعها صينية الفطور وحطتها : صبحك الله بالخير جدي/ وباست راسه
الجد عبدالله: صبحك الله بالنور ي بنتي اجلسي
جلست جنب جدها
تركي: يبنت الشاهي وين قومي جيبيه
سلمى: نسيته
الجد ناظره بحده: قم جيبه بنفسك ومره ثانيه لا تقومها من السفرة
ابتسمت ل جدها ما يرضى احد يقومها من السفرة
الجد: قم انت يلا
تأفف وقام وسلمى ضحكت
سلمى: حي عينك جدي الله يطول لنا بعمرك
الجد : حي نباك يبنتي
_____
بيت الجد بو مترك
دخل فارس وهو ميت تعب طول الليل بالطريق
بو فارس: الحمدلله ع السلامه ي فارس
فارس بتعب: يسلمك ربي ابوي / وحس راسه يدور
لاحظه وليد: فوي/ وقطع كلامه طيحة فارس بحضنه
وليد: بسم الله عليك فارس ي فارس قم ي ولد
الجد بو مترك مسك كاسه الماي وكبها بوجهه
شهق
بو فارس: يبوي م يجوز ترويع المسلم
الجد بو مترك: رح داخل انخمد
فارس: الله يسامحك ي جدي فجعتني الله يصلحك
ضحك وليد: رح نام
قام وهو يحس راسه بينفجر ودخل داخل ونام بالصاله من التعب
فواز اللي طلع من الصاله للحوش: ابك وش فيه ذا نام هنا
فايز ووليد ضحكوا
الجدة ام مترك: اقول ي ام فارس
ام فارس: لبيه قولي
الجدة ام مترك: دريتي ان بو صيته وامها رجعوا من السفر
ام فارس: دريت دريت
الجدة: اللي يستر علينا اجل
ضحكت: ليه
الجدة: م تدرين انتي وش كانت تسوي يوم انها تجي الديرة
ام فارس: وش تسوي
الجدة: تجيك وتجلس معك وتسولف معك وتضحك معك وتاكل من عندك وتشبع وبس تخلص وتطلع من عندك تروح عند اهل الديرة وتحش فيك لين تقول امين وبس تدرين انتي بالسالفه وتقولي لها يأمره وشوله تتكلمين علي تنزل هالكم دميعه وتقول والله اني مظلومه ويحليلي وأنتم م تبوني وأنتم م تشوفوني بنتكم وأنتم مدري وش
ضحكت الهنوف: اسألك بالله ي جده
الجدة: ب زمننا كانت نقالة علوم مابقى احد بالديرة ما نقلت علومه
امل: وهي وين كانت
الجدة: سافرت الكويت هي ورجلها بعد م زوجت كل بناتها
ام فارس: تقولين بترجع تكمل نقل العلوم
الجدة: اقص ايدي ان ما كملت نقل العلوم محدن يعرفها كثري
الهنوف: كنتم صديقات ي جدة
الجدة تنهدت تنهيده طويله: ايييييييي ي يبنتي كانت مثل اختي واعز لين الله يقلعها خربن حياة نورة الله يرحمها هي وعجوز النار ام محمد
_______
في الرياض
تحديدًا بيت بو سلطان
العصرية بالحوش
جالس بو سلطان مع زوجته وعياله وحريم عياله وأحفاده
قام سعود يصب له القهوه: سم يبه
بو سلطان: سم الله عدوك إلا ي سلطان الشغل وشلون ماشي يبوك
سلطان: الحمدلله يبه الحمدلله
بو سلطان: وانت ي سلمان
سلمان: يبه نسيت اني مع سلطان يعني الحمدلله ماشي
بو سلطان: وانت ي بدر
بدر: الحمدلله يبه على ما تحب وابشرك الزباين ماشاء الله ما عندهم إلا محل بو سلطان وين تبو نبي محل بو سلطان وين رايحين رايحين محل بو سلطان يعني الحمدلله
بو سلطان: الحمدلله إلا الدكتور م جا
هيام: لا عمي للحين اليوم عنده مناوبه ليليه
بو سلطان: زين زين وانت ي سعود
سعود: لا م عليك الحمدلله
سالم وخالد مع بعض: وحنا امورنا تمام
خالد ضحك: عسى ماشر يبه
ابتسم له: ما من شر ي ولدي اتطمن على أحوالكم
طيف: ان كانك بتطمن كلم امي تعبت أنا ترا
ام سالم: اصه اسكتي انتي
بو سلطان: خير ي طيف وش فيك ي بوي
طيف: تبيني ارجع ل ولد اختها المجنون
بو سلطان ناظر ام سالم: نعم نعم وش م سمعت
ام سالم: ي بو سالم ولد خالتها أولى من الغريب
وقطعت كلامهم ميري اللي جت تركض وأيدها مجروحه
رند وقفتها: وقفي شنو هذا ي ميري
ميري وهي تبكي: هذا شمس ماما أنا مافي معلوم شنو في
ريناد وهيام ورند ركضوا فوق ل شمس
بو سلطان قام: اللهم اجعله خير/ وراح
ام سالم ل سلطان: اختكم بها بلا ودوها تتعالج/ وشربت قهوتها
سلطان: مافيها إلا العافيه
ام سالم جلست رجل على رجل: أسمعوني أنا اعرف شمس من يومها مولوده طيب
سلمان بحده: تراها بنت امي وحنا طالعين من نفس البطن ما بتعرفيها اكثر مننا وان قلنا لك مافيها شي يعني مافيها شي
خالد: سلمان هد واحترم وانت تتكلم مع امي ما اذكر ان كلمنا المرحومه بهالاسلوب
سعود: لان المرحومه احترمتكم مير ان أمكم م تحترم احد/ ورمى فنجاله وقام عنهم
عند شمس:
رند: هاتي ماي ي ريناد شمس امي بسم الله عليك وش فيك
شمس وهي تبكي وماسكه راسها: اطلععووااا اوففف
ريناد عطتها الماي مع مسكن: خذي بسم الله عليك
أخذته بسرعه وشربته
هيام: وش فيك ي شمس قولي لي يقلبي
ناظرتهم وتراجعت ل ورا: هئه مافيني شي أنا بس بنام اي بنام الحين خلاص اطلعوا
دخل بو سلطان: بنات خلوني معها شوي
طلعوا البنات وبقى بو سلطان مع بنته
شمس: بنام اتركني لحالي
بو سلطان: شمس وش فيك يبوي قولي لي
شمس مسكت راسها: مافيني شي أنا بخير الحين خذيت مسكن وبنام
بو سلطان : انتي شايفه حولك مستوعبه اللي سويتيه جرحتي يد ميري جرح عميق أخذوها المستشفى
شمس هزت راسها بالنفي: لا مو أنا هي هي جرحت نفسها هي سوت كل ذا أنا/ ومسحت دموعها: أنا ما سويت شي ماسويت شي
ودخلت ام سالم
شمس: اطلعي براً انتي
ام سالم: ميري تقول م تاخذي علاجك ليه ي شمس
بو سلطان: عطيني العلاج
جابته له وعطته إياه: تفضل
شمس بكت: لا ما ابغى مااا ابغى خلووننييي تتككففوووننن
بو سلطان: لازم يبنتي تأخذينه مايصير
ام سالم: انتي لازم تتعالجي منتي صاحيه
شمس: بابا توني خذيت العلاج والله والله ليه ما تصدقوني انتم
بو سلطان: شمس لازم تاخذي علاجك ي بابا ما يصير
قامت وهي تحس راسها بينفجر : اطلعوا واتركوني يبه أنا مافيني شي ليه ما تفهمووووا
دخل سلطان على صوت الصراخ
ركضت له وتخبت وراه: تكفى تكفى فهمهم أنا خذيت علاجي والله ي سلطان خذيته بس محد يصدقني أنا بخير مو مجنونه ليه ما يفهموووونيييي
سلطان: يبه
بو سلطان تنهد: يبوك العلاج ما نقص منه شي شوف علبة الأدوية
سلطان لف لها: شمس
شمس انهارت: صدقووووونننييييي خذذذيييتتتتت والله والله اسألوا هيام وينها تكفون والله خذيته خلاص اتركووووونيييي
ضم اخته بقوه: خلاص اطلعوا
ام سالم: بس ي سلطان
سلطان بحده: اطلعوا اقول
طلعوا وتركوه معها
شمس وهي تبكي: والله خذيته سلطان راسي بينفجر أنا مافيني شي والله مافيني شي ما سويت شي أنا بس أنا بس رحت المستشفى عشان القولون بس ورجعت وصرت زينه والله مافيني شي أنا أنا بخير والللههه ببخيييرر
سلطان: تمام انتي بخير / ومسح دموعها: خلاص ي قلب اخوك انتي اهدي وارتاحي
شمس: ابغى انام
ساعدها وآخذها ل سريرها: تمام نامي الحين والليل بنطلع كلنا نغير جو تمام
هزت راسها ب إيجاب ونامت وهو جلس جنبها
شوي ودخل خالد: نامت
سلطان: نامت
خالد: وش صار لها
سلطان: مدري يمكن للحينها متأثره بموت امي او مدري الصدق
خالد: ليه ما تجرب تأخذها ل دكتور نفسي يمكن تراكمات او اضطراب ما بعد الصدمه او مدري وش
سلطان: مدري الصدق
خالد: جرب يخوك منت خسران شي لا تروح البنت من ايدنا
اقتنع بكلام خالد : اي طيب امش طلعنا
خالد قام: يلا/ وطلعوا
هيام وهي تمسح دموعها: والله قلبي معورني عليها انتم ما شفتوها وهي تحلف وتقول خذيت علاجي أنا ب ايدي عطيتها إياه ليه مو مصدقينها
رند: ما شفتوها وهي تحتمي ف سلطان من عمي
ريناد: الصدق يحتاج لها تروح مع دكتور نفسي والله يعني اوووفف مدري مدري
طيف: الصدق يحتاج لها ميري ايدها مجروحه جرح عميق سالم اخذها المستشفى وخيطوها المسكينه تقول أنا بخير بس شمس تعبانه
وصال: يوم نقولكم انها مجنونه محد صدق
هيام قامت وكانت ناويه تصفقها بس رند سحبتها وجلستها
رند: اهجدي
هيام: فكيني خليني اصفقها والله محد مجنون غيرك ي حيوانه
_________
ونروح ل بيت اول مره نروح له
بيت بو صيته "زيد"
بعد سنين طويله رجعوا الديره ورجعوا لبيتهم القريب من بيت الجد عبدالله
ام صيته: اشتقنا لهالبيت
بو صيته ناظر كل زاويه بالبيت وكل زاويه تذكره ببناته وطفولتهم
دق الباب
بو صيته ابتسم: ان ماخاب ظني هذا حفيد عبدالله جاي/ وطلع وبالفعل كان تركي
تركي: سلام عليكم عمي وشلونك
بو صيته: عليكم السلام الحمدلله وانا عمك بخير انت وشلونك
تركي: الحمدلله أنا تركي حفيد عبدالله
ابتسم: قول ان جدك كبر وماقدر يجي
ابتسم له تركي: يسلم عليك جدي ويقولك عشاكم عندنا
بو صيته: ابشر يولدي علمه بنجيكم للعشا
تركي: تمام حياكم الله/ وراح
ام صيته: وش يبي
بو صيته: عبدالله عازمنا العشا
ام صيته: اي زين يا اني اشتقت ل ام محمد
_______
بيت الجد عبدالله
الجد: علمت عمك بو مترك
تركي: ابك نسيت والله الحين اروح له
الجد: رح رح الله يهداك بس
طلع تركي وعلى طول بيت الجد بو مترك يعلمه بالعزيمه
ام تركي: عجلي ي سلمى مافي وقت ي يمه
سلمى بهمس: وقته جدي يعزمهم ليته علمنا من قبل
ام تركي ضربتها ب كتفها: اشتغلي وانتي ساكته ي بنت
سلمى تأففت
ام تركي: سلمى
سلمى: خلاص سوري سووري
_____
بيت الجد بو مترك
فارس: يعني لو اتصلت
تركي: تدري انت بعد لازم اجي لين عندكم واعلم جدك بعظمة لساني انه معزوم
فارس: اي طيب يلا اذلف بنجيكم بعد الصلاه
تركي: نعم وش قلت
فارس قفل الباب بوجهه
شهق: هيييين ي فويرس هيييين/ وراح
امل: يمه يمه يمه تكفين نروح الحين تكفييييين بنساعد سلمى المسكينه
تنهدت من حنة بناتها: اي طيب وليد يمه وصل خواتك
وليد: وفارس شوضعه
ام فارس: لو ابي من فارس كنت قلت له صح ولا لا أنا اقولك انت
وليد: اي طييييييب امشو مالت عليكم
الهنوف: اصه امش وانت ساكت
وليد: هنو ترا بسحب
امل: يخي بتذلنا انت ولا وش امش يخي/ وطلعوا ل بيت الجد عبدالله
__________
سلمى: هلا يابعد قلبي انتم والله إنكم حاااااسيييين فيني مت وحييت مليون مره
الهنوف: م عليك خدمة طواري حنا
سلمى: طيب ي خدمة الطواري استعجلوا وساعدوني
امل: اخوك محد صح
سلمى: محد
فصخوا عباياتهم ودخلوا المطبخ يساعدوها
ام تركي: هلا ي يمه متى وصلتم
امل: من شوي خالتي قلنا نساعد سلموه
ام تركي: فيكم الخير والبركه سلمى يمه أنا طالعه
سلمى: طيب يمه
ام تركي: لا تحرقي الأكل ي يمه محنا ناقصين نصير علوم الديرة/ وراحت
ضحكت سلمى وبصوت عالي: ابشرييييي
الهنوف: سمعتييييي
سلمى ضحكت: اي تقول امي ام صيته نقالة علوم
الهنوف: قالت الجده والله
ضحكت امل: اجل نبيها تأكل أصابعها اليوم
سلمى: بتاكلهم م عليك
______
الليل
اجمتعوا الشيبان والعجايز بيت الجد عبدالله
الجد زيد: وشلونكم
الجد عبدالله: بخير وشلونكم ما بغيتم تجون زانت لكم الكويت ونسيتم الديرة
الجد زيد: وش نسوي يخوك
الجد بو مترك: من طول الغيبات جاب الغنايم وين الغنايم
الجد زين: تبشر بها
____
الجدة ام مترك: بخير جعلك بخير
الجدة ام صيته: بخير بخير
الجدة ام محمد: وشلون الكويت واهلها
الجدة ام صيته: زينه تسلم عليك
ام فارس: وهذا العشا وصل ما قصروا البنات
ام تركي: اي والله ما قصروا
سلمى بهمس: جاهزين
الهنوف كتمت ضحكتها: نشوف وش يصير اصبري
ام صيته طيرت عيونها: من مسوي الأكل
ام فارس: بناتنا عساه زين
ناظرتهم: اي زين بس كأن ناقصه ملح
الجدة ام مترك: لسانك م يطعم زين
الجدة ام صيته: اي يمكن تدرين كبرنا
ام تركي كتمت ضحكتها
اما البنات ف كانوا ف المطبخ يتعشوا
الهنوف: اسمعي بقولك
سلمى: اسمع قولي
الهنوف: مافي مناسبه قريبه
سلمى شهقت: الاااااا
امل: ووججععع اذننننيييي
سلمى: سوري سوري في نسيت أقولكم
الهنوف: قولي
سلمى: تعرفون ريوف
امل: منهي ذي
الهنوف: بنت ام مطلق تقصدي
سلمى: اي
الهنوف: مطلق خوي فويرس عرفتيه امل
امل: اممماااا
سلمى: اي والله نسيت ي شيخه
الهنوف: متى
سلمى: بقولكم بس احلفوا ما تصرخوا
امل: قولي اخلصي
سلمى وقفت تستعد ل النحشه: باكر/ وانحاشت
الهنوف لحقتها: ي مال اللي مني بقايله ي حيوانه وققففيييي
امل لحقتهم وتركوا العشا مكانه
_________
نرجع ل الرياض
الليل
وبغرفة بو سلطان
ام سالم: صدقني ي محمد بنتك لازمها دكتور نفسي الحاله اللي هي فيها مو طبيعيه
بو سلطان: إذا هي ما تبي ماني جابرها على شي ي صيته افهمي
ام سالم: كذا بتخسر بنتك أنا اقولك
بو سلطان: انخمدي أزين لك/ وصد عنها ينام بس التفكير آكل راسه
وبغرفة هيام ومشاري
مشاري: كل ذا صار ومحد علمني
هيام: توقعت اخوانك قالوا لك
مشاري: بقوم أشوفها
هيام: بقوم أنا اسولف معها بنت ل بنت يمكن في أشياء تستحي تقولها لك
مشاري: اي طيب روحي وطمنيني
هيام: طيب انتبه ل حمودي / وراحت
تنهد وشال محمد اللي كان يضحك وجلس يلاعبه
اما بغرفة شمس
وبزاوية الغرفة كانت ضامه نفسها وتتحرك كثير
دخلت هيام بس الغرفه ظلام : شمس صاحيه
بس مافي رد
شغلت اللمبه وشافتها تنهدت وراحت لها وجلست جنبها: وش فيك ي شمس ليه ما نمتي
شمس: ابعدي عني خلوني لحالي انتم ما تحبوني انتم بتذبحوني هي هي قالت انتم بتذبحوني ابعدي ابعديييي
هيام ضمتها بس شمس بعدتها بقوه وبكت: خلوني اش تبغوا مني
هيام: شمس اهدي تكفين اهدي
شمس وهي تبكي: ليه أنا كذا ليييه يقولوا عني مجنونه أنا مافيني شي والله والله أنا بخير انتي تدري أنا مو كذا هيام في في شي قاعد يصير لي احس/ ومسكت راسها بقوه/ راااسييييي بينفجررر
ركضت وجابت لها المسكن: خذي وأهدي ي شمس تكفين
رمت الحبه : اطلعي اطللعييييي/ وشدت على شعرها
هيام بكت من حالتها وضمتها: خلاص ي شمس طلبتك اهدي شوي
شمس شدت عليها : بجن ي هيام راسي بينفجر من الهواجيس تعبت والله أنا مو كذا أنا في شي قاعد يصير لي في احد ف مخي ما يسكت تكفييين خلللوووهه يسكت
هيام مسحت عليها وبدت تقرا عليها عشان تهدا لين نامت
_______
صباح اليوم الثاني
الكل جالس بالصاله إلا شمس كانت نايمه
هيام وهي تمسح دموعها: وهذا اللي صار ي عمي والصدق أنا خايفه عليها تأذي نفسها
ام سالم: قلت لكم
رند: ان
وقرصها سلطان وبهمس: ابوي هنا ي رند مو وقته
هيام: عمي قلت لك مو عشان تأخذها عند دكتور او شي لا هي محتاجه من يحتويها وإذا دخلت المستشفى بتتعب اكثر
بو سلطان: اي خير ان شاءالله هي تاخذ علاجها
هيام: اي امس أنا بنفسي عطيتها إياه
بو سلطان: اجل ليه علبة الأدوية مليانه ي هيام
استغربت: علبة أدوية
بو سلطان وقف وراح ل شمس
سلمان: يبه يبه وقف
مشاري: اخخ ي هيام اخخخخ تكذبين ليه يبنتي لييه
ريناد: تراها صادقه م كذبت حنا شايفينها
دخل غرفتها وكانت نايمه ناظر الادويه بس مثل م توقع استغرب وش الأدوية اللي بنته تشربها
فتحت عيونها بتعب
بو سلطان: شمس
شمس صدت عنه
بو سلطان جلس جنبها: قومي بابا بتكلم معك شوي
شمس: وش عندك يبه
بو سلطان: قومي يقلب ابوك انتي بكلمك قامت وجلست: صباح الخير
بو سلطان ابتسم لها: صباح النور شمس يبه وش العلاج اللي عطتك إياه هيام البارح
شمس: مسكن يبه
بو سلطان: وانتي تشربين الادويه اللي عطاك اياها الدكتور
شمس: اي يبه
بو سلطان: عادي أشوفها
شمس: اي عادي/ وفتحت درج الكومدينه وطلعت الدوا: تفضل
ناظره : وهذا اللي ب ايدي ل وش
شمس: مدري مسكن اظن ليه يبه تحقيق من الصبح
دخلت ام سالم وكان واضح انها جايه مستعجله: الحق ي محمد طيف ووصال
شمس قامت بتعب: وش فيها طيف
ام سالم: مدري وش جاهم
ترك علبة الأدوية وراح يشوف بناته
وشمس دخلت الحمام أكرمكم الله
__________
تسريب البارت السابع
: يبه تكفى تكفى لا تخليني وتروح
: لييييهههه تدخليييين هالطريييق وش قصرنا فيه احنا
: هه هذا مكانك ي بنت نوره
.
.
.
.
نوقف هنا
رأيكم وتوقعاتكم
الكاتبـة شيهانه🦅✍🏻
