كانوا يتضاربوا ودخل أبوهم
بو سلطان: وش فيكم
طيف: يبه مدري عنها جالسه ف أمان الله وجت تضربني
بو سلطان: وصال
وصال وهي تبكي: بابا كسرت الروج حقي
بو سلطان ناظر طيف: طيف
طيف مسكت راسها: لا يطيح السقف علينا ما كسرته ولا لمسته حتى هي اللي جت وكسرت أغراضي
وصال: بابا هذا الروج مره غالي
تنهد: يا بابا انتي وإياها ابشروا أعوضكم بكل شي انكسر بس ياقلبي انتي وهي اختكم تعبانه ولا قدرت اجلس معها
صدت وصال: أصلا احنا ما نهمك كثر شمس
ضمها: من قال كذا ي بابا بس عشان امها متوفية قريب وهي للحين م تخطت لازم اكون واقف معها صح ولا لا
طيف: صح كلامك يبه
وصال: طيب هي يعني بابا / وسكتت
ابتسم لها وحط يدينه ع اكتفاها وناظرها بحنيه: وصال ياقلب ابوك انتي أنا مقصر معكم بشي / ووجه نظره ل طيف/ ها طيف
تنهدت طيف: لا يبه منت مقصر
بو سلطان: ي بابا انتم عندكم أمكم موجوده بس شمس محد لها غيري
وصال بوزت: بس اخواني موجودين مهم مقصرين
بو سلطان: بس هي محتاجه ابو بحياتها صح ي بابا يلا الحين انتي وأختك ضموا بعض وأبشروا أنا بنفسي أوديكم السوق اليوم تأخذوا اللي تبونه وآسف ان كاني قصرت معكم لكن اني أتمنى أنكم تتفهموا وضع اختكم
طيف باست راس ابوها: ابشر يبه
وصال ناظرته
ابتسم لها
تنهدت: اي طيب بنتفهم
طلع وراح تحت
______
اما في الديرة
وتحديدًا ف السوق
كانوا الشيبان جالسين عند محل بو مترك وبو صيته واقف وماسك القهوة يصب لهم
الجد عبدالله: انت شفيك ما تسمع ركب سماعه أزين لك
الجد بو مترك: لا تغلط تفهم ولا لا أنا اسمع احسن منك
الجد عبدالله شرب قهوته: احسن مني اي خير ان شاءالله
الجد بو مترك: ها
الجد عبدالله بصوت عالي: خير خير ان شاءالله
الجد بو صيته: وشلون نياقك ي عبدالله
الجد عبدالله: عندي ناقتن مسخنه
الجد بو صيته: عطها بنسلين دقها ١٠ سانتي ولا ٨ سانتي
الجد عبدالله: والشعير متى يرخص عيا يرخص يخوك
الجد بو مترك: الحمدلله اني تاركن حلالي ل عيالي ومريح راسي
بو صيته: وانا حاطن لي عامل ومرتاح الحمدلله حط لك عمال يارجال
الجد عبدالله: تبونهم يسرقوني وانا جالس اتفرج لهم لا اشوف حلالي بنفسي وتركي مهو مقصر
الجد بو مترك: تركي مهو دايم لك اترك الولد يشوف حياته
الجد عبدالله: انت اسكت
تنهد وهز راسه بيأس
مر واحد من جنبهم : السلام عليكم/ ومشى
الشيبان : عليكم السلام
بو مترك: هذا كرييهه
الجد عبدالله: اي بالله هذا وش عنده
الجد بو صيته: رايح جاي رايح جاي مايسلم على راسي ما يستحي يهب عليه
_____
عند العجايز
في بيت ام صيته
جالسات بالحوش يسولفن
ام صيته: ويوم اني بغيت أجيبها لقيت الهندي مقفل الخياط ومسافر ومأخذ مفتاحه معه
ام مترك: وخذا الملابس معه
ام محمد: بيلبسهم حرمته وش عرفك انتي
قام ام صيته: يالله يا كريم يالله يالركب والمفاصل
ام مترك: وين رايحه يأمره مانبي قهوه
ام صيته: ماني جايبتلكم قهوه أبيكم تساعدوني ارتب فهالبيت
ام مترك: وينهن بناتك
ام صيته تنهدت: اييي كل وحده بيت رجلها
قاموا ام محمد وام مترك يساعدونها
ام مترك: ياويلي ويلاه ياكثر قشك يامره وش تبين بذا كله وانتي لحالك
ام صيته: قولي ماشاءالله يآمره وش فيك انتي
ام محمد: لا يطيح السقف علينا اسكتوا بس
ام مترك: بيطيح انتي اصبري بس بيتن قديم تنفخي عليه يطير
ام صيته: اصه اشتغلي وانتي ساكته
_______
عند فايز وفواز اللي كانوا بمحل الذهب
فايز: فواز جبلي شاهي
فواز: اي ابشر
ودخل مطلق خوي فارس
فواز: شاهي ولا قهوه
مطلق: شاهي
فواز: ابشر على هالخشم/ وراح
فايز: ياهلآ زايرنا اليوم
مطلق: اي والله يخوك اليوم زواج اختي وماشاءالله علي ما جبت لها شي ودي بشي نادر مايليق إلا فيها
فايز: ابشر / وراح يجيب له القطع النادره وحطها قدامه: تفضل
مطلق: تسلم
فايز: فويرس وش أخباره م جا معك
مطلق: يسلم عليكم انشغل ف الاكادميه عنده متدربين هالشهر
فايز: اييي ولد الديره صار يحب المدينه
ويدخل فارس: تطمن محدن يحب الديره كثر ولد الديرة
مطلق ضحك: ما تقدر تصبر صدمتني يوم انك قلت بتجلس شهر
فارس ضحك: اي وش اسوي م اصبر وبعد حلال جدي لا تنسى
ويدخل فواز ومعه شاهي : فويرس متى جيت ما حسبت لك شاهي
فارس خذا حقه: رح جب لنفسك يلا كفو
فواز: فويرس وجع
فارس: اصه يلا هش رح
فايز ضحك ومد له الشاهي حقه: خذ يخوك خذ
فواز: بروح اجيب لنفسي ومنها/ ورفع الصينيه: أرجعها ل صاحبها/ وراح
________
عند البنات
كانوا ف بيت بو مترك
الهنوف: الله يقلعك ي سلموه يوم انك نسيتي تعلمينا الحين متى يمدي نجهز
امل: هففف مالقيت سوارتي
الهنوف: خذي حقتي مابلبسها
امل: سلمى وين الروج
سلمى وهي تحط الكحل: اصبري تلقينه لحظه / وحطت الكحل: تلقينه ب الدرج
امل : اي لقيته
الهنوف وهي تضبط شعرها: ها كيف شكلي
سلمى: بنت يخرب بيتك ي بنت والله بترجعي من العرس واليوم اللي بعده بتنخطبي
امل: تجننيييي
سلمى: نروح
الهنوف: من بياخذنا طيب
سلمى: تريك هنا بقوله
الهنوف: يمه استحي
سلمى: اصه بس / وطلعت تقوله
تركي: اي طيب اخلصوا علي
سلمى: طيب / وراحت للبنات: يلا البسوا بنروح
الهنوف: بنت والله احس
قاطعتها امل: لا تحسي واخلصي علينا متأخرين مره
الهنوف تأففت ولبست عباتها وتغطت وطلعوا
تركي: بنت وجهك غطيه
سلمى: قلك الرجل الشرقي الغيور يعني: وغطت وجهها وطلعوا
فتحت الباب بتركب بس تعثرت وكانت بتطيح
مسكها بسرعه ولما توازنت بعد : اسف
بلعت ريقها وركبت السياره
سلمى: تريك اخلص علينا
ركب السيارة وآخذهم بيت بو مطلق
اما عند ريوف العروسه
كانت متوتره وتنتظر البنات يوصلوا
درعمت سلمى: ريووووفف
ريوف: سلموه وجع ليه تأخرتوا بغيت أموت
ضحكت: بسم الله عليك يقلبي
الهنوف: ويزيييننوووههه ي نااااسس وقلبسس
ضحكت ريوف
الهنوف: اي ضحكي من قدك بتعرسي وتطلعي من الديره
ريوف تنهدت: م ودي اترك امي والله
امل: امك تركت امها وانتي بتتركيها وبنتك بتتركك وحفيدتك بتترك امها يعني الحياة ماشيه يقلبي انبسطي
سلمى: ماعلينا من كل ذا بنطلع نرقص وانتي لا/ وسحبت البنات وطلعوا
ابتسمت وتنهدت براحه ماعندها خوات بس تشوفهم خواتها
_________
يوم جديد في الرياض
دخل غرفة بنته وكانت جالسه جنب الشباك وشارده
بو سلطان ضمها: صبحك الله بالخير
لفت له وناظرته: صبحك الله بالنور يبه
بو سلطان: اليوم بنروح البحر وش رايك
شمس: ماقول لا
ابتسم وماينكر انه فرح انها تحسنت اليوم: يلا اجل ننتظرك تحت / ونزل
واستقبلته وصال : بابا قلت بتودينا السوق امس وما وديتنا قلت لك ما
وقاطعها: اليوم أنا بطلع عند بناتي بنروح السوق ونروح البحر والسينما وين ما تبين. امري يقلب ابوك
ابتسمت وباست خده: بروح البس عباتي/ وراحت
ابتسم ونزل يفطر
ام سالم: وش قررت
بو سلطان: اليوم شمس بخير ما يحتاج لها مستشفى غير كذا بطلع مع بناتي
ام سالم: ما تبوني معكم
بو سلطان: قلت بس بناتي ي ام سالم
قامت: اي طيب/ ومشت
تنهد
هيام ضحكت
ناظرها: احم
كتمت ضحكتها: اسفه عمي
دخلت غرفة شمس
شمس: يالله صباح خير وش عندك
ام سالم: لو ايش ما سويتي بتبقي مجنونه وبنظر ابوك وحده مو صاحيه لان امك كذا كانت وانتي مثلها
شمس: تقلعي يلا هش هش
سحبت لها شعرها
شمس: فكييينييييي وووججعععع
ام سالم: انتي أصلا مالك اي قيمة عند ابوك وانتي وحده مريضه أصلا هو يالله متحملك بس عشانك تشبهين امك بالشكل
شمس بعدت ايدها عن شعرها وبحده: قبل لا تجيبين طاري امي سمي وغير كذا وش تبين مني انتي مو كافي ذبحتي فزاع وش تبين اكثر
ام سالم: أبيك تموتي وافتك منك انتي وحده نكره حالك حال المزهرية موجوده بس مالك فايده
حست بألم خفيف ببطنها بس تجاهلته
ام سالم: ولو ايش ما سويتي ابوك مستحيل يحبك تفهمي
عطتها كف : انقلعي ووفري كلامك بتحتاجي له بعدين
صرخت بصوت عالي وسحبت شعرها: االحقققوووننننييييي بتموتتتننييييي
ناظرتها ب استغراب: وش فيك انهبلتي
دخلت طيف: يمه
ام سالم ودموع التماسيح تنزل منها: بتذبحني اختك ي طيف بتذبحني
طيف: شمس
شمس: ما سويت فيها شي امك مو صاحيه انهبلت
ام سالم طلعت وهي تبكي
طيف: شمس لين متى خلاص عاد كفايه مهي بحاله كل يوم مسويه مشكله
شمس: اقولك ما سويت فيها شي هي ضربت نفسها أنا ماسويت شي
طيف: بتقنعيني يعني الحين من العاقل اللي يضرب نفسه انهبلتي ع الآخر انتي
بو سلطان وقف: وش فيك ي مره
ام سالم: شمس ي محمد شمس ضربتني وانا ماسويت فيها شي ولا تكلمت بس دخلت اتطمن عليها
بو سلطان: وش تقولي انتي توها كانت بخير مافيها شي
ام سالم: بنتك مريضه مو صاحيه ي محمد والله بتذبحني اقولك
طلع فوق بسرعه
شمس: يبه يبه والله والله ماسويت فيها شي والله يبه صدقني
بو سلطان: ي بابا محد عاقل يضرب نفسه كذا
شمس بكت: ليه م تصدقني
ام سالم اللي لحقته : هذا انتي يوم محد يصدقك تنزلي هالكم دمعه عشان ابوك يحن بس اقولك أنا ي محمد يا أنا يا هي بهالبيت / ومشت
تنهد وناظر شمس: شمس
شمس نزلت راسها: بلبس عباتي واجي / ومشت ولبست عباتها وشالت شنطتها وحطت فيها المسكن لان بدأها الألم ف بطنها اليوم ما شربته وبعدها طلعت
________
عند البحر
كان جالس وضام بناته الثلاث
بو سلطان: انتم العين ونظرها ي قلب أبوكم
وصال: بابا انت احسن ابو بهالدنيا
ضحك: عشاني خذيت لك اللي تبينه يعني
انحرجت وسكتت
ابتسم لها
بو سلطان: اخوانكم بيجوا الحين وأمكم بعد
شمس: ليه تجي هي
بو سلطان: شمس بابا بس يوم واحد يمر بدون صراخ ممكن
صدت عنه
وبالفعل ماهي إلا دقايق وعايلة بو سلطان كلها عند الشاطي
بدر ضرب كتف شمس وجلس جنبها: ارررحببييي شموس وينك انتي
ضحكت: بقلبك جالسه اتقهوى
بدر: يزين اللي تتقهوى بقلبي بس انتبهي تحرقيني/ وضحك
سلمان: بقولكم نكته
بو سلطان: ان كانت سخيفه يويلك
سلمان: افا يبوي ماجيب شي سخيف أنا انت تعرفني
بو سلطان: أنا اللي أعرفك قول
سلمان: في نملة عليها خط احمر ليه
بو سلطان: ليه
سلمان: قليلة الدسم
بو سلطان: وش خفة الدم ذي
سلمان: اعتبرها مدحه
ضحك: اعتبرها اللي ودك
شمس: اسمعوا طيب بقول أنا
مشاري: قولي
شمس: في واحد راح المحكمة سأله القاضي انت شاهد قال لا نتفلكس
مشاري: اسألك بالله
شمس: هو يقول أنا ماقلت ههههههه ااهه
هيام: وش فيك بنت
شمس: ولا شي بس قولوني تاعبني اليوم/ وطلعت المسكن واخذته: اي ماعلينا اسمعوا نلعب لعبه وش رايك يبه
بو سلطان: هاتي وش نلعب
شمس: كل واحد يربط رجله ب رجل الثاني ونسوي سباق والخسران ياخذ لنا غدا
سلطان: انتي جوي قم سلمون
سلمان: سلمون ولا هامور
سلطان: تستضرف انت وخشتك يلا قوم
وبالفعل قاموا كلهم حتى أبوهم قام معهم
سلمان وسلطان
بدر وسعود
مشاري وشمس
سالم وطيف
خالد ووصال
بو سلطان وام سالم
هيام: 1.2.3 انطلقوووووا
شمس: وجع ميشو شوي شوي رجلي
مشاري: اسمعي ي بنت ترا مفلس لازم نفوز
سلمان: ي ثقل رجلك ي حمار اسرع
سلطان: اي اي اي رجلييييي
سعود: بدييييير اسرررععع
بدر: والله رجلي يممههه ايييي في شي طعني اصبر اصبر
سالم: حيك ي اخت سالم اسرعييي
طيف وهي تضحك: اصبر اصبر يمه يمه بطننيي ههههه
خالد: ي بنت اصبري بطيح
وصال: يخي استعجل ترا بتدفع انت الغدا أنا ماعندي شي
خالد: نعم نعم/ وانطلق
ام سالم وهي تضحك: اصبر ي محمد بطيح
بو سلطان: امسكي ايدي منتي طايحه
هيام: حيييييكككك ممييييشوووو
مشاري: صوتك ي بنت اصه
هيام ضحكت: تغار يعني
همس لها: أغار مو عاجبك
بلعت ريقها
شمس ضربت كتفه: احترموني طيب مالت عليكم
وكان الأخير بو سلطان
بو سلطان: اييييي لنا الله بندفع الغدا وش نسوي
ضحكوا وركبوا سياراتهم
نزلوا من سياراتهم عشان يدخلوا المطعم
وقفت تناظر المطعم
مشاري: شمس يلا مشينا
شمس: يلا جيت بس جوالي مدري وينه
هيام: شوفي بشنطتك
شمس: هي شنطتي وين أصلا
هيام: الظاهر تركتيها بالسيارة
شمس: يووه صح ي شيخه مابقى فيني عقل
مشاري : بجيبها أنا روحوا احجزوا طاوله/ وأخذ شنطتها من السياره بس طاحت وطاحت علبة أدوية
اخذها واستغرب من إسم الدوا
بو سلطان: مشاري وش فيك
دخل العلبة ب جيبه / لا بس شمس نست شنطتها وقلت أجيبها لها
بو سلطان: اي زين يلا
مشاري : يلا / وراح
شمس: جبتها
مشاري: اي خذي/ وعطاها اياها
شمس اخذتها: يسلمو ميشو
مشاري: شمس شلون القولون الحين
شمس: من شوي أتعبني بس خذيت مسكن ليه
مشاري: لا اسأل أنا بروح الحمام أكرمكم الله/ ومشى
طلع العلاج وصوره وارسله ل صديقه واتصل عليه
مشاري: ريان. الدوا اللي أرسلته لك ل وش
ريان: لمن هذي
مشاري: اختي عطوها إياه من المستشفى مسكن قولون بس هذا مو للقولون ل وش
ريان:................
شهق: وش تقول انت
ريان: اي والله بس يعتمد مدة شربه من متى
مشاري: حول شهر
ريان: طيب لاحظتوا عليها اي تغيير
مشاري : دايم تهلوس وتقول احد يتكلم ف راسها ومدري وش
ريان: والله يخوك وش اقولك يعني الحمدلله ان عقلها فيها للحين يفضل أنكم تأخذوها المستشفى تتعالج يلا استأذنك الحين عندي مريض/ وقفل
اما مشاري ف كان واقف مصدوم
رجع لهم وتغدوا وبعدها رجعوا البيت
اول م دخلوا البيت
مشاري سحب شمس
شمس: ايدي مشاري وش فيك
سلطان: ولد هد وش فيك
مشاري: لحد يجي امشي انتي
شمس: فك ايدي ي مشاري اعرف امشي
سحبها ودخلها غرفتها وقفل الباب بقوه
شمس: وش فيك
طلع العلاج من جيبه: وش هذا
شمس: علاجي ادور عليه كنت
مشاري: علاجك اجل ها/ وبصراخ: وشششش عععلللاااججهههه
خافت: علاج القولون عطاني إياه الدكتور
رماه بقوه ومسك عضدها: اعترفيييي ي ششممسسس التغيير اللي صار لك وصراخك وضربك للي حولك مو أعراض قولون هذي شايفتني غبييييي ااههررجججيييي وووششش ذذذاااا
شمس: اييي ايييددييي مالي صلاح اكذب عليك ي مشاري والله الدكتور عطاني إياه
دخل بو سلطان: باقي ما مت أنا وش عندك تصرخ
مشاري: بنتك المصون تتعاطى يبوي
ناظر بنته بصدمه : وش يقول اخوك ي شمس
شمس: مدري يبه مدددرررييي
سحبها مشاري : امشي قدامي ع المستشفى
شمس: يبه يبه
بو سلطان كان واقف مصدوم
شمس وهي تحاول تفك نفسها من مشاري : فككنننيييي
مشاري دموعه نزلت ركبها السياره وحط لها الحزام وركب وقفل الأبواب وانطلق فيها للمستشفى
طلع بو سلطان يلحقه بس قدهم راحوا ركب سيارته ولحقهم
شمس: مشاري تكفى فهمني مو قادره استوعب وش تقول انت تكفى رجعني البيت مششااارريييي
صرخ وضرب الدركسون بقوه: اااسسسكككتتتييييي
بكت
مشاري كمل طريقه ل مستشفى الأمراض النفسية
شافته وانصدمت: وش تسوي مشاري ليه جايبني هنا
نزل ونزلها معه : امشي
شمس: مشاري وش نسوي هنا
بو سلطان وصل ونزل بسرعه : مشاري
شمس : يبه يبه تكفى ساعدني يبه مو فاهمه شي من اللي يقوله تكفى تكفى
مشاري: اسف يبه بس تدري وش يقولوا يقولوا زين منها ما فقدت عقلها تدري وش ييعععننيي/ ودخلها ودخل بو سلطان معه
وبعد فحوصات تأكد ان بدمها ماده ......
شمس شهقت: لالالالالالا في شي غلط صدقوني لا أنا ما اخذ هالاشياء يبه صدقني مشاري تكفى صدقوني
صد عنها بو سلطان ومشى
شمس: يبه تكفى تكفى لا تخليني وتروح
مشاري بصراخ: لييييهههه تدخليييين هالطريييق وش قصرنا فيه احنا
شمس بكت: تكفون لا تخلوني والله والله ماسويت شي أنا والله تكفووووننن
دخلوا الممرضين واخذوها غرفه ثانيه
شمس صرخت: مممممشششششاااااااااررريييييييي
لف عنها ونزلت دموعه
شمس: فففككوووونننييييي ممممششااااااررريي تتتكككككففففففى
سكر على أذونه وبكى بحرقه على حال اخته
دخل البيت
ام سالم: وينهم
بو سلطان جلس بتعب
سلطان: يبه وش صاير احد يفهمنا شمس وين مشاري ليه جن حنونه
دخل مشاري
بدر: وين شمس ي مشاري
سعود: وش فيك تبكي ي ولد اهرج
سند راسه بصدر سعود
سعود: اههررججج شششمممسسس وووويييننن
مشاري: ب مستشفى الأمراض النفسية
سعود بعده: وش تسوي شمس هناك
جلس جنب ابوه وحكى لهم كل اللي صار
ام سالم بداخلها: هه هذا مكانك ي بنت نوره.
________
تسريب البارت الثامن
: اقولك شمس ما تسويها ليييه ماااتففهههممم
: طللععععوووونييييبي مممننن هههننننااااا
: ااخخ ي نورة وينك تشوفين بنتك وش صار فيها
.
.
.
.
نوقف هنا
رأيكم وتوقعاتكم
الكاتبـة شيهانة🦅✍🏻
