كانت جالسه عند المسبح وتناظر فزاع ودموعها تنزل هذا هدية امها لها من لما درت ان بنتها تحب الصقور أخذت لها واحد ومن يومها ما فارقته
تنهدت تنهيده طويله: ايييي ي فزاع راحت الغاليه وبقت آخر ذكرى منها لي ليتها تعود ويطلع كل اللي صار حلم
الهنوف جتها: بنت وش عندك هنا
مسحت دموعها ولفت لها: ابد والله شوفي بالصدفه وش لقيت صقري عندكم بالمزرعه
الهنوف: اما عاد
ضحكت: اي والله
الهنوف: يا محاسن الصدف ي بنت المهم تعالي بنتغدا
شمس: طيب برجعه واجيك
الهنوف: اجي معك
شمس: لا يقلبي ماني متأخره
الهنوف: طيب طيب/ وراحت
اما شمس رجعت فزاع وين م كان ونطقت:جايتك يا أجمل ذكرى من امي / وراحت
جاهله ان في احد كان واقف وسمعها
______
ام فارس: هلا ب شمس هلا ببنت نوره
شمس ابتسمت: هلابك ي خاله
ام فارس: امانه ي عمتي م تشبه امها
الجدة ام مترك: اي والله تشتبه لها بالحيل يازين نورة ب شبابها كل الناس تبيها
ام سالم قاطعتها: بس محد قدر ياخذها عشانها بنت شوارع ومو معروف اصلها
شمس ناظرتها بحده: ل من تقولي بنت شوارع
ام سالم طنشتها
شمس قامت وراحت لها وسحبت شعرها: أكلمك أنا
طيف قامت بسرعه : شمس أهدي اهدي وابعدي عن امي
شمس ناظرت طيف: ترضين اقول عن امك بنت شوارع
طيف: أكيد ما أرضى بس فكيها بالأول وخلينا نتفاهم
ام سالم بعدت ايدها بقوه وعطتها كف: ياللي م تستحين من انتي عشان تمدي أيدك علي
شمس ردت لها الكف: أعرفك علي كانك ما تعرفيني أنا بنت محمد ونورة وما عاش اللي يمد ايده علي جربي مره وتشوفي وش يصير لك/ ومشت من قدامها وجلست جنب سلمى
الجدة ام مترك ناظرت ام فارس وكتمت ضحكتها
ام فارس بادلتها النظرات وكتمت ضحكتها هي بعد
سلمى: تبين ماي
شمس: يكون زين ناس نشفت ريقي حسبي الله عليها
ام سالم كانت واقفه مصدومه من اللي صار لها ومافي احد قدر يقوم ويتكلم تركتهم وراحت الغرفه وهي مقهورة ولحقتها وصال
رند ما تحملت وانفجرت ضحك وانفجر الباقي معها
هيام: حييي عييينك ي بنت نوره والله انك كفو
شمس ضحكت: حي نباك يع تقهر
الجدة ام محمد: تبقى ب مقام امك وعيب ي شمس
شمس: اع اع اع تخسى وتعقب م بقى إلا هالحيه تكون ب مقام امي والله انها م تسوى ربع ظفر امي
ام محمد: امك ماشاء الله لسانك هالطول عديمة الحيا
شمس شمقتها: خليني ساكته ي ام ابوي خليني ساكته
ام تركي عضت شفتها: خلاص شموس ي قلبي خلونا نتغدا ي جماعه
______
عند الرجال
بو سلطان: الله يحييك ويبقيك ي بو فارس وشوله الكلافه ي خوك
بو فارس: لا كلافه ولا شي يخوك ما صدقنا على الله تجون
ابتسم له
بو فايز: ي فايز قم قم صب القهوة بس
فايز: ابشر
فارس شال الدله: استريح بس أنا ب ايدي أصبها ل عمي بو سلطان والله ما صدقنا على الله نجتمع سوا ولا وش رايك ي تركي
تركي ضحك: اي والله نجلس مع بعض بالسر تقل مسوين لنا مصيبه
الجد عبدالله ناظر تركي بصدمه
تركي انخرش وتلعثم: لا يعني ي بوي انت تدري بنفس الديرة ف طبيعي يعني
ضحكوا الجماعة ع توتره
فارس مد القهوه ل بو سلطان: سم عمي
اخذها: سم الله عدوك تسلم
مشاري جته لحظه ادراك: انت بو مترك
فارس: هالله هالله
مشاري شهق: خوي سطام
فارس: وصلت
مشاري: يشييييخ وش هالصدفه
بو سلطان: يولد وش فيك
مشاري: هذا اللي عنده فزاع ورع شمس يبوي
فارس: فزاع من يخوي؟
مشاري: صقر اختي كان عند نسيبي سطام اللي صقوره ماتت عساك تذكرت وعطاك صقر
فارس: ايييي
وليد: خذلك طلعوا اهل الصقر وانت تبغى تبيعه
سعود ناظره: ودك تنذبح انت
فارس: يا رجال وش ابيعه الله يهداك كل من طلبه قلت مهو للبيع
بو سلطان: اي زين سويت ذا هدية من ام العيال ل بنتها يعني غالي عليها وعلينا كلنا
فارس: لا صقركم بالحفظ والصون لا تحاتي ي عمي
______
طلعت مع البنات للمزرعة يتمشوا
الهنوف: اااههه ي زين المزرعه زمان عنها
امل: اي والله م غير جالسين ف الرياض من البيت للجامعه من الجامعه للبيت
شمس: اي جامعه انتي ي امل
امل : جامعة الملك سعود
شمس: ااححلللففففيييييي
امل: اااااذذذذننننييييي
شمس: ي حيوانه أنا ادرس فيها
امل: قققووووللليييييي
وقطع صراخها لما شمس سكرت فمها: ااذذننننييي
ضحكوا البنات
هيام: بناااااتتتت اصبروا
ريناد: وشش
هيام: عندكم مسبح هنا صح
امل:صح
هيام: وينه ودنا نسبح
الهنوف: متأكدين
ريناد: اييييي
الهنوف: الجو بارد ترا
رند: عادي
امل: اي طيب الحقوني
لحقوها هيام وريناد ورند اما شمس ف جلست مع سلمى والهنوف
الهنوف: م ودك تروحي معهم
شمس: احس في فخ صراحه ف قررت اجلس
ضحكت الهنوف: لا وين
سلمى: هنو اعترفي
الهنوف ناظرت السما: هو يعني المسبح عميق شويتين وبارد شويتين بس مافي شي ثاني
شمس: حطي عينك ب عيني
الهنوف: الجو غيم
ضحكت : ندري ندري
ضحكت: بكيفهم والله سألتهم متأكدين قالوا اي
شمس ناظرت السما وتنهدت وبدون شعور غنت:
الجو غيم وخابرك تعشق الغيم
دايم تقول ان المطر لمة احباب
الهنوف وسلمى ناظروها
سلمى: يخرب بيتك صوتك حلووووو
ضحكت :لا وين
الهنوف: والله صدق
امل جتهم وهي تضحك
الهنوف: وش صار
امل: بطانيات ب اسرع ما يمكن تجمدوا هههههه
شمس: راحوا فيها حريم اخواني
سلمى: أمشوا أنا اقول
راحوا داخل يجيبوا بطانيات للبنات
______
عند العيال اللي كانوا بالإسطبلات
سلمان: تدرون وش ودي
وليد: وش
سلمان: كشتة بر وشبة نار وعود سعود
سعود: ايييي انشهد ان وقته
فارس: تبشر ي سعود بس نرجع الأهل البيت نطلع كلنا الشباب ونكشت وش رايك
سعود: رايي انك كفو والله
بدر: حط معها جكارو وبلوت يا ساتر ع الأجواء
مشاري: وشاهي مع نعناع
وليد: اشم ريحة الشتا
فايز: ايييي ي زين الشتا
_______
عند الشيبان
الجد بو مترك:
يالعبد لو تملك ملايين بالبنك
ما تنفعك لاصرت لله عاصي
ماتدري وش يجلب الضيق والضنك
ان كان ما تدري تراها المعاصي
وان كان يافتى داري خلها عنك
من قبل يوما به تشيب النواصي
وارجع قبل في داخل الأرض ندفنك
ما ينفعك ان مت داني وقاصي
لا ضامنًا حيًا ولا حي يضمنك
ماللبشر عن مايقدر مناصي
"منقولة من الشيبان الاوليين"
بو سلطان: صح لسانك ياعمي
بو مترك: نصيحة نصوح لكن مابه من يسمع يولدي
بو فايز: اي والله
الجد عبدالله :الا وشلون الذهب والسوق عندك
بو مترك: الحمدلله مير ان الأسعار نازله هالايام وشلون الإبل عندك انت
الجد عبدالله: الحمدلله
شوي ويدخل فواز ولد بو فايز و خالد ومعهم كيرم
الجد عبدالله ناظر بو مترك وهو ناظره وابتسموا
بو مترك: جبها يولد
فواز: بنلعب احنا والشباب ي جدي
بو مترك بصراخ: جبها اقول لا بارك الله فيك من ولد وش شايفنا شيبان
فواز: محشوم أنا الشايب يبوي/ وحط الكيرم قدامه
الجد عبدالله: سقى الله ذيك ألايام يوم اني أهزمك
بو مترك: اعقب من متى تهزمني اي والله اني أهزمك ودايم حذيانك فوق راسك شايلها
الجد عبدالله: أبدا بس أبدا
بو مترك: انت الكبير انت أبدا
الجد عبدالله: معصي انت الكبير وانت أبدا
بو مترك: ايييي راحت ايامك يوم انك ما تخليني أبدا عشانك الكبير ويوم انك شيبت خليتني الكبير
ضحكوا الرجال الموجودين
الجد عبدالله بدأ يصف حبوب الكيرم وبعدها بدأ يلعب : يالله بسم الله/ وضرب بس م دخل شي
بو مترك ضحك: من يومك احول قدامك قدامك قايل لك من قبل اترك اللعب لاصحابه
_______
هيام: هيييين ي املووههه لييه م تقولي انه بارد هالكثر
امل وهي تمسح دموعها من الضحك: اااههه تكفييين ترا س سألتك هههههههههه
فسخت شبشبها وأنتم بكرامه ورمته عليها: بايخه حيوانه
رند وهي ترجف: يييمممهههه بممموووتتتت يويلكم من الله
ريناد عطست
الهنوف: يرحمك الله
ريناد رمت عليها علبة الفاين: انقلعي
شمس: قايله اني حاسه انه في فخ الحمدلله اني ما رحت
هيام بوزت: تتركين حريم اخوانك لحالهم ايييي هييييننننن بعلم عليك مشاري اصبري بس
شمس: وقلبس بتعلم شوشو
رند: يحيوانه انتي وهي عندنا ورعان بينعدوا مننا الحين
ريناد: لا يقلبي اليوم عمتهم بتمسكهم وتهتم فيهم احنا محد
هيام ابتسمت بخبث: اي ليش لا
شمس: هش هش وش. دخلني أنا
ريناد: عاد محد بيوقف معنا إلا الجدة رايحه اعلمها/ وراحت تركض ل الجدة ام مترك
شمس لحقتها: بنت اصبري هههيييههه
ريناد تخبت ورا الجده ام مترك
شمس: ريناد ان تكلمتي يويلك
ريناد: جده يرضيك
ام مترك: وشو
ريناد: تركتنا ف المسبح وهو بارد وحنا عندنا وراعين وبيمرضوا
ام مترك: ابك ياللي م تستحين تعالي تعالي
شمس: اصبري يا جده يابعد قلبيي
الجدة ام محمد ضربتها ب عصاتها: وش حركات البزوره ذي ي شمس
شمس حكت ايدها: احييهه اصصبرووو يههووو
ريناد ضحكت
ام محمد: بتمسكي ورعانهم لين يصيروا بخير
ام مترك: اول مره تقول شي صح
تأففت وطلعت من عندهم وهم يضحكوا
______
دخلت عند الصقور وهي تعرف فزاع تميزه من بينهم كلهم حطت له طير قد عطته مبيد حشري
شالت البرقع منه وطلعت من عنده وابتسمت بخبث
_____
ام سالم: ها
وصال ابتسمت
ابتسمت ام سالم: كفو عليك بنت امك هين ي شمس اجل انتي تمدين أيدك علي
_____
دخلت ودها تشوفه بس وقفت مصدومه من اللي شافته
____
كانوا يمشوا ف المزرعه شوي وسمعوا صوت صراخ
فارس: ابو مترك ابوه وش هالصراخ
وليد: مدري يخوك امش نشوف
فارس: يلا/ وراحوا يركضوا لمصدر الصوت
كانت جالسه تبكي وهو بحضنها
فارس مسك وليد: اصبر يخوك مهي من بناتنا
وليد: من بنته
فارس: محد غيرها اخت سلطان مشينا يخوك
وليد: مشينا/ وراحوا
الهنوف: اقول شفتوا شمس
وليد: لا قدها غابت الحين القمر بيطلع
ضربته بكتفه: تستظرف انت وخشتك
فارس: تلقينها هناك/ واشر وراح
راحت وين م اشر وشافتها تبكي وركضت لها: بنت بنت وش فيك
شمس وهي تشاهق وماسكة فزاع: ما مات هـ هدي ـة ام ـي شو شوفي مـ مات ما يتحرك
الهنوف ناظرته وبالفعل ما كان يتحرك هي ما تفهم بهالمواضيع ف قالت: اصبري أنادي فويرس هو يفهم
شمس مسحت دموعها متأملة خير: ط طيب
راحت الهنوف. تنادي فارس
فارس: بنادي واحد من اخوانها يجي اصبري/ ودخل المجلس: يا سلطان
سلطان: لبيه
فارس: قم بغيتك شوي
سلطان راح له: سم
فارس: سم الله عدوك الحقني
راح معه ووصلوا ل شمس اللي كانت ماسكة فزاع وتبكي
ركض لها: بسم الله عليك وش فيك
شمس: وينه اخوها وينه خله يشوفه تكفى تكفى
فارس: اتركيه بشوفه
تركته وهو راح يشوفه
شمس كانت واقفه وضامه يدينها ل صدرها ودموعها تنزل: تكفى تكفى تكفى قول انه بيقوم تكفى طلبتك
ناظر سلطان وهز راسه بالنفي
شمس بكت: اقولك تكفى وتكفى تهز رجال طلبتك لا تقولها تتتكفى
فارس: اسف ي بنت ابوك لكن
قطع كلامه بكاها
سلطان ضمها بقوه: خلاص اهدي اهدي
______
الليل:
الكل داخل إلا هي جالسه برا تناظر النجوم ونزلت دمعه حرقت خدها وتنهدت تنهيدة طويله
جت الهنوف وجلست جنبها: وش فيك يقلبي
شمس مسحت دموعها: ولا شي
الهنوف: ليه جالسه لحالك بهالبرد
شمس: الجو حلو احب الشتا واجوائه
الهنوف: اممم طيب بجلس معك ودك
شمس: براحتك
الهنوف: شمس إذا عادي ودي اسألك
شمس: اسألي
الهنوف: وش بينك وبين ام سالم ليه كل هالحقد
شمس: من يومها ما تحبني أصلا يعني مدري وش مسويتلها أنا هي كذا تعاملها يعني خلقه ما تطيقنا ولا نطيقها لا تبلعنا ولا نبلعها
ضحكت: الله يعين
ابتسمت لها: ياحبي لك ي الهنوف والله انك تدخلين القلب
ضمتها: ياعمري انتي يلا قومي خلينا نتعشى
قامت: يلا
______
بو فايز: إلا اقول وش رأيكم نجلس فالمزرعة لين باكر
بو فارس: ماقول لا وش رايك يبو سلطان
بو سلطان: معكم وش اقول
وليد: اجل دام كذا اقول يبه
بو فارس: سم
وليد: سم الله عدوك بنطلع نكشت مع عيال عمي محمد
بو فارس: طيب يبوك روحوا وقتها الكشتات
الجد عبدالله: هالحين؟
وليد: اي الحين
الجد بو مترك: تقلعوا تقلعوا
قاموا الشباب وطلعوا كلهم
الجد عبدالله: وانت تقلع معهم
الجد بو مترك: انت انطم
بو سلطان كتم ضحكته
الجد عبدالله ضربه ب عصاته: انت انطم
بو سلطان: يبوي م تكلمت
الجد بو مترك: وهو صادق م تكلم وشوله تضربه
الجد عبدالله شمقه
بو فارس: تعشو يبوي تعشو
_______
ف النفود
تجمعوا احفاد بو مترك واحفاد عبدالله حول شبة نار وعود سعود
فارس اللي جا ومعه الشاهي جلس ف النص بين فواز ووليد
فواز: يخي خيييير ابعد قلت بك الأماكن
فارس رفسه: تقلع لا ب الدله ع راسك بجلس عند اخوي
فواز : وووججععع
فايز ضحك: تعال ي خوي اجلس جنب اخوك
فواز: حمار يخي والله صدق
ضحكوا العيال
وليد: جبت الجكارو
فارس: جبتها جبتها خويلد جبها ف السياره
خالد: اصغر القوم خادمهم وانا ماني أصغركم يلا فواز تقلع جبها
فواز: والله ماقوم هذاني حلفت
خالد: ليه انت حيوان كذا
فواز: هش هش
سلمان: بتقوموا ولا شلون يخي
بدر مسك نعاله: برميها وانا مغمض اللي تجي فيه يقوم
فارس: اصه اصه يويلك بس
غمض عيونه ورماها وجت ب سلطان
سلطان: ي حمماااارررر
بدر: شلونك سلطان عساك بخير
سلطان قام: أوريك أنا الحين شلوني
بدر حط رجله وانحاش
سالم: اقول ي جماعه أنا برجع
سلمان: وين يخوك
سالم همس له : شيخه مريضه شوي بروح أشوفها
سلمان: اي ماعليها باس
ابتسم له وراح
فارس: من بيجيبها الحين
فواز تأفف
سعود: أنا اقول دام العود موجود اسلموا واتركوا اللعب عنكم صب الشاهي ي بو مترك
صب لهم الشاهي وبعدها جلس وسند ظهره ب اخوه
وليد: اسلم ي فويرس
سلمان: اسكت بس خويلد بيغني
وليد: أصه محد يغني غير فويرس
ضحك خالد: اسلم ي فويرس
فارس مسك مسبحته وابتسم :
وينك يا درب السعادة
وينك يا درب السعادة
وين الدليل المساعد
وين الدليل المساعد
غريب تارك بلاده
غريب تارك بلاده
والأهل من اجل واحد
والأهل من اجل واحد
ضايع وضيع شبابه
ملوه حتى صحابه
يغالطون العواذل
_____
اما عند البنات
شمس: ههففف طفش ماعندكم فعاليات
سلمى: والله في بس بننام هنا اليوم لو ان كنا ف الديره كنا بنستانس والله
امل: اقول اقول اقول
هيام: قولي قولي قولي
امل ضحكت: وش رأيكم نروح الإسطبلات دام مابه عيال
ريناد قامت: ماقول لا
شمس طيرت عيونها: ساعه تقول مريضه وتعبانه وبموت
ريناد: لا م عليك صرت زينه
رند: والله صدق وناسه مشينا
الهنوف: قدام قدام
قاموا البنات
شمس: اسبقوني بجيب لي ماي واجيكم
رند: جيبيلي معك
شمس: من عيوني/ وراحت
ام سالم: مات يعني خلاص متأكده
وصال: اي اي شفتها تبكي العصر عليه
ابتسمت: اي زين تستأهل مالت عليها هي وامها
وصال: والله يعني ارتحنا الحمدلله أزعجتنا فيه تقل محد عنده صقر غيرها ومن زينه عاد
ام سالم: من يومها ماعندها ذوق بشي الحمدلله والشكر
دخلت وهي مصدومه: وش تقولي انتي
ام سالم توترت: وش قلت بعدين انتي م تستحي تتنصتي علينا
شمس تقربت منها: انتي ذبحتي فزاع
وصال: لا وين سمعتي غلط انتي
شمس: اسكتي انتي هيييه صيته أكلمك أنا ررردديييي
ام سالم كانت بتعطيها كف بس ايد شمس اسرع ومسكتها: جاوبي ع قد السؤال
ام سالم بلعت ريقها وحاولت تبعد ايدها: ابعدي عنيي ي مجنونه
شمس بعدت عنها وصدت وبلحظة هدوء ما قبل العاصفة لكن وتناظر الصحن الموجود بالطاوله
ام سالم: على امك مجنونه مو صاحيه أصلا امك ماعرفت تربيك ولا بعد جايبه صقر الحمدلله والشكر
دخل سالم اللي كان جاي يبغى يشوف شيخه بس سمع الصراخ : وش فييكم صوتكم ل برا المزرعه
وصال: المجنونه بنت المجنونه تهجمت علي أنا وامي مدري وش تبغى
ام سالم: وحتى اليوم مدت ايدها علي مدري ليه اختك هذي لازمها مصحه نفسيه
سالم: شمس
رمت الصحن بقوه وبصراخ: خلاااااصصصص اااسسسككتتتييييي يكككففييييي الله يييلللعععنننككك وووشش تتتبببيييي مممننيييي اننتتتييي وووشششش ما عندك ضمييييررر مااااتتتعععبببتتتيييي واانننتتتييي تتتكلللمممييييي عععلييييهههاااا
سالم اللي عارف انها تتعب كثير وقت تعصب او تزعل او تتضايق لان عندها القولون العصبي : خلاص تكفين اهدي اهدي
شمس: ااككرررهههكككك لييييتتتكككك تتتممموووتتتتييي الله يييلللعععنننككككك
مسكت بطنها بقوه وبكت
سالم ناظر امه بحده: يييممههه خللاااصصص عععااددد
ام سالم: وصلت فيك ترفع صوتك على امك ي سالم
وصال: مشينا يمه مشينا
سالم ضم اخته: شمس ابوي انتي خلاص اهدي
شمس وهي تبكي: آخر آخر ذكرى لي من امي ذبحته ي سالم ليييهه تسويي ككذذااا
سالم: كل شي يتعوض يخوك خلاص اهدي تكفين
شمس: مايتعوض ما يتعوض
سالم بعد عنها عشان يجيب لها ماي
شدت ع بطنها بقوه وصرخة بألم
ركض لها : بسم الله عليك بسم الله عليك اهدي شمس تكفين اهدي
________
عند البنات:
رند: مو كأنها طولت
ريناد: اي والله مره
هيام: بروح أشوفها
رند: اجي معك
هيام: لا بسحبها من شوشتها واجيكم/ وراحت هي تضحك
الهنوف: بقولكم
رند: قولي
الهنوف: هو طبيعي الكره بين صيته وشمس
ريناد: شي روتيني تعودنا عليه هم كذا من زمن جدي
امل: غريبه
سلمى: بس صدقوني قد شفتهم هم الاثنين والله
رند تنهدت
____
عند العجايز اللي كانوا نايمين
فزت من نومها: بسم الله وش هالصراخ/ ومسكت عصاها وقامت وطلعت من الغرفه تشوف
دخلت هيام وسمعت صراخ بعد واستغربت
ام مترك: وش هالصراخ م تخلون الواحد ينام
هيام: مدري ي جده
طلع من الغرفه وهو شايلها
شهقت وتخبت ورا ام مترك
ام مترك ركضت وراه ما كانت شايفه غير انه شايل شمس وهي تبكي
هيام: جده اصبري اصبري
ام مترك: ابعدي سرق البنت اللي م يستحي/ ولحقتهم
____
تسريب البارت الخامس
: يبه اقولك هي اللي سوت كل ذا ليييه م تصدقنييي
: خلاص عاد كفايه
: أصلا من يومك ما تشوفني بنتك ولا تعترف فيني
.
.
.
نوقف هنا رأيكم وتوقعاتكم
الكاتبـة شيهانة🦅✍🏻
