في المستشفى:
كانت نايمه وهو جالس جنبها ويقرا قران لمحها تتحرك سكر المصحف وحطه جنبه وقام لها ومسك ايدها
فتحت عيونها بتعب وناظرت حولها شافته واقف ويبتسم
سالم: الحمدلله ع السلامه
شمس: وش صار
سالم: قولونك ضرب مثل كل مره ومليون مره اقول لا تزعلي ولا تتضايقي مو عشان احد عشان القولون
تنهدت: مو ذنبي ي سالم والله امك مدري وش فيها علي هي خلقه تكرهني والحين اكثر
سالم جلس جنبها: شمس وش اللي خلاكم تتهاوشوا وش صار وصال تقول مديتي إيدك على امي وش اللي صار
شمس جلست : تصدقني لو قلت لك
سالم: تعرفيني اصدق منك ما اصدق عنك قولي لي
شمس: قالت على امي بنت شوارع وهذا سبب الهوشة الأولى
سالم: طيب والثانيه
شمس: قتلت فزاع وقالت عن امي مجنونه
سالم ناظرها وتنهد
شمس: ابغى ارجع المزرعه خلهم يطلعوني
سالم: بتطلعي الصبح ارتاحي الحين
شمس: ما ابغى الصبح ابغى الحين
سالم ناظرها بحده: قلت لك الصبح
شمس صدت عنه
________
وعلى صوت اذان الفجر قاموا شيباننا
ودخلوا العيال
الجد عبدالله: يالله صباح خير
الجد بو مترك: اصبحنا واصبح الملك لله
بو سلطان: ماشاءالله توكم تجون
سلطان: اي والله
بو فارس: صلو وبعدها ناموا
فارس: ابشر
_______
كانت جالسه قدام الصاله ومتكيه على عصاتها تنتظر اي احد يطلع عشان تعلمه باللي صار اللي وهيام جنبها جالسه م قدرت تخليها وتروح وباقي البنات نايمين كل وحده فوق الثانيه
اول م شافت ولدها راحت له
هيام: جده جده وين رايحه
الجدة ام مترك: هذاك مترك ابعدي/ وبصوت عالي: ياااااببوووووو فاااارررسسسس
سمع احد يناديه وراح لمصدر الصوت
ام مترك: سرقها قليل الخاتمه سرقها
بو فارس: من اللي سرق من
ام مترك: جا واحد قليل الخاتمه اخذ شمس وهرب من امس
بو فارس: من شمس يا يمه وش تقولين انتي
ضربته بعصاتها: شمس بنت بو سلطان وش اقول من الصبح أنا
بو فارس: يمه توني صاحي ما قدرت افهم شي
هيام جت لهم وهي متغطيه: صبحك الله بالخير عمي
بو فارس: صبحك الله بالنور
هيام: جدتي صادقه / وحكت له كل اللي صار
بو فارس ناظرها بصدمه: ورا م علمتونا من امس
هيام سكتت
راح ل بو سلطان عشان يعلمه
بو سلطان ضحك: يخوك عندي علم امس تعبت وأخوها سالم آخذها المستشفى وعلمني
بو فارس تنهد براحه: طيحوا قلبي من الصبح/ وراح يتوضأ للصلاه
_______
اجتمعوا الحريم ع سفرة الأكل
ام سالم: اقول ما دريتوا
ام تركي: وشو
ام سالم: كنت نايمه أنا وبنيتي وصال إلا واحد يضربني
ام فارس شهقت: وش تقولي انتي
ام سالم: مدري يخيتي فتحت عيوني إلا وأشوف
شهقوا الحريم: وش شفتي
وصال تكمل: شمس ماسكة الصحن كسرته بقوه وتهاوش ما ندري من
هيام: بلا كذب اقول
رند: كلنا ندري أنكم انتم راس البلا
ام سالم : بكيفكم لا تصدقوا
شيخه: ايييي امس جا سالم عشان يتطمن علي كنت تعبانه شوي إلا واسمع صراخ وتكسير طلع كذا الموضوع
وصال: اييييي
شيخه: والحين هي بالمستشفى قال لي بتطلع اليوم
الجدة ام محمد: يحسرتي
الجدة ام مترك: شفتي يبنتي طلع اخوها وانا اتسحبه سرقها
ضحكت هيام: تكفين ي جده شكلك وانتي تركضي وراه بالعصا امس
ضربتها بخفه: اصه
رند بهمس ل ريناد: تهقين صادقه؟
ريناد: مدري الصدق ينقال شمس متغيره بس أحسه طبيعي يعني
هيام سمعتهم: مافيها شي البنت وصيته كذابه
_______
طلع من عندهم وده يروح المستشفى يتطمن على بنته شافته زوجته
ام سالم بحزن: ودي اروح أشوفها واعتذر منها ي محمد
بو سلطان ما ينكر انه أستانس: مشينا ربي يهديكم انتم الثنتين
ابتسمت وراحت معه
اما عند الباقي ف رجعوا الديرة
_______
في المستشفى
شمس بضيق: مو قلت الصبح بطلع ليه للحين ما طلعت
سالم: يبنتي اصبري شوي وش فيك انتي
شوي ويدخل بو سلطان وام سالم
اول م شافتها ناظرتها بحده: اطلعي برا
بو سلطان: بنت احترمي شوي وتراها جايه تعتذر منك
شمس: اعتذارها مرفوض تقلعي يلا هش برا
راحت لها وجلست جنبها
شمس كانت مصدومه وش تسوي ذي
ضمتها ام سالم: اسفه ي بنتي ما كنت اقصد مع اني م سويت شي بس بعد اعتذر منك
بعدتها بقوه: وش اللي ما سويتي شي ها وش اللللي ما سويتي شي ذبحتييي ففزااععع ههدددييية امميي ااخررر ششييي بببقاااااللليييي مممننهاااا
بو سلطان بعصبية: شـمـس
ناظرته بدموع: يبه ليه م تصدقني
بو سلطان: شمس بابا اهدي شوي وتراها اعتذرت وانتهينا
شمس: يبه اقولك هي اللي سوت كل ذا ليييه م تصدقنييي
بو سلطان: خلاص عاد كفايه
شمس: أصلا من يومك ما تشوفني بنتك ولا تعترف فيني
بو سلطان: عشاني اقولك اهدي وخلاص عاد كفايه صرت ما أشوفك بنتي وش هالكلام ي شمس
صدت عنهم وضمت نفسها وبكت
تنهدت ام سالم وطلعت وهي متضايقه
سالم جلس جنب شمس: شمس ياقلب اخوك انتي وين المشكلة إذا تصالحتي مع امي وين المشكلة إذا صرتوا ام وبنتها
ناظرته وهي وجهها مليان دموع
تنهد وسكت
بو سلطان: شمس ماودي نرجع البيت وانتي ما سامحتي عمتك يبنتي يمكن فزاع مكتوب له يموت بهاليوم ليه مصره انها هي اللي ذبحته
شمس: يبه انت تستوعب الكلام اللي اقولك إياه ولا وش اقولك هي بنفسها قالت هالكلام
شوي ودخل الدكتور: الحمدلله ع سلامتك شمس
شمس: ربي يسلمك ها متى اطلع
الدكتور: خلاص كتبت لك خروج أخ سالم هذي شوية أدويه لها ضروري تأخذها بشكل يومي/ وعطاه الوصفة الطبية
سالم خذاها وطلع يجيب لها الأدوية
الدكتور: ضروري تستمري ع الأدوية ي شمس عشان قولونك وضروري انك تكوني هادية
شمس: طيب
ابتسم لهم: ماعليها باس ان شاء الله/ وطلع
بو سلطان: يلا ابوي انتي مشينا
شمس قامت وراحت معه وطلعوا من المستشفى ل بيت الجد عبدالله
_______
في بيت الجد بو مترك:
بو فايز: اقول فويرس
فارس: سم
بو فايز: متى المسابقة
فارس: تأجلت بس للحين م قالوا متى
وليد: طولوها وهي قصيرة كم مره تتأجل
فارس: مدري والله
بو فارس: عساك جاهز
فارس: جاهز دايم تطمن
وليد حط ايده ب كتف اخوه: كفو عليك
ابتسم له وشوي ويدق جواله ناظر وليد وضحك: الطيب عند ذكره
وليد: مطلق؟
فارس: اي/ ورد/ هلا بو الشباب
مطلق: بعدين رحت وهلي استعجل وتعال بسرعه باكر المسابقه
شهق: وش تقول انت
مطلق: ذا راعي المسابقه ماعنده سالفه يأجل ويقرر بمزاجه
فارس وقف: اي يلا جايك جايك مالت عليك انت وراعي المسابقه/ وقفل
وليد: باكر صح
فارس: والله حيوان ذا والله صدق حمار مالت عليه يلا استأذنكم أنا دعواتكم / وطلع بسرعه
امل: لا شمس وشلونها
الهنوف: الحمدلله زينه طلعت من المستشفى اليوم
امل: وش رأيك نروح عندهم
ام فارس: لا ي يمه مهي بحلوه اليوم شايفين بعض
الهنوف: بعد صح
امل: إلا اقول يمه خالتي متى بتجي
ام فارس: مدري ي يمه
الهنوف: اشتقنا لهم والله
امل: م علينا من ذا كله وش تبون للعشا ي جده
الجدة ام مترك: اللي ودكم يبنتي
______
في بيت الجد عبدالله
دخلوا وهي على طول راحت الغرفة تحاول تنام
تنهدت بضيق وجلست بالفراش وضمت نفسها
: ليه كذا يصير لي وش فيني أنا اخخ راسيي بينفجر
انسدحت وتكورت ع نفسها وبعد تفكير طويل وهواجيس قدرت انها تنام
____
دخلوا رند وريناد وجلسوا جنبها
رند: غريبه طولت ف النوم مو من عوايدها
ريناد: يمكن عشانها خذت علاجها ونامت من التعب
رند: يمكن
هيام: بنات تعالوا اجلسوا معنا شمس ما رح تصحى الحين
ريناد قامت: وانتي صادقه مشينا/ وطلعوا وتركوها نايمه
ام تركي: يا سلمى سلمـى يااابننتت
طلعت من المطبخ: ها امي
ام تركي: ي يمه وين القهوه
سلمى: امي ما تعيشين يوم واحد بدون قهوه
الجدة ام محمد: جيبيها وانتي ساكته ي بنت
تأففت وجابت لهم القهوة
هيام: لبى قلبك بس
سلمى: بنتكم م قامت للحين وش ذا نبغى نسوي فعاليات شوي
ريناد: مدري وش فيها صايره تنام كثير
طيف: اي والله مو من عوايدها
وصال: إلا اقول يمه وش رايك نروح السوق باكر
ام سالم: ماقول لا ي زين سوق الديرة ومنها نشوف خالاتك بكره بيجو قالت لك امك ي شيخه؟
شيخه: اي قالت لي
ام سالم: اي زين
ام محمد: وشلونهن خواتك يبنتي عساهن بخير
ام سالم: يسلمون عليك
ام تركي بصوت واطي: الله لا يسلمهن بالخير
رند كتمت ضحكتها
________
اما عند فارس ومطلق
فارس: ليه كذا ي مطلق جموح مهو بجاهز للحين
مطلق : وش اسوي فيه يخوك ذا بعد قرر بمزاجه م عليك كلي ثقه ف جموح
فارس: اي خير ان شاء الله
مطلق: وانت لا تتوتر لأنك تدري
فارس يكمل: إذا توترت أنا يتوتر جموح لأننا واحد
مطلق ابتسم: انت قدها
فارس دخل الإسطبلات يتطمن على جموح "خيله"
وقف جنبه ومسح ع شعره: انت قدها ي جموح اليوم مافي تمرين بخليك ترتاح/ وبأسه
دخلت وعطرها انتشرت ريحته بكل مكان ابتسمت بس شافته وراحت له وبصوت مليان انوثه: اهلين فارس وشلونك
فارس كان معطيها ظهره لأنه يمشط شعر جموح: اهلين وجد بخير وشلونك
وجد: طيبه اشتقنالك الحمدلله ان جت المسابقه عشان نقدر نشوفك
فارس: عساك جاهزه ما نبي نخسر
وجد: جاهزه م عليك
لف لها: كفو تطمني بس على الجازي
وجد: ابشر/ وراحت تتطمن على الجازي
وهو طلع يشوف الباقي إذا وصلوا او لا
_______
الليل
في الديرة
فتحت عيونها بتعب ومسكت راسها تحسه شوي وينفجر : ااههه ي راسي وش ذا
سلمى: صح النوم ي كيس النوم
جلست وهي باقي ماسكه راسها :عندك مسكن راسي بينفجر
سلمى: بسم الله عليك عندي بجيبه لك الحين/ وراحت تجيبه لها
ام سالم: قامت؟
سلمى: اي بس راسها بجيب لها مسكن
ام سالم: عطيني إياه أنا بعطيها
سلمى بشك: ليه
ام سالم بحزن: ودي أصير لها ام واخت ي سلمى ما ودي تحس انها بدون ام
اقتنعت وعطتها المسكن: اي خذي
أخذته واخذت فيتامين و دخلت تعطيها إياهم
شمس ناظرتها وكانت تحاول تقوم بس مو قادره من الصداع اللي فيها : وش عندك جايه اذلفي مو ناقصتك
ام سالم: جبت لك علاجك
شمس: محد طلب منك
ام سالم مدته لها: خذي
رمته بالأرض وبعصبية: اذذلللففيييي اااققوووولللل
ام سالم شالت الأدوية اللي انرمت: ي شمس م يصير كذا لين متى يعني
شمس: لين الله يآخذك وافتك منك اذلفي تقلعي يلا هش برا
ام سالم جلست جنبها: ي ماما ليه تسوين كذا طيب مابصير امك بس شوفي جالسه احاول تصير زينه معك
شمس: لا تحاولي ما أبيك تحاولين يخي اذلفي وفكيني من شرررككك
تنهدت: طيب تبين ابوك يعطيك الدوا
شمس: يكون احسن منك
طلعت ونادت بو سلطان وعطته علاجها عشان يعطيها شمس
رند: وش فيها تصرخ
ريناد: صيته دخلت عندها وتدرين وش هي مسويه
هيام: تبغى تجننها ولا وش تقهر
شيخه: بس انتي وإياها والله ان خالتي جالسه تحاول تكون زينه معها
طيف: والله صدق ي بنات من اليوم وامي تحاول
هيام: معليش ي طيف بس كل الناس تتغير إلا امك هي خلقه م تطيق شمس وانتي تدرين من ايام عمتي نورة شلون كانت تعامل شمس
طيف: يمكن ندمت ليه م تعطونها فرصه جربوا والله منتم خسرانين شي
رند: ودي اصدق بس هئه م اقتنعت
ريناد: نفس الشي أنا
وصال: بقلعتكم والله ان عاملتها ب الشينه م عجبكم وان عاملتها بالزينه م عجبكم
سلمى: بنات اقول تعالن تعالن
قاموا هيام ورند وريناد وراحوا معها
هيام: قولي وش
سلمى: تبون فعاليات اجل
رند: اييييي
سلمى: ابد م طلبتوا شي تعالوا بس/ وراحت وهم لحقوها
____
بو سلطان: شمس بابا خذي علاجك وبعد في مسكن عشان راسك
شمس خذته وشربته: اي والله راسي بينفجر مدري وش فيني
باس راسها: بسم الله عليك يمكن نمتي وقت طويل عشان كذا قومي الحين مع البنات واستانسي وافرحي ترا قريب بنرجع الرياض
شمس: طيب/ وقامت بتعب وكانت بتطيح
بس ايد ابوها اسرع ومسكها: انتي بخير
شمس وهي تحاول تفتح عيونها: بخير بخير بس دوار
بو سلطان: خلك طيب ارتاحي
شمس ابتسمت له: لا يبه بخير بخير م عليك بطلع أغير جو شوي انكتمت
ابتسم لها وطلع عنها
سلمى: ها نروح
شمس: قدام بس وين
هيام: امشي وانتي ساكته ي بنت
ضحكت : اي طيب طيب/ ومشوا
رند: بنت وين موديتنا
سلمى: بيت مهجور وش رأيكم
شمس: ججوويييييي
هيام بلعت ريقها: متأكدين؟
ريناد: امشي بس
مشوا لين آخر الديرة ل البيوت المهجورة
سمعت أصوات بلعت ريقها بس م تكلمت وكل م اقتربوا زادت حدة الصوت خافت ومسكت ايد سلمى
سلمى ناظرتها: بنت وش فيك
شمس حست ع نفسها وبعدت ايدها بسرعه: لا مافيني
شوي وسمعوا صوت بسس
انخرشوا رند وريناد وهربوا
ضحكت هيام: يويلي ي الخرشه وينهم
سلمى دمعت من خرشتهم : تلقيهم ب فراشهم الحين
غمضت عيونها وسمعت صوت طفل يبكي
فتحت عيونها ومشت ل مصدر الصوت متجاهله هيام وسلمى اللي ينادوها
سلمى: بنت وش فيها هذي امشي امشي لا تغيب علينا
هيام: يويل حالي ويلاه يمه امشي/ ولحقوها
_______
عند العيال
سلطان: والله ضروري باكر ارجع الرياض الشغل متراكم علي
سلمان: كلنا يخوك بنرجع بس ابوي وعمتي وخواتي بيجلسوا هنا
خالد: محد يدري متى بنرجع هنا
تركي: اجل دام كذا وش رأيكم نروح عند عيال الديرة
بدر: قدام ماقول لا
سعود: معكم
تركي قام: يلا اجل قدام
مشاري: قدام/ وطلعوا كلهم
مشاري: يزين الجو براااادددد
ماهي إلا دقايق وكل شباب الديرة مجتمعين ف بيت الشعر
عند شبة النار كان سعود ووليد يسووا شاهي
وليد: سعود / وكتم ضحكته
سعود: وش فيك ي ولد اهرج
وليد: جا شي ف بالي بقوله لك بس لا تضرب
سعود: احد قايل لك اني اضرب يعني
وليد: احلف اول
سعود: والله هذاني حلفت
وليد: الحين تخيل لو حنا مثل البنات يوم يكون في عرس بس ما نبغى نروح
سعود استغرب: وضح م فهمت
وليد يحاول يمسك نفسه عشان ما يضحك: تخيل اقولك/ وبصوت دلع : سعودي ما ابغى اروح العرس
فهم هباله وكمل معه وبنفس النبره: لييه
وليد : ما ابغى ما ابغى لان ميشو لابس نفس سروالي
سلطان اللي كان جاي لهم وسمعهم: ابك ياللي م تستحون وش هالسوالف
وليد انحاش وسعود وراه بس تعثر وطاح
سلطان ضحك: تستااااهل
سعود: دايم موهقني معه
سلطان مد ايده يساعده يقوم: قوم قوم
مسك ايده وقام
وليد رجع لهم: يحليلك ي سعود
سعود مسك نعاله ورماها عليه وجت ب ايده
مسك ايده: اييي
سلطان : يلا انت وإياه متنا نبغى الشاهي وينه
وليد: اسأل اخوك وش دخلني أنا
سلطان ناظر سعود: ياسعود
وليد: "أحسب إني مع الأيام سليت
أثرني ياسعود باقي في عناي".
سعود: صح لسانك وش الطاري
وليد : مدري جت فبالي توها ههههه
ضربه بمؤخرة راسه: امش بس مالت عليك
______
دخلت بيت مهجور والصوت كل ماله ويرتفع
سلمى: شمس وش فيك ي بنت
شمس: اششش اصبري في احد يبكي
هيام ناظرت سلمى وسلمى ناظرتها: بنت محد يبكي
شافت احد وشالته بسرعه وطلعت وجلست برا وضمت نفسها : اششش خلاص خلاص لا تبكي اهدا اهدا
هيام بلعت ريقها بخوف وهي تشوف شمس ضامه نفسها
سلمى: بنت وش فيك شمس
هيام هزتها: شمس شمس
غمضت عيونها بقوه وفتحتها
هيام مسكت يدينها: شمس وش فيك
ناظرت حولها: وين أنا وش اسوي هنا من إنتوا إش تبغوا منييي اببععددييي
سلمى: بسم الله عليك اهدي اهدي
هيام ضمتها بقوه: اهدي آهدي أنا هيام زوجة اخوك مشاري اهدي
شوي شوي هدت وبدت تستوعب: هيام
هيام بعدت: وش فيك
شمس: في بيبي صغير كان يبكي وينه
هيام: مافي احد حبيبتي اهدي
شمس: بس أنا
قاطعتها: كانت بسه تبكي يقلبي مافي احد اهدي
مسكت راسها: برجع البيت راسي بينفجر
سلمى اللي ندمت قد شعر راسها انهم طلعوا بهالوقت توقعت انها خافت: مشينا
هيام ساعدت شمس ورجعوا البيت
_________
يوم السباق اللي كان فارس ينتظره على احر من الجمر
و بساحة السباق
كانوا واقفين فارس ومطلق ووجد وهايف ينتظروا دورهم
مطلق: وجد انتي بالذات حاولي ما تتوتري عشان الجازي
وجد: يا مطلق محد متوتر إلا انت صدقني احنا مستعدين وجاهزين ونبغى السباق يخلص لان ودنا نرجع بيوتنا وننام
فارس ضحك: وهي صادقه ي مطلق محنا متوترين انت بس اهدا
هايف وهو يتثاوب: متى يجي دورنا ابغى انام
مطلق: محد بيخسرنا غيرك ي هايف
هايف: اي طيب خير ان شاء الله
مطلق بعصبية: هاااييفف
ضحكوا فارس ووجد لما صرخ مطلق وهايف سكر اذونه
وابتدأ السباق وكان ل فارس وانطلقوا
المعلق: نشوف جموح ف المؤخره يتقدم يتقدم جموح الثاني يا سلاااااممم جموح الاول الاول ي جموح ويحقق انتصاره جموح
_____
تسريب البارت السادس
: لا ما ابغى مااا ابغى خلووننييي تتككففوووننن
: لازم يبنتي تأخذينه مايصير
: انتي لازم تتعالجي
: يحتاج لها
: أنا بخير مافيني شي خلاص افهمووو
.
.
.
.
نوقف هنا رأيكم وتوقعاتكم
الكاتبـة شيهانة✍🏻🦅
