في الديرة
وتحديدًا بيت الجد بو مترك
وعلى مسامع اذان الفجر
قام الجد بو مترك يتوضأ وشاف ولده بو فارس
بو فارس راح وباس راسه: صبحك الله بالخير يبه
الجد بو مترك: صبحك الله بالنور وين ورعانك
بو فارس: الحين رايح اصحيهم
الجد: اي يلا مانبي نتأخر على الصلاة
بو فارس: ابشر/ وراح يصحي عياله
دخل الغرفة وكانت ظلمه شغل اللمبه وطفى المكيف: يلا انت وياه وجع قوموا للصلاة م تسمعون الأذان
قام وليد: يبه وش هالحركات شايب متقاعد ماغير يطفي المكيفات
ضربه ب عصاته: اخلص وقوم فارس وجع قوم ما تسمع
فارس: قمت قمت/وطلع بو فارس
وليد: اخلص انت بعد بندخل نتوضأ
فارس وهو يتثاوب: رح طيب
وليد: سكر فمك يخي بعدين اهرج
فارس رفسه: انقلع اخلص
وليد : ررجحلللييييي ي حمممااارررر
قام فارس: بس تخلص صياح علمني بدخل قبلك أنا/ وركض الحمام أكرمكم الله
وليد: ووججععع أطلع يحمااارررر
بو فارس بصوت عالي: اخلصوووااا
طلع فارس ودخل وليد وبعدها ع المسجد
في المطبخ الساعه ٦
كانوا الهنوف وأمل ف المطبخ يسووا الفطور والجد وعياله وأحفاده ف الحوش
أمل: ابغى انام نومة اهل الكهف
الهنوف: اسكتي بس والله الفجر اسمع صراخ وليد وفويرس وطار النوم عجزت انام يشيخه
ام فارس: وين الفطور ي بنات
أمل طلت من المطبخ: دقايق امي ويجهز
الجدة ام مترك: متنا جوع غدا مو فطور
الهنوف جت لهم ومعها صينية الفطور: جعله بالعافيه
ام فارس: اجلسي يبنت
الهنوف جلست: لبيه يمه
ام فارس: بقولك بعدين
توترت: في شي صاير يمه
ام فارس : خير ي يمه خير تطمني
أمل: يمه يمه يمه
ام فارس: وصمه قولي
بوزت: خير الحب كله ل هنوف وانا بنت البطه السودا يعني
ام فارس: يعني أنا بطه سودا ياللي م تستحين
أمل: لا يمه محشومه أنا البطه السودا
________
بيت بو صيته
ام صيته: بناتك متى ناويين يجون
بو صيته: مدري عنهم
ام صيته: يقولوا نورة ماتت
بو صيته: اي سمعت الله يرحمها
ام صيته: بقت بنتها عله على قلب بنيتي
تنهد: يامره خلاص يرحم لي والدينك البنيه صغيّره وش تبون فيها
ام صيته: اقولك مضيقة على صيته ومو مخليتها بحالها
بو صيته قام: اروح ل بو محمد ازين لي خلك مع الجن وخططوا وش بتسون بهاليتيمه/ وطلع
ام صيته وهي تنادي :تعال يبو صيته أكلمك أنا يا بو صيته اصبر اسمع
وقطع كلامها صوت ضربة الباب يوم طلع بو صيته صفق الباب بقوه
تنهدت: مهي مخلية بنتي بحالها
________
الرياض:
عند سلطان وسلمان بالشغل:
سلمان: لا في شي غلط مستحيل شمس تدخل هالطريق
سلطان وهو يقلب بالملف: لازم نبني عماره جديدة
سلمان: سلطان انت تسمعني وش اقول
سلطان سكر الملف بقوه: وش اقولك يعني فهمني وش اقول أنا ادري اكثر منكم ان شمس مو كذا ومستحيل تدخل بهالطريق
سلمان: لازم تطلع من هناك شمس ما تتحمل
سلطان: لازم تتعالج ي سلمان بس تخلص علاجها بترجع البيت
سلمان: احنا علاجها ي سلطان مو الدكاتره ولا جلستها ف المستشفى احنا اهلها أولى فيها احنا نقدر نعالجها نحتويها
سلطان سكت
سلمان وقف: لا تسكت يخي انطق قول شي
سلطان: وش اقول ها وش اقول/ وطلع وصفق بالباب
جلس وبدا يهز رجوله ويعض أظافره من التوتر
____
في المستشفى
شمس وهي تبكي وتدق الباب: طلعوووونننيييي مممننن ههنناااااا
بس ماكان في اي رد
جلست وبكت بحرقه: ليه تخليتوا عني ليه تركتوني لحالي اههه ي يمه وينك تشوفي بنتك وش صار فيها
دخل الدكتور ومعه ممرضين اثنين: شمس
شمس خافت وتراجعت لورا لين لزقت بالزواية
الدكتور: وقت الابره
شمس وهي تهز راسه ب النفي: لا لا لا خلك بعيد لا تقرب مني
قرب
صرخت: ااابببعععدددددد
الدكتور: امسكوها
مسكوها واخذوها للسرير
شمس وهي تبكي: تكفى خلهم يبعدوا عني أنا مافيني شي ااببععددوووواااا تتكففوووونننن
قرب الابره منها
صرخت: يييييمممممماااااااااااههههه اابببععدددووووااااا عععنننيييييي يييييبااااااهههه
الممرض حاول يثبتها بس رفسته وقامت من السرير ومسكت الحامل حق المغذي : والله اللي يقرب بذبحه تفهمو اااببعععدددوووو
قرب الممرض: اهدي ي شمس اهدي لو سمحتي الابره هذي ضرورية لك
مشت صوب الباب: أنا بطلع من هنا والله والله اللي يقرب بذبحه تففففهههممووووواااا
ركضت ب اتجاه الباب بس كانت ايد الممرض اسرع ومسكها وضرب ايدها عشان تفك عن الحامل
شمس: ططللللبببتتتكككك فففكنننييي خلني اروح تكفى تكفى والله أنا مافيني شي أنا بخير انتم بتجننوني ولا وش تكفى تكفى فكنني
سحبها للسرير وحطوا لها حزام بالسرير وثبتوا ايدها عشان ما تتحرك
قرب الدكتور وعطاها الابره
صرخت وصرخت لين اختفى صوتها ونامت
ناظرها وتنهد بضيق وطلع هو والدكتور
الدكتور: مساعد
مساعد لف له: لبيه
الدكتور: هذي مريضه خاصه جدًا لحد يدري عنها شي واضح
مساعد: شايفني نقال علوم يعني ترا ادري ان اسرار المرضى ما تطلع / ومشى عنه
طلع جواله واتصل : سلام عليكم مشاري
مشاري: طمني
مساعد: اول جرعة علاج بدينا فيها
مشاري: وهي شلونها
مساعد: حالها حال اي مريض يجي يتعالج وتفكير اهلي تخلوا عني ومدري وش لكن بس تتعافى بتعرف ان معكم حق بكل شي سويتوه وأنكم بكذا تساعدونها
مشاري بضيق: طالبك تنتبه لها
مساعد: ابشر مع السلامه
مشاري: مع السلامه
_______
بيت بو سلطان
كان جالس بغرفة المرحومة وماسك صورتها وجنبها هو وشمس تنهد بضيق: ااخخ ي نورة وينك تشوفين بنتك وش صار فيها
دق الباب
بو سلطان: ما ابغى غدا
دخل: يبه
بو سلطان: خالد اطلع وخلني
خالد راح له وجلس قدامه: يبه انت تدري ان هذا افضل حل لها وان مشاري ماغلط لما دخلها المستشفى
بو سلطان: ادري واللي حارق قلبي ان شلون شمس تدخل هالطريق شمس تربية نورة وتربيتي شلون تدخل بهالطريق
خالد: يبه مو مهم شلون دخلت المهم انها الحين تتعالج وبتطلع منه قوم الحين خلنا نتغدا جلوسك كذا وإهمالك ل نفسك ما بيساعد شمس
تنهد وحط الصوره ومشى مع ولده
سالم باس راسه: وشلونك يبه
بو سلطان جلس: تحب الكعبه يبوك الحمدلله
شيخه: يووه الحمدلله يوم بدون صراخ ارتحنا
سالم ناظرها بحده
شيخه بلعت العافيه وسكتت
ام سالم: وهي صادقه
بو سلطان تنهد بضيق: وين الغدا ي طيف
طيف: جايك احلى غدا لأحلى ابو بالدنيا/ وحطته قدامه/ وجعله بالعافيه يبوي
ابتسم لها: ربي يعافيك يبوي استريحي
سالم: اي يبه متى ودك نروح الديرة
ناظره بضيق: ماودي اروح واترك شمس لحالها
سالم: يبه مهي بلحالها تطمن هي عند إيادي أمينه وانت ما يصير تجلس ف البيت لين متى يعني ي يبه لازم تطلع تغير جو شوي ولا تحاتي شمس هي بخير
خالد: كلام سالم عين العقل يبوي
شوي ويدخل بدر: سلام عليكم
الكل: وعليكم السلام
بدر: عساك بخير خويلد
خالد: بخير بخير م عليك
ام سالم: يمه وش فيك
خالد: مافيني شي بس حراره خفيفه وصرت زين
حطت ايدها ع جبينه: مسخن للحين قوم قوم روح المستشفى
مسك ايدها وناظرها: بخير ي يمه إذا حسيت نفسي مو بخير بروح تطمني
ام سالم: أكيد
خالد: أكيد أكيد
________
في المستشفى عند مشاري
حط راسه بالطاوله وغمض عيونه وده ينام بدون ما يهوجس ب شمس وده يقنع قلبه ان اللي سواه صح بس ما قدر تنهد بضيق : سامحيني ياقلب اخوك انتي سامحيني والله اني مجبور
دقت الباب
مشاري: تفضل
دخلت: دكتور حاله مستعجلة ف الطواري
قام بس طاح
راحت له: دكتور فيك شي
مشاري رجع يقوم: مافيني شي امشي/ وراح الطواري
الممرضة: دكتور مشاري إذا تعبان ترا الدكتور مصطفى موجود ياخذ الحاله بدالك
ناظرها بحده : قلت مافيني شي
تنهدت ومشت معه
______
نرجع للديرة
تحديدًا بيت الجد عبدالله
كانت جالسه الجدة ام محمد ف الحوش وعندها ام صيته
ام صيته: باقي حفيدتكم عله ع قلب بنتي ي ام محمد
ام محمد: يامره اتركوا هاليتيمة بحالها وش تبون فيها
ام صيته: أنا اقول لو تزوجوها صدقيني هي بترتاح وبنتي بترتاح وأنتم بترتاحوا بعد والبنت ي ام محمد تراها كبرت وبسن زواج وهي بعد ماشاء الله جميله يقولوا بيطلع الكلام عليها وانتي تدرين كلام الناس ما يرحم
ام محمد: وانتي صادقه يوخيتي
ام صيته: أنا اقول زوجوها حفيد بو مترك ولا تنسين هو نفسه اللي زوج ولدكم أنا اقول ما بيرفض خصوصًا يشوف ولدك محمد مثل ولده ها وش رايك بالفكرة
ام محمد: فكرتن زينه بس خليني أفكر واكلم بو محمد
ام صيته: يامره وشوله تعلمي الرجال بمواضيع الحريم انتي بس قولي تم واتركي الباقي علي
ام محمد: اي تم شورك وهداية الله
ابتسمت: وين القهوة ي ام تركي
ام تركي جتهم ومعها صينية القهوة: جيتك ي خاله هذي هي يأهلا ومسهلا أسفرت وانورت تو ما نور البيت / وصبت لها قهوه ومدت لها الفنجال
ام صيته أخذته: تسلمين / وشربت قهوتها وناظرت ام محمد اللي اقتنعت ب كلامها وابتسمت
_______
بيت بو مترك
كانت جالسه ومعها زوجة ولدها وحفيداتها
ام فارس: اي ي الهنوف والله وكبرتي ي يمه
الهنوف: يمه قولي ترا من الصبح على أعصابي
ابتسمت لها ومسحت ع شعرها: كبرتي وصارت الناس تطلب إيدك ي يمه
الهنوف كانت تشرب ماي وغصت
مسحت ع ظهرها وضحكت: حلال حلال بسم الله عليك
أمل: اييييييي وش قلنا لك أنا وسلموه امس
الجدة وهي تبتسم وتناظر الهنوف: منهو سعيد الحظ اللي بياخذ بنيتنا
ام فارس: منصور
الهنوف: منهو ذا يمه
ام فارس: ولد بو منصور راعي الغنم ي يمه وش بك م عرفتيه جارهم عمك بو محمد اللي بيتهم على نهاية الديرة عساك عرفتيه
الهنوف: يمه انلحس مخي تكفين وش ذا
أمل ضربت كتفها: تقصد اخو سلوى
شهقت: بالله يمه
ام فارس: اي يمه وش فيك
الهنوف: لا ي يمه إذا ودك بنتك تضيع وقتها وافقي
ام فارس: ي يمه وش تضيعي ناس ماشاء الله عليهم
الهنوف قامت:والله لو ما يبقى بالكون رجال غيره ماخذيته/ ومشت عنهم
الجدة: وش فيها ذي
ام فارس: مدري عنها أمل قومي قومي شوفي وش فيها
أمل: طيب/ وراحت لها
شوي ويدخلوا فارس ووليد: سلام عليكم
الحريم: عليكم السلام
فارس: وشلونكم
ام فارس: بخير جعلك بخير
وليد بصوت عالي: وشلونك ي جده عساك بخير
الجدة: ترا أسمعك ليه تصرخ
ابتسم: حقك علي عساك طيبه
الجدة: ها
وليد بصوت عالي: اقول عساك طيبه
الجدة: بخير بخير
ام فارس: يمه بسألكم عن واحد يمكن آنكم تعرفونه
فارس جلس : لبيه يمه سمي
ام فارس: تعرفون واحد اسمه منصور
فارس: مابه إلا واحد اسمه منصور بالديرة من ما يعرفه
ام فارس: سمعته زينه الولد
وليد: والله ي يمه مدري وش اقولك يعني الناس محترمته عشان ابوه الشايب ولا هو الله يستر عليه
ام فارس: يعني سمعته شينه
فارس: ليه ي يمه تسألين؟
ام فارس: امه بغت اختكم الهنوف له
فارس وقف: يخسى ويعقب ياخذها
ام فارس: ليه ي يمه
وليد: يمه تبين بنتك تضيع ولا وش
ام فارس: وش تضيع بسم الله عليها وش السالفه
فارس: ي يمه ذا لو ان ابوه ميت مستحيل اهل الديرة يخلونه هو إنسان استغفرك ربي الله يستر عليه ي يمه الهنوف تستأهل واحد يصونها يحترمها مو واحد الله يستر عليه
ام فارس: ي حسرتي وانا على نياتي قلت لها حياكم الله وش الحل يحسرتي بنيتي / وراحت
الجدة: تجي ونقول لها ماعندنا بنت لكم وانتهينا وش بعد وهي يوم ان ولدها قليل خاتمه وشوله تخطب له شايفتن بنات الناس لعبه
وليد بهمس ل فارس: تسمع اللي ودها فيه بس
فارس كتم ضحكته
نغزته ب عصاته: ترا أسمعك اذلف من قدامي
ضحك ومشى
فارس: اييي ي ام مترك وشلونك عساك طيبه
الجدة: بخير يامال العافيه والله ان محد مهتم فيني كثرك ي فويرس
باس ايدها :ياحبي لك ي جدة ماشاءالله الجو مغيم عسى الله يجيب الخير
تنهدت
فارس: افا ي ام مترك وش بلاك
ام مترك: حازتن بخاطري يوليدي
فارس: افا وش هي
ام مترك: اي يوليدي يوم ان رحنا عرس اخت مطلق عرفته
فارس: عرفته خويي اي وش صار
ام مترك: جالستن اتقهوا وفي بنات جالسات بالزاويه ويضحكن علي اني عجوز
فارس: ما يستحن
ام مترك: يقولن ذا ماهي حلوه
فارس: ووش قلتي لهن
ام مترك: قلت
يابنت حنا ماكر الزين وفعولنا بالطيب كلن دريبه
والزين ضافي ما حطينا طباشير ولا طلينا الوجه بخلطه ونيله
حنا ليوم دار السلف والمظاهير قمنا نتغارى مثل المهار الاصيله
وحنا ليا دنو الزمن للشيل وحنا نشيل الحمول الثقيله
روحي روحي روحي حطيلك حمره وتجميل
وايمانكن عن يمانينا قصيره ومنحاشتن
ياويله بثر ويله كل يوم للمطعم يومي شليله
(منقولة من عجيّز الجيل القديم)
فارس : صح لسانك
ام مترك: زعلني وحطيت بهن هالقصيدة ذي هالجيل هذا
فارس: الله يصلحهن بس
ام مترك: الله يصلح الله يصلح بس ماهن واحد انا معمه انا معمهن بعضهن والله أصيله وتطبخ مثل خواتك الله يحفظهن وبعضهن ما تعرف
فارس: اي والله انك صادقه
_________
بيت بو محمد:
سلمى: يمه بقولك
ام تركي: قولي
سلمى: ابغى اروح عند الجيران
ام تركي: وشوله
سلمى: بآخذ علوم الديره بعد وش
ضحكت: ي يمه م يصير كذا بعدين تصيري انتي العلوم اللي يأخذوها الناس
سلمى: تطمني يقلبي يلا فمان الله
ام تركي: اي زين سلمي عليهم
سلمى: ابشري/ وطلعت
ام تركي: يمه وش فيك وش شاغل بالك من راحت خالتي ام صيته وانتي شارده
ام محمد: مابه شي ابوك م جا
ام تركي: لا بالسوق
ام محمد: اي زين
________
في سوق الديرة:
كانوا الأخويا مجتمعين عند محل بو مترك
بو صيته: إلا بو سلطان مهو بناوي يجي
بو محمد: بيجي قريب
بو مترك: وشلونها ناقتك المسخنه
بو محمد: ماتت
بو مترك: الله يعوضك إياها
فواز: ابوي هذي القهوة
بو مترك: يا ذيبان
فواز: سم ابوي
بو مترك: شوف ي ولد أنا أبيك تذبح ناقتن زينه نقها زين وأبيك تطبخها انت بنفسك اليوم عشاكم عندي يا جماعة
فواز توهق مايعرف لهالامور بالعاده هو يساعد بس بنفسه ماعمره سواها : والله يبوي انت تدري اني ماعرف لهالامور لحالي
بو مترك ضربه بعصاته: والله من الاول وانا غاسلن ايدي منك عز الله انك رجيلن مروح والله اني من الاول ادري ماعندك ماعند جدتي
فواز مسك راسه: كل ذا ي جدي خاف الله فيني خلاص ابشر على هالخشم
بو مترك: عليه الشحم يلا تقلع
دخل المحل وناظر فايز: فايز اخوي وحبيبي انت
فايز تنهد: قول وش عندك
فواز: انت تدري انك العين ونظرها وإنك اخوي وسندي وظهري وا
قاطعه: اخلص وش عندك
فواز: جدي طلب اذبح ناقه عشان عمي بو صيته وعمي بو محمد بيتعشو عندنا وانت تدري أنا ماعرف لهالامور لحالي
فايز: اي قول ل فارس ووليد اطلب فزعتهم اخوك مشغول اليوم
فواز: وان رفضوا
فايز: لا م عليك انت قل لهم الفزعه وهم بيفزوعولك
فواز: اي يلا اجل فمان الله/ وطلع يركض للبيت
دق الباب ودخل وبصوت عالي: يا ولد
وليد: ادخل مابه حد
دخل: طالبن فزعتكم ي عيال عمي
فارس: ابشر وانا ولد مترك
فواز: يبشرك ربي بالجنه / وقال لهم اللي طلب منه جده
وليد ضحك: اي تبشر مشينا ي فويرس
فارس: مشينا/ وطلعوا
________
نرجع للرياض
مر اسبوع على وجود شمس ف المستشفى
بيت بو سلطان
بو سلطان: مشاري وشلونها اختكم تطمنتوا عليها
مشاري: اي يبه الحمدلله بخير
ام سالم: رحت تشوفها
مشاري : لا صديقي يطمني عليها
ام سالم:ايييي زين زين
طيف: بدوري يابعد قلبي
بدر: قولي طيف
ضحكت: فاهمني لبى قلبك
بدر: فاهمك ها وش
طيف: اقنع ابوي نروح الديرة
بو سلطان: قلت لكم ماني رايح بدون شمس
بدر: يبه شمس بخير بس تخلص علاجها بتلحقنا وغير كذا جدي متشره عليك لا تنسى وصية امي ي يبه لازم تصالح جدي
رند: مانبي نروح حنا سلطان
سلطان: ليه
رند: محاتين شمس هو بس احنا الوحيدين اللي محاتينها ماشوف احد فيكم محاتي
سلطان بعصبيه: تبينا ننتحر عشان تصدقين ان احنا. خايفين عليها اكثر منكم
صدت عنه
سعود: احنا خايفين عليها اكثر منكم بس ندري ان هذا افضل حل لها / وقام عنهم
هيام: وش شعورها الحين وهي تشوفكم تخليتوا عنها
مشاري بحده: بتتعالج وتفهم ان اللي سويناه عين العقل وكل ذا عشان مصلحتها
خالد: يبه وش قررت
بو سلطان تنهد بس تذكر وصية زوجته وان للحين ابوه ما سامحه: طيب نروح باكر بس ما ابغى احد يدري اي شي عن شمس ان سألوا عنها تقولوا خذت لها بعثه وبتكمل دراستها برا مفهوم
سالم: ابشر
بو سلطان: وبالأخص انتم ام سالم شيخه وصال واضح كلامي
ام سالم: شايفنا نقالين علوم
بو سلطان: اي / وقام عنهم
ريناد اول م شافت بو سلطان قام فطست ضحك
سلمان ناظرها وكتم ضحكته
ناظرتهم بحده
سلمان: هالنظرات خوفي فيها وصال مو احنا مشينا يقلبي/ ومسك ايدها وراحوا
شيخه: اخوك هذا وزوجته قليلن أدب مو شايف شلون يكلمون خالتي
سالم: انتي انطمي لا اسمع حسك
ام سالم: وانت ماغير تسكتها ترا معها حق
سالم: يمه تكفين خلاص عاد يرحم لي والدينك خلاص
هيام ناظرت مشاري: ودك نطلع
مشاري: يكون زين
هيام قامت: بلبس عباتي واجي
مشاري: بنروح الدمام
هيام بفرح: والله
مشاري ابتسم: اي
هيام: طيب بجهز الأغراض/ وراحت
خالد: ما بتجي الديرة معنا
مشاري: بجيكم بس قبل بمر الدمام
خالد: اي زين
بدر: اجل اسمع خويلد بنروح ب سيارتك
خالد: عبها بنزين وحياك الله
بدر: ابك م تستحي تقول هالكلام لأخوك اكبر منك
خالد: لا م استحي مفلس أنا يخي
بدر: مالت عليك بس
ضحك: وعليك
________
عند شمس
دخل مساعد وكانت صاحيه: كيفك الحين ي شمس
شمس: فكني واصير زينه
راح لها وفكها: اسف بس كنت مجبور
شمس اول م فكها قامت من السرير ودها تهرب
بس هو اسرع ومسكها
شمس ناظرته بدموع: تكفى تكفى خلني اروح البيت والله أنا بخير انتم ناوين تجننوني انتم بتموتوني خلوني بحالي تكفووووننن
مساعد: اسف ي شمس انتي لازم تتعالجي
شمس حاولت تفكه منها وصرخت: ااابببعععدددد
مساعد اخذها ل السرير
بكت: تكفى خلاص ارحموووننييي خلللااااصصص
مساعد وهو يحط الحزام ب ايدها: شمس اطلبك طلبة العمر تكفين اقتنعي انك لازم تتعالجي
شمس: طيب بقتنع لا تربطني تكفى والله بقتنع فك ايدي تكفى
فكه: طيب
مسكت بطنها بس حست ب ألم
جا بيطلع بس وقفه صراخها ورجع لها
شمس وهي تشد على بطنها صرخت
مساعد: وش فيك شمس شمس
شمس: علاجي وين ااااهههه
مساعد: علاج وش
شمس وهي تبكي: علاج القولون
مساعد: اصبري بجيبه لك اهدي/ وطلع وقفل الباب بالمفتاح
اما شمس ف كانت تمثل وقامت بسرعه لما طلع وراحت للباب بس لقته مقفول سندت ظهرها ع الباب وجلست تبكي وبالفعل بدأ الألم يزيد قامت وراحت ل السرير وتكورت على نفسها
دخل ومعه مسكن قولون وراح لها وعطاها إياه : خذي
ناظرته بدموع: ما ابغى اذلف الله يلعنك
مساعد: تبين شي يفرحك طيب
قامت بسرعه واعتدلت بجلستها: قول
ابتسم لها: امسحي دموعك وبقولك
مسحت دموعها: شوف مافي دموع قول
مساعد: أنا مساعد صديق اخوك مشاري وهو يسلم عليك / وطلع من ورا ظهره دبدوب وفيه أصوات أخوانها وامها وأبوها/ خذي جاب لك هذا
أخذته وناظرته: ليه م يجون يشوفوني ليه تخلوا عني
مساعد: ما تخلوا عنك ي شمس بس لازم تتعالجي وحالتك ما تسمح لك تشوفيهم / وعطاها علبة المسكن: خذي هذا مسكن القولون وحطيه معك قال لي مشاري ان قولونك يضرب دايم / وقام
ناظرته : شكرا
ابتسم لها وطلع
ناظرت المسكن واستغربت مو نفسه اللي تشربه هي ابدًا ما يشبه اللي كانت تاخذه
انسدحت وجلست تناظره ومر عليها فلاش باك
تهاوشت مع ام سالم لما درت انها قتلت فزاع
بعدها سالم أخذها المستشفى نامت وقامت عطوها علاج كانت بكل مره يضرب فيها القولون تاخذه
من يومها بدت تفقد السيطرة على نفسها
قامت وراحت للباب ودقته بقوه وبصراخ: مسسسااااععععدددد تتتككفففففى مساااااعععدددد
بس مافي اي رد
جلست وبكت على حالها دقت الباب: مساعد تكفى طلبتك تعال تكفى مساااعدد
_________
تسريب البارت التاسع:
: وش تقول انت تسمع اللي تقوله
: تم نقلك
: مستحيل فارس ما يسويها
: بياخذها ويستر عليها
.
.
.
.
نوقف هنا رأيكم وتوقعاتكم
الكاتبـة شيهانة✍🏻🦅
المُساعد الخفي ل الرواية "طوكيـو"
