حياة أحفاد الـ وارث " متوقفة مؤقتاً "

مقتطف

السلام عليكم ورحمة ألله وبركاتهُ
ـــــــــــــــــــــــــــــــ

بالبداية نكول بسم الله كما أنو بدينة برواية جديدة

احب القارء يستمتع بقرائة الرواية بدون اي ضغوطات
هاذ الشيء من أهتماماتي

برئيي اكو أشخاص مايقصرون ويحبون ينطون
حقوق الرواية وحقوق الكاتب وتعبة
وأكو يتكاسلون بهالشيء أو لاسباب ثانيه مااعرف
كل ألي يعنيلي أنو نضراتك تجولت بين كلمات هالرواية وبس ..

مايحتاج أشرح اجزاء الرواية أو تفاصيلها
برئي بهذا بارت التعريف راح تعرفون أعضاء الرواية
وطريقة الكلام ( أللهجة )

دمتم بخير ..
ــــــــــــــــــــــــــــــــــــــــــــــــــــــــ

جو هادء .. سماء مغيمة على وشك المطر
نسمات الهوة الباردة تتخلخل بين اعضاء جسمي
تعلن على حلول الشتاء ..

الأشجار العالية الي تتحرك بهدوء ..
ومنضر الزرع الي بالبساتين ..
يجبرني أبتسم واتأمل الجو براحة وهدوء ..

شدد أنتباهي صوت جاي من وراي ..
: يصيحلج رعد ..

كزبر جسمي وروحي طارت وية كلماتة ..
ألتفتت اباوعله وهوة منطيني ضهرة متقدم للأمام ورة ما كال كلماتة ..

أبتسمت بهدوء اترقب خطواتة وكلبي ينبض بلهفة ..
ألراحة والحب ، الآمان والطمئنانية ..
كلهن احسهن يحاوطني من يكون هالشخص قريب مني أو يسولف وياي ..
رغم أني بأمان بوسط أهلي وناسي بس يمة
أحس روحي مثل جنت بحرب وهسه يلا ارتاحيت

كمت أنفض التراب من جبتي لآن جنت كاعدة بالكاع اندمرت ..
عدلت حجابي وتمشيت نحو الكوستر ..

راكبين كلمن بمكانة ومنتضريني حتى نكمل طريقنة ..

عيني ركضت عليه بس دنكت بأسف من شفت
رائد كاعد بصفة .. هواي تمنيت لو أني مكان رائد ..
يمكن لو شكد ما جان الطريق طويل وكلها تغفى بي ألى أني .. راح تضل عيوني تتجول على ملامح وجهة وتحفض لحيتة شَعرة شَعرة ..

أنتبه عليه أباوعلة أبتسم بلطف وأردف ..
: أستعجلي دنمشي تأخرنة ..

هزيت راسي متسرعة وأتوجهت المقعدي ..
صارت عيني ع عمي رعد وهو يترقب حركاتي ويتأكد مني اذا كعدت زين أو بعدني ..

: خَلصتي ؟ ..

هزيت راسي أباوعلة بأنعكاس المراية شغل سويج وحَرك ..

التفتت الفاطمة من أتقربت مني وهمست يم آذني ..
: شلون صرتي .. ؟

: راحت الدوخة .. أحسن ..

بللت ريكي مرجعة راسي ليورة ..
عيوني بدءت تنعس بمرور الوقت ألى أن أخذتني النومة ..

فزيت عليهم كلها تسولف بوقت واحد ويضحكون ..