حياة أحفاد الـ وارث " متوقفة مؤقتاً "

البارت 2

بقلمي : مريم الحسناوي
رواية : حياة احفاد الـ وارث

@Mariam_088: اليوزر

البارت الثاني ...

اعتذر عمري من كل وحدة بيجن من ناحيه تأخير البارت ،
اتأخرت بهالبارت ادري حقجن علية ..

لَمْ أعدْ أملِگ مَوهبةْ الحَديثْ ؛أصمَتْ حتّىَ وَ لَوْ گانَ الأمرْ يهمّنِي ليْسَ ضعْفاً وَ تگبّراً بَلْ ملِلتْ ..

__________

: أيييييدددكك ..

التفت عمو وية صدور الصوت واني ضليت مندكه
ماكدر أرفع راسي ، خجلانة من سجاد ..

كدرت اشوف رجليه وهيه تتقدم بأتجاه عمو ..
ومن سرعة التقدم مبينات خطوات غضب ..

: عَليش تمد آيدك على مرة ..
، نسيت الزلمه زلمه ورجال بس مو عالنسوان .. !

: خليني محترمگ سچاد ..
موش آنا التعلمني المراچل ، وألتزم حَدك وَياي ..

: على عيني وراسي ، جنت قبل ببيتك
ماعرف تضربها او لا ، بس المهم هاذا بيت أمها وجَدها ..
هناا ماتكدر تمد ايدك عليها ، مدامها بهاذ البيت يعني هيه بحمايتنه وجناحنه ..
وأحنى الي بحمايتنه نقدم أرواحنة فداه ..
عرفت شلون ! ..

: آنا ولي أمرها ويحقلي أأدبها اذا تطاولت ،
ببيتها چانت لو ببيت چدها .. ماتفرق عَندي ..

: هاااذ الحجي قبلل رعد موو هسةة ..

كمت انكث بملابسي ودموعي تنزل بدون صوت ..
وأحس چف آيدة لازك بخدي لسة ..

على اصواتهم طلع جدي وورا خوالي والولد ..

وارث : عَيب عليكم تتجادلون وأنتو اخوة ..

سجاد : بس جَدي مايصير هيج ..

: أنت أسكتتت ، چان اجيت وحجيتلي واني احاجيه بهدوء .. مايحتاج تعلي صوتك على ابن عمك وهوة اكبر منك .. حتلوو جان الموضووع اكبرر من رااسكك .. سمعتننييي يسجااد ..

دنك اعصابة تفور كاتم عليهن ووجهة انطعن أحمر ..
التفت جدي العمي رعد وكال ..
: شنو السالفة يوليدي ..؟

اندار الية عيونه حمر خازرني ..
بس شفت نضراتة دنكت ..

: تعاي يبنيتي ..

ركضت ارتميت بين احضانة ودموعي تتسابق بدون صوت كاتمة على شهكتي ..

باس شعري وهوة يكول : فهميني يبنيتي
شنو الصار ..