حياة أحفاد الـ وارث " متوقفة مؤقتاً "

البارت 1

بقلمي : مريم الحسناوي

البارت الأول ..

صلِّ على محمد وآل محمد
ـــــــــــــــــــــــــــــــــ

كعد عمي رعد مفزوع الصرختي وخايف ..
كمت اطفر بهسترية وانكث برجلي ..
: عنكبووووت يمةةةة ..

بقيت افتر بالغرفة واكمز صوت دكات كلبي مسموعة ..

دخلو كلهم خايفين ويتسائلون ، شكو ..!

وعيت على روحي من جر ايدي عمي رعد وصاح ..
: أتسودنتييي شماااالچ .. غير أفتهم وينةة ؟؟ ..

: ماادري ماادري شفتة يمشي على رجليي ..

رسول : واني عبالي حية شيي ، طلع عنكبوتتت !! ..

البنات وكفن يضحكن على حالي والشباب يستهزئون بية ..
مد ايدة عمي رعد رجع خصلات شعري ورة أذني مبتسم بهدوء ..
: بَسـچ ، ماهو ..

هزيت راسي أبلع بريكي ، جر راسي حاضني يضحك ..
: شمالچ وچهچ أصفَر ، ..

: مادري عندي فوبيا من الحشرات ..

: چايز عنگبوت وهَيچ .. لو تشوفين حَية شيتدهور بحالچ ..؟

التفت عليهم وكال
: يلة ، گفو حوايچكم حتى نتوگل ..

فاطمة : ريوك ماكو ؟ ..

: حاچي خطيبچ شمالة لعد ! ..

عمر : صدك جذب ، أحلة ريوك الفطمتي ..

رفعت حاجبي متخوصرة : بس فطمتك ؟ ..
وأحنة يذبحنة الجوع ..

رائد : المخطوبين واحد يوكل الثاني ..
وأحنة العزابيين رعيد يوكلنة ..

باوعلة عمي رعد بطرف عينة
: ماتوچلون رواحگم شمالگم آنا أوچلگم ..؟؟

: غير أنتَ ولي أمرنة ..

اتنهد يسحب نَفس
: حتى بطونكٰم آنا أترسها ، ألله اكبر ..

أخذت حجابي خليت مريم تلفة ألي لان ماعرف
اتحجب اذا مو مرآية وماجايبة وياي وحدة صغيرة ..

الحد ما خلصنة ركضنه للكوستر واتوكلنة ..
مشينة مسافة حوالي ساعة يلا كدرنة نطب بمدينة

وكفنة كدام مطعم عالشارع حتى نتريك ..
نزلنة اني وعمي رعد وفهد ورائد حجزنة طاولة ..

وعمر وفاطمة طاولة ورسول ومريم طاولة
نزلنة مخلمة وزلاطة وطرشي ومقبلات وبدينة ناكل ..
اني أحب اشرب جاي الصبح ماحب المقبلات ..
خليت عمو رعد يطلبلي أستكان وبدينة نتريك ..

ألى أن خلصنة اتحاسبو وية ابو المطعم وكملنة طريقنه ..
الجو حلو السماء مغيمة على وشك المَطر ..
ونسمات هوة باردة تنعنش الجسم وتصنع الطاقة الأيجابية ..
الجو رسم الأبتسامة على وجهي على طول الطريق ..