Spoken Poetry Of SHAIRA RIPALDA

Saludo Mag Turotdo

Saludo Mag Turotdo

Ha kada masirom nga pag lakatun,
Ikaw an lamrag han amon pag laum,
Dre kaman asya an kag anak nga gintikangan,
ikaw man liwat an amon gabay ha skwelahan,

Han kapapaso han karsada han BCC,
Aada ka adam mag apras nga ha baba may ngisi,
an kakapoy ngan pag kuri dre gin aasi,
mahatag la an pag aram ha bugos nga klase,

Damo man nga problema an umabot,
Ha imo pag tutdo damo man it tawo nga mag buroot,
Normal nga tawo kaman ha gawas hit skwelahan,
ha amon nga estudyante ikaw an amon kasulbaran,

Nakadamo na kasukol an imo pasensiya,
Naabot nga ikaw nga mag turotdo nag tatangis na,
Ma atubang ka haamon nga malipayun,
Bisan mayda kabidoun haimo mga studyante nga sarawayun,

Usa ka nga angay hangdun,
an imo hatag haam nga kusog ngan pag laom,
Salamat han imo mga pag tutudo ngan mga sagdon,
Kamo nga mag turutdo an nag hurma haamon,

Dre aasihon an kalain han panahon,
Ma tindugan la an iyo saad nga paglaom,
Ha tanan nga mag turutdo, Saludo ako.
Dre ma susukol hin bisan ano an iyo sakripisyo,

Umabot man an takna nga harayo na tak makadtuan,
An iyo mga nabuhat nga kaupayan dre ko kakalimtan,
Permi kamo lilingion ngan pasalamatan,
Angay niyo makarawat tanan nga kaupayan,

Salamat han iyo gabay,
Salamat han iyo mga sagdon nga magupay,
Salamat han iyo paniguro,
Ako inin mag tatapos nga adi kamo haak dughan dara dara ko.