#3: An paborito ko nga utan

24 0 0

by Psycreen

by Psycreen

Akon paborito nga utan
Tatak-Shaira Ripalda

Ini naliwat an Bulan han Nutrisyon,
Damo gud man inin namulat ngan naayun,
Tungod kay nangag hatag gud hin higayun,
Sana, sugad la geap ka dali ha tawo nga at higugmaon,

Adi naliwat ini Mahugot nga daraga,
Astilan ambot kay bangin ini puro Arte la,
Pero payda gad panunggan ako unta,
Inin kinasing kasing nga pag abata,

Leron-Leron, inin akon hinigugma,
Dara dara akon puso,
Surudlan mo unta,
Pero pag ulpot ha butnga,
Tigda ka nanmaya,
Kairo man ini nga daraga,
Permi nla baya,

Usa ini akon tanum nga alaga,
Pero anay daw la,
Balitaw tawo gad balit ini hiya,
Pina agi ko la inin aton Tema,

Baga ini hiya hin utan nga masusutansiya,
Hiya inin panpakusog hiton akun resistensiya,
Pareho han utan nga matag'um ,
Haiya ini ako duro it pag lina'um,

Kay hiya an akon paborito nga utan,
Bisan pa ako sobra niya nga nadirian,
Pinipirit ko hiya tagan han ngatanan,
Para la niya ako maasihan,

Tinagan ko Ikaw hin karabasa,
Panpatin'aw Im mata,
Bangin la ba imo ako makit'an ,
Nasulimpaparay han imo dalan,
Pero imo gud la ako gin labayan,

Adi hin hatag ko nga mangga,
Bisan la ba,
Kasin aslum,
Hit inaabat mo haak on,
Mabalyu'an hit matam'is nga pag laum,

Pero Dre ngayan asya it mahanabo,
Baga ako hin utan nga tahosyo,
Sigit hanglas daplis la haimo,
Dre mo pinirit nga pumundo,

Adin utan nga hantak,
Bisan tak balhas na tinagaktak,
Humalaba pa geap tim pasensiya ,
Hinin paasi ko nga presensiya,

Adin gatas nga prutas ,
Para imo kusog waray wantas,
Para may kusog ka para imo ako baluson,
Sugad hinin inaabat nakon,

Pero kay'ano nagmumudot ka?
Duro gud haakon it imo kasina?
Pasaylo kun paasi ako,
Hastilan kay Ikaw gud la tak karuyag hin totou,

Pinirit ko man nga diri ikaw karuyagon,
Pero kay ano Ikaw la geap ini akon ayun,
Ikaw la geap ini gin bibiling nga Nutrisyon ,

Pero bisan pira pa it utan nga kaunon,
Kumaun pa man hin damo nga kan'on,
Kulang la geap ini hin bitamina,
Pastilan man ini nga pagtaga guguma,
Bagat marigoso,
Mapait gud hin duro,

Nakit'an ko kamo han imo naruyagan,
Hagoy kaul'ul bagan nasamaran,
Bagat kumaon hin harang,
Mahapdus ngan maaranga'ang,

Anhun ko ini akon kahimtangan,
Kun an kaul'ul Dre ko na ngani masabangan,
Bisan pagsiplat haimo,
Dre ko mahimo,
Kay malipayun ka ,
Dre tungod nga Adi ako,
Tungod kay ada na hiya ,

Sana Ako liwat it imo Nutrisyon,
Badaw, Ikaw gud akun palilipayun,
Dire gud kakaragun,
Ikaw gud akon paurahun,

Baga kan kamote ngan balanghoy,
Makuri makuha ngan duro kakapoy,
Baga kan saging na baloy,
Dapat ka hulton ngan pahinugon,
Dre ka Angay dagmitun,
Sanglit Adi ako maghuhulat la haimo,
Bangin la ako mahaupod han imo mga plano,

Pero malaum pa ba Ako?
Kun maaram naman ako nga daan?
Ikaw ngan ako Dre kaangayan,
Sanglit paman,
Piritun ko nga Ikaw hangalimtan,

Baga akun tanum,
Ngan Ikaw it akon agaron,
Matubo ako dependi hit pag alaga mo haakon,
Pero ,
Dre sugad hiton,
Kay haimo pag kita,
Usa ako nga pesti nga magguguba,
Han imo tanum nga alaga,

Binayaan mo ako ha piliw,
Asya ako haimo duro it pag iliw,
Tama gud man an yakan nira,
Naka lipong gud man ini nga pagtaga gugma,