Spoken Poetry Of SHAIRA RIPALDA

#4 An sagdon ni Nanay

Urihinal Na composasyon ni Esteban Arnel A. Flores

Ganado kaupay, an ngisi ni Nanay,
Paghikit'i ha Akon nag dire himatay,
Tikang ha eskwelahan, kinapoy la hin tuman,
Naghihirot man gud Ako it Akon kalawasan,

Kay naharugda naman ak udog hadi,
Pagkita Kan Tatay nga dri sugad na kalaksi,
Nababad ha gutom, kapoy la pirmi,
Adto nagkasakit , nagbasol ha urhi,

Asya paghirot, bis Dre magluya,
Aton kalwasan asya it unaha,
Kaon hin utan, Prutas nga magrasa,
Talagudti na Karne, isda kun may Kwarta,

Ganahan ka gud kun may sugad ha lamesa,
Adobo nga hantak, ug hinatukan nga karabasa,
Hinog nga kapaya ngan matam-is nga nangka,
Tinuon nga saging, saba ug inaldaba,

Pag abot han Meryenda ,
Tambay ak kanda Lola,
Nag andam man gud hiya,
Mapaso nga ginat'an ha beranda,

Ayon-ayon ko gud an iya luto nga magrasa,
Duru'dilain nga utan ug duru'dilain nga duma,
Mayda kamote, balanghoy ngan ostralya,
Nga maupay ha tiyan,
Adi pan gaway, upod an Palawan,

Nahandum gud ako an sagdon ni nanay,
Kaun permi hin utan, pampalipay,
Asya permi ako aktibo ha lamesa,
Labi na an actibidades pang eskwela,

Ha ak pan adlaw-adlaw nga arangkada,
Upod ko permi mga pagkaon nga masusutansiya,
Mansanas, Mangga, gatas ug lemonada,
Asya inin pangpakusog hit ak Resistencia,

Busog ka gud, kun ha plato may kan-on,
Basta marasa, maupay it katuon,
Padisi hin pako, ganas na utanon,
Kaon hin maupay bis diri ka dayun ubanon,

An aton lawas, atun hirutan,
Huna-hunaa an imo katalwasan,
Ayaw pagkinaun hin Dre kinahanglan,
Gabay ka magtanum hin utanon haimo bungsaran,

Pagtanom hin liso, pagbutang hin kawayan,
Bis an hantak myda kanapan,
Kun oras na gud hin pangkawarayan,
Ada nim tanom, pakadto pag utan,

Tubig ha aton lawas kadako it gamit,
Sugad kun mapaso an sirak maping'it,
Inom hin sakto ayaw pagpirit,
Kaul-ul ha tiyan adto ka magkakasakit,

Ha Oras hin kahagkot, marasa it sabaw,
Saypa kun aga, pagsopas, paglugaw,
Hulat la bangin humuraw,
Pampakusog hin lawas pagsayaw-sayaw,

Dulsi, napaguba hin ngipon,
Kun ano lugod it bawal, asya it ayon-ayon,
Sitsirya, mapag'ad kaunon,
Ayaw pagduro Kay sakit tun dayun,

Pagmata hit aga, pamuhay-puhay ,
Patukara an radio, paupda hi Nanay,
Tikangi pagsayaw, unati hin saktuhay,
Adlaw-adlaw na ehesisyo ha lawas maupay,

Baga likay-likayi an nga bisyo,
Kay ha una la iton baga marisyo,
Irimnon na makarahubog ngan sigarilyo ,
Sakit la an dara ha urhi kalbaryo,

Asya huna-hunaa sangkay tim nga disisyon,
Kun ano ba tim kinahanglan ngan imo la ayun,
Mas Mahal it magkasakit kaysa iton mga utanon,
Imo la kalugaringon an imo lulurongon,

Kay ginhimo an tawo Dre para magkasakit,
Gin buhi an tawo para magpa'ambit,
An sumat ha ginoo an iya gugma haimo,
Asya paghirot tim lawas Kay asya iya regalo,

Bantayi tim lawas nga Dre magkasakit,
Kunta namati ka haakon salit,
Ipasamwak an im mga nabaruan,
Nga an maupay nga kalawasan,
Ha Prutas ngan utan,
Magtitikang , matutuman,