*******************************
لم يكن في الحسبان !!
It was not expected
*******************************
حلات عينيها في سقف عينيها زورق في ضلام رماديين وفي اشعة الشمس كيوليو خوضر سبحان الله. كيتغيرو بتغير مكان والمحيط بشرتها البيضة معيبها غير ضربة لي في الجبين ديالها زينها طببعي زوين بلا نقطة مكياج
صداع ديال عيلات لي ضايرين بيها شي حاجة ولفات عليها هاد الفترة كانت متكية ودايرا يديها من مور راسها وعيلات دايرين فضيحة بنميمة والمهاودة على صبح مكيعرفو لا لي ناعس لا لي فايق نهائيا لابسة سروال ديال كيطمة كحل وسوفيطمة كحلة شعرها اسود مقطع واصل لرقبة ديالها فقط وشم باين جزء بسيط منو من تحت سوفيطمة ناحية القلب مباشرة كان وشم بللون الأسود على لحمها البيض عاطي منظر خطير وكاين وشم اخر في يديها اليسرى من صباع يديها حتال مرفق يديها وشم برموز غريبة على شكل أغصان شجر متعددة فروع في يديها وفيهوم كتبات بللغة صعبة الفهم
تحل باب زنزانة الجماعية ودخلات منو حارسة بزي الرسمي للعمل وقالت بالغوات :جوديا عندك زيارة نوضي يلاه
بقات كتشوف في سقف هدوء مريب وقع اول مرة تجيها زيارة حتى عيلات كلهم بقاو كيشوفو فيها مستغربين
ناضت لبسات كلاكيط ديالها دارت يديها في جيبها وتمات خارجة غير خرجت شدات حارسة باب وتبعاتها شادة ليها يديها وغاديا دافعها حتى وصلو لغرفة زيارة لي كانت خاوية ما فيها حد من غير واحد جوج رجال من ملامحهم تعرفهم اسيوين واحد رجل صيني كبير جالس واحد اخر لابس كوستيم كحل واقف عند راسو الرجل جالس كان لابس زي تقليدي لصنين وشاد عكاز في يديه دار اشارة لحارس خرج وخرجات حتى الحارسة وبقاو غير بجوج بيهوم تما بتاسم ليها وهي كذالك جات قبالتو وجلست وقالت بصينية : سيد يونغ ماالذي تفعله هنا
يونغ : اتيت لرؤيتك وايضا لأخرجك من هنا
جوديا : أتظن انني لو كنت اريد الخروج ستجدني هنا
يونغ : انا أعلم ذالك اعلم انكي لا تريدين الخروج لكن وجودك هنا لن يغير شيئ ايضا
جوديا حنات راسها ودوزات يديها على شعرها مرجعاه لور وقالت : لن اخرج لقد انتهى وانهيت كل شيئ وجودي خارجا من عدمه لن يغير شيئا لقد انتهى سيدي
يونغ حرك ليها راسو بأه وقال : كما تريدين انا هنا انا موجود حتى لو تخلى العالم كله عنك ستجدني هنا لن يتغير هذا ابدا
جوديا : انا اعرف ذالك سيدي
يونغ : ان غيرت رأيك بخصوص الخروج سأساعدك تعلمين كيف يمكنك وصول إلي
جوديا : اعلم ذالك ايضا !
ناض وقف وقفات حتى هي تسالمو وهو ضار باش يخرج وهي ضارت داخلة مع حارسة باش ترجع لزنزانة ديالها تحل باب ودخلات ورجع تشد مشات جيهت فراش ديالها طلعات وتكات فيه كيف كانت في الأول ممسوقاش لگاع دوك عيلات لي كيشوفو فيها
بيهوم خمسة كانو ستة في زنزانة واحدة منهم خرجت منين سلات مدة الحكم ديالها
دازو سوايع وهي غير متكية على حالها دوك ربعة شادين ستون بهادي دارت هادي فعلت مكيعياوش نهائيا ساعة تشير الى 4:30 مساءا تحل عوتاني باب زنزانة ودخلات منو بنت لابسة جلابة كحلة مغبرة مع صابو موسخ ومقطع دايرا فولار في راسها باين عليها باقي صغيرة من مورها حارسة لي حلات ليها مينوط دفعاتها دخلت وشدت من مورها باب بقاو دوك عيلات كيشوفو فيها إلا جوديا لي كانت متكية ومضارتش اصلا تشوف فيها بقات ديك بنت مسكينة واقفة ودموع ديالها نازلين ناضت وحدة من دوك عيلات ربعة تقدمات ناحية ديالها وقالت : مالك احبيبة غير بشوية عليك تهدني
شدات فيها وجراتها جلستها وكتمسح ليها دموع ديالها وقالت : صافي سكتي بكا راه مغاديش يخرجك من هنا بلا ما تعذبي سكتات ديك بنت وبقات كتمسح دموع ديالها بكمام جلابة لي لابسة حتى هضرت تاني ديك بنت وقالت : انا مريم هادي لي قبالتك كوتر هادي سمية وهادي نهيلة ونتي
بقات كتشوف فيهوم وقالت بصوت مبحوح : انا انا ياسمين
مريم : مشرفين ازين ديالي صافي مسحي عليا دوك دموع يلاه
مسحات دوك دموع من عينيها وبقات مريم كدوز ليها على ضهرها كنوع من موسات ليها
سمية : قولي لينا شنو جابك لهنا شمن جايحة لاحتك
ياسمين : انا انا قتلت راجل مي وحكمو عليا بي 20 عام ديال حبس منين درت طعن في الحكم زادوني 10 سنين اخرى ولات 30 عام حبس اختي
مريم : لله لله علاش قتلتيه
ياسمين : كان باغي يتعدى عليا وانا بغيت غير ندافع على راسي بلا ما نحس لقيت حداي موس وقتلتو بيه
نهيلة : الحيوان لله ينتاقم منو ولكن مقدرتيش تبتي ليهوم انها كانت دفاعا عن نفس
ياسمين حركات راسها بلا وقالت : مي شهدات ضدي بلي انا كنت كنستغلو باش يعطيني فلوس ومنين مبقاش كيعطيني قتلتو
سمية : شنو شنو ام ولا **** هادي شكون تلوح بنتها هاد لوحة دلويل
نهيلة : وييه ****** كلبة
مريم : لا حول ولا قوه إلا بالله اختي صبري شنو غادي نقول ليك
ياسمين : صبر اختي ضيعتني في حياتي ومستقبلي وكلشي صافي ضعت انا ضعت
مريم : صافي احبيبة بركا عليك من بكى نتي هنا بحال ختنا متخافيش مكاينش هنا لي غادي يأديك وان شاء لله يجيك شي عفو ولا فرج من عند ربي غير صبري
أنت تقرأ
الشرير قصرا The Evil Palace
Misterio / Suspensoشرير ما معنى كلمة شرير هو شخص لي كيخلي دائما الكراهية والحقد تعمي ليه طريق والبصيرة شكون هو علاش وكيفاش ولا هكاك حتى حد ما كيعطي للموضوع اهمية نهائيا كيتفدى الإنسان يعطي لعقلو اسباب منطقية لداك إنسان او حتى تفسيره اليوم رجعت بقصة جديدة مخال...
