*******************************
العودة
Back
*******************************
ضارت وخرجت من تما مباشره خلات البنات كاملين كيشوفو فيها باستغراب فين غادي تمشي هادي عاوتاني غاديا بالعقل الحاجه الوحيده اللي كاتفكر فيها هي انها تخرج ياسمين من تما مشات مباشره وتفادات الكاميرات المراقبه مباشره عند هذيك الحارسه اللي كتعاونها بغيت نطلع لبيرو ديال مدير
الحارسة : واش تصطيتي شنو غادي ديري عندو
جوديا : غادي تعاونيني اه لا
حارسة بقات كضور وجها يمين شمال كتشوف واش كاين شي حد وقالت : غادي نخوي ليك طريق عنداك ديري شي موصيبة
تحركت الحارسة غاديا ناحية بلاصة لي كطلع لمكتب المدير وخوات لجوديا طريق من الحراسة باش طلع ودكشي لي دارت غير سخرت ديك حارسة ومشات طلع جوديا كتجري برى مكتب كانو جالسين تلاتة ديال بنات من سجينات هنا وياسمين ماشي معاهوم عينيها ظلامو اما دوك بنات بقاو كيشوفو فيها بإستغراب شنو كدير هادي هنا
خلاتهم كيشوفو فيها ومشات باب بيرو شدات في بواني باش تحلو ولكن كان مسدود رجعات لور خطوة وعطاتو برجلها حتى تهرس وتحل غير دخلت بان ليها داك الحيوان مطيح ياسمين في الأرض وباغي يتعدى عليها وهي كتبكي كان يلاه بدا يقطع ليها حوايجها ضار شاف في جوديا غير ناض باش يغوت عليها حشات فيه رجل جابتو طايح في الأرض حدى بيرو ديالو مشات بالخف نوضات ياسمين وقالت : خرجي من هنا
ياسمين فشلو عليها ركابيها وماقدرتش تحرك اما جوديا مشافتش فيها أصلا واش خرجت ولا لا وزادت عند داك خونا لي يلا وقف شاد في كرشو شداتو من شعرو وعاطتلو راسو مع طبلة ديال بيرو ضرب وتعاود بهستيرية جنونية غير ترخى هزات واحد ديكور عبار عن تمتال حجري هاز ميزان وبدات عليه لداك راس ضرب ضرب ضرب وهي فاقدة الوعي ديالها تماما ياسمين لصقات في الحيط كترعد وتشهق وهي كيبان ليها دم من كل ناحية غير كيتشتت فعليا بمعنى التطبيقي الحرفي فرگعات ليه راسو تشخشخ هي ولات كلها دميات بيرو كذالك الأرض وكلشي تقاص بدم ما حبست حتى سمعت ياسمين كتغوت
ياسمين : واااااا صافي صافي صافي مات مات مات
جوديا رخات من داك خونا نزل جتة هامدة وراسو محلول بقات شادة داك تمتال لي ولا عامر دم في يديها كتشوف في جتة ديال مدير مزلعة براس مفرگع
خيال : اربي هادي هي جوديا لي كنعرف انا ما عندي ما نسالك ولكن كون زدتي قطعتي ليه ***"" كنت نفرح
جوديا هزات راسها مخنزرة
خيال : صافي صافي كنراهن اتي كون كنت عايشة كيفك كون قتلتيني شحال هادي
ضورات جوديا راسها شافت في ياسمين لي جالسة في أرض شادة فمها ومغمضة عينيها مبغياش تشوف داك منظر زادت عندها وشدات ليها في يديها منوظاها بيد ويد تانية شادة بيها تمتال او ان صح قول اداة الجريمة. ضورات راسها وهي شادة في ياسمين كتقلب على اي كمرات لقاتهم كاينين ولكن طافين اكيد مغاديش يبغي يشوفوه كيغتاصب سجينات الحيوان
ضارت خارجة كلها دميات وشادة في ياسمين ملقاتش دوك بنات باين بلي هربو تنهدات نازلة ورجعت من نفس طريق لي جات منها موقفاش حتى وصلو لزنزانة ديالها دفعت باب دخلت ودخلاتها. ياسمين غير وصلت طارت عند مريم معنقها وكتبكي اما هوما كانو مصدومين من حالة جوديا لي عامرة دم من وجها حتال تحت. ضارت حالة باب نص حلة بانت ليها حارسة لي كتعاونها جاية دخلتها وشدت باب
حارسة : اشنو هادشي درتي باغيا تخرجي عليا
جوديا مهضرتش مشات مباشرة لفراشها لاحتو وحيدت. حتى ديك طبلة وهزات شانطة ديالها خواتها من حوايج وقطعاتها من داخل جبدات كمشة ديال فلوس غير زرقة مزال جديدة وبميكة ديالها رماتها لديك حارسة لي تحل ليها فم وقالت : حدفي كميرات وطفيهوم غادي نخرجو من هنا
حارسة : ولكن كيف غادي ديري ليها
جوديا هزت كمشة اخرى عطاتها ليها وقالت : بقية يوصلك منين نخرج
ديك ختنا غير شافت فلوس تحل ليها فم وقالت : صافي وخا دبا غادي نمشي نطفيهوم
ضارت خارجة من تم بنات مصدومين من جوديا وياسمين غير كتبكي
ضارت هزات واحد موس صغير فين كانت دايراه لله واعلم دخلاتو في واحد زليجة حتى تقلعت وبان من تحت منها ميكة كحلة سبرديلة هزاتهم ووقفات خدات بزربة حوايج من عندها مع ديك سبرديلة ورماتهم حدى ياسمين ومريم وقالت : الى مبغيتيش يديرو ليك قنبة لبسي هادو وجمعي عليا خناينك
ياسمين بقات مصدومة واش الى بقات هنا غادي يقتلوها
جوديا : غادي تولي قضية رأي عام وفعاوط ما دوزي 30 عام غادي تمشي قبر نيشان دكشي لاش فكيني
مريم حركات ياسمين وبدات كتعاونها كتحيد ليها حوايج وتلبسها كوتر حاضيا الباب وبنات متوترين من هادشي لي جاي في طريق
جوديا ضارت حيدت تريكو لي كانت لابسة بقات غير بسوتيمات كوحل جبدات واحد سمطة كيتعلقو فيها فردا كانت فديك ميكة مع فردي كاتم صوت ساعة إلكترونية وجوج تعميرات كيف دار هدشي وصل لهنا هي بوحدها لي عارفة
ركبت ديك سمطة وركبت فيها فردي لي عمراتو ودارت ليه كاتم صوت دارت ساعة في يديها وجمعات شعرها لي شي خصلات منو كيبقاو مطلوقين بقات لابسة غير صندالة حيت سبرديلة عطاتها لياسمين الأخيرة لي لبست دوك حوايج وهي كتبكي ومريم كتواسيها
ناضت جوديا وقالت : يلاه زيدي دغيا ياسمين علات فيها راسها وهي كتبكي كانت حرفيا لابسة غير سروال كيطمة وسوتيمات فقط وذاتها كلها دم
هزات نفس صاك لي جبدات منو فلوس وعطاتو لمريم وقالت : فيه سي بركة قسموها بيناتكم
مريم حركات راسها بأه وقالت : ردي ليها بال عفاك
جوديا مجوباتش ومشات ناحية باب اما بنات عنقو ياسمين مساخينش بيها نهائيا
حلات باب غير شوية طلات منو على الكميرات لقاتهم طافين هادي هي فرصة ديالها شافت في ياسمين باش تقرب ليها غير قربت شدات ليها في يديها وحلت باب خرجت وخرجاتها من تم قبل ما يعيقو بجتة وترون دعوة كتر مشات بيها جيهت الحمام دخلو ليه كان خاوي مشات لواحد مريا مهرسة شوية فداك حمام حيدتها من مورها كاين واحد حفرة متوسطة حجم مدرقة بديك مريا حشات يديها تم جبدات واخد لعيبة ملوية في سكوتش ورجعات مريا لبلاصة ديالها. وزادت خارجة من تم وهي شادة في ياسمين
كتفدى الحراس بكل سهولة مدة لي دوزت هنا خلاتها تحفظ بلايصهم وفين كيكونو عن ظهر قلب شيئ لي كيخليها دبا تجاوزهم بكل اريحية وجهة ديالها هو مطعم حاليا وقت غدا قرب يعني فيه ناس لي كيخدمو تم هادو لي معرفاش كيفاش دير ليهوم طلات وبقات مركنة حتى بانت ليها واحد إمرأة خرجات من بيت مونة هازة دكشي لي غادي تحتاج حدها خرجات طارت جوديا داخلة لتم مانعة باب باش ميتشدش بكل خفة لدرجة ديك مرا ملاحظات والو غير مشات دارت جوديا إشارة لياسمين باش تجي عندها بلا حس ودكشي لي دارت غير دخلو لبيت مونة شدات جوديا باب وتكات عليه اما ياسمين جلست في الأرض كترعد
جوديا تحركات من حدى باب لوسط داك بيت جبدت نفس داك موس صغير وحشاتو بين جليجة صغيرة واكبر جليجة كاينة تم وهب تحلات وهزاتها من تم والمفاجئة انه كان معبر مضلام حلات جوديا ديك لعيبة لي جبدت من مور مريا وإذا بيه كشاف ضوء بيل ديال ضو شعلاتو ونزلات فديك الحفرة لي مكانتش غارقة خاصك تمشي حادر راسك حدها ناضت ياسمين باش تبعها وجوديا بغات تعاونها باش تنزل تطلق جهاز الإنذار مما يعني انهم شافو جتة جرات جوديا ياسمين نزلة وعطاتها بيل بعداتها شوية دخلت وهزات ديك جليجة تاني رداتها كيف كانت ظلام دامس حل بمكان من غير بيل لي شادة ياسمين خداتو جوديا وقالت : تبعيني وغير بشوية مديريش الحس
ياسمين : وخا
تحركو جوديا قدام وياسمين من مورها أكسجين فداك نفق شبه منعدم زد على ذالك فصل صيف والحرارة
ياسمين تخنقات وعرق كينزل منها بحال ما مسافة طويلة ضربو حتى مبقاتش ياسمين قادة تزيد مزال خطوة اخرى جلست الأرض جوديا حست بيها عيات ولكن معندهمش الوقت
جوديا : نوضي معندناش وقت لي نزيدو نضيعوه فكي
خيال : خلي مها هنا لاش محنة راسك معها
جوديا ساطت بعدم صبر شيئ لي خلا ياسمين تنوض وتكمل معاها طريق تقريبا شي 2 ديال سوايع وهوما غاديين حتى صافي ياسمين غادي تسخف ليها فجأة وقفات شيئ لي خلا ياسمين توقف ودخل فيها علات ضوء بيل فوق راسها ولقات إشارة حمرة في سقف جبدات نيت داك موس وحلات بيه من واحد فتحة صغيرة بزاف كاينة تما غير دخلات موس تحل غطى وبان شوية ديال ضو طلات جوديا براسها غير شوية كتشوف واش كاين شي حد غير مابان ليها والو حلات ديك غطى كاملة وعلات ياسمين هي لولة خرجاتها الأخيرة لي تخنقات وبقات كتكح بجهد حيت يلاه بدات كتشم اكسجين نقي شوية جوديا رجعات غطات ديك حغرة وردات عليها تراب كانو وسط غابة غير خلا وقيفار ضورات وجهها في أنحاء مكان وشدات في يد ياسمين بلا ما تهضر وجراتها غادين في الجهة المعاكسة لمنين جاو زادو شوية وخلات ياسمين تجلس ترتاح حتى فجأة سمعو صوت سيارة جاية بهاد إتجاه شنو غادي تكون كدير طونوبيل هنا في هاد بلاصة
ناضت جوديا بزربة شدت في ياسمين وتخبعو مور واحد شجرة ياسمين من مورها وجوديا طلعات فيها
كانت معكم العاشقة ❤️✨
( يتبع )
متنساونيش بشي نجيمة وتعليق 😘
أنت تقرأ
الشرير قصرا The Evil Palace
Tajemnica / Thrillerشرير ما معنى كلمة شرير هو شخص لي كيخلي دائما الكراهية والحقد تعمي ليه طريق والبصيرة شكون هو علاش وكيفاش ولا هكاك حتى حد ما كيعطي للموضوع اهمية نهائيا كيتفدى الإنسان يعطي لعقلو اسباب منطقية لداك إنسان او حتى تفسيره اليوم رجعت بقصة جديدة مخال...
