*******************************
يوما ما !؟
someday
*******************************
ناضت من نعاس من بعد ساعة ونص شافت في ساعة لي معلقة في حيط وناضت جمعات شعرها جمعة صغيرة حيت شعرها قصير شي خصلات منو بقاو مطلوقين على عنقها ووجها لبست صندالة وخرجت حيت هذا وقت العشى وصلات لقاعة كانت عامرة عيلات من مختلف الأعمار وأشكال كاينين هنا كل وحدة وشنو دارت باش وصلت هنا دخلات ممسوقة لتاشي حد هزات صينية الأكل وتمات غاديا عند مشرفين يحطو ليها ما تاكل خدات الخبز وشلاضة ودانون وديسير فقط مكتاخدش قطنية ولا حتى مرقة خدات دكشي لي كتاكل ومشات ناحية طبلة بعيدة في جنب قاعة ما قريب ليها حتى حد وجلست كتاكل بشوية عليها سلات ناضت حطات دكشي ومشات غسلت يديها ومسحتها وخرجت كتمشى في ساحة كان الجو حار حاليا هادي بداية دخول فصل الصيف والجو في هاد مدينة ميمكنش شحال سخون في هاد فترة بظبط وخا ليل بحكم حاليا وقت العشاء ساحة كانت شبه فارغة جلست على واحد درجة في الأرض وكتشوف في سمى وكتهضر غير مع راسها بحال شي حمقة كتقول شي كلمات متقطعين وتبدا تلعب مع راسها لي يشوفها ويشوف حركاتها يعرفها غير حمقة وصافي سلا وقت العشاء ولي عندها شي بلاصة راه مشات ليها إلا جوديا ديك حمقة جالسة في نفس ديك بلاصة كتلعب مع راسها ألغاز زبدك مع هادي بقات تما ما يقارب ساعة ونص وناضت من مورها دخلت لبلاصة ديالها كانو بنات باقين قصارين كيتهاودو على حياتهم كل وحدة وحياتها شنو دارت فيها حتى وصلت هنا
دخلت شافوها سكتو شوية اما هي شافت فيهوم وضارت مكملة طريقها حتى هضرت كوتر: جوديا
كلشي ضار كيشوف فيها شنو باغيا دير اما جوديا وقفت وضارت كتشوف فيها
كوتر : اجي اختي جلسي معنا شوية متبقايش جالسة بوحدك تما
جوديا شافت فيها ضارت باش تكمل طريقها ولات وقفت ورجعات عندهم جلست معاهوم في الأرض وخلاتهوم مصدومين أول مرة في تاريخ تجلس معاهوم في بلاصة وحدة مشات ليهوم الهضرة معرفوش شنو خاصهم يقولو
جوديا : جاتكم ساكتة
كوتر : احم لا زعما مرحبا بيك معنا اختي
نهيلة مالت عند سمية وقالت : ولهيلا كتعرف تهضر كان يسحاب ليا زيزونة
ضرباتها سمية بيديها باش تسكت اما مريم بقات غير كتشوف فيها وقالت : نتي شحال فعمرك اجوديا
جوديا : 25
مريم : تبارك لله باقي حتى نتي صغيرة
انا عندي 35
نهيلة : انا 33 سمية :انا 39
كوتر : وانا 34
جوديا حركت ليهم راسها بمعنى مشرفين ورجعات سكتت وشافت في ياسمين الأخيرة لي توترات وقالت : انا انا عندي 21
كوتر ضحكت على طريقة هضرتها وقالت : ياسمين هي اصغر وحدة بيناتنا هنا ومن مورها نتي اجوديا
جوديا نزلات راسها وسكتت بقاو كيتهاودو عادي غير ياسمين وجوديا لي ساكتين غير داز شوية ديال وقت ناضت جوديا وقالت : شكرا ليكم تصبحو على خير
الجميع: بسلامة تصبحي على خير
مشات جيهت فراشها تكات فيه وضورات وجهها مستسلمة لنعاس لي جها أتناء إقتراب دورة شهرية ديالها كيبقى يجيها نعاس بزاف
أنت تقرأ
الشرير قصرا The Evil Palace
Misterio / Suspensoشرير ما معنى كلمة شرير هو شخص لي كيخلي دائما الكراهية والحقد تعمي ليه طريق والبصيرة شكون هو علاش وكيفاش ولا هكاك حتى حد ما كيعطي للموضوع اهمية نهائيا كيتفدى الإنسان يعطي لعقلو اسباب منطقية لداك إنسان او حتى تفسيره اليوم رجعت بقصة جديدة مخال...
