💓💎إبن السنة💎💓

البارت 36

💎🎀إبن السنة🎀💎

📌لقد طال الغياب بيننا فهل من لقاء يجمعنا📌

بقلمي:  latifa el 🖋️

البارت:36

حلات عنيها حاسة بقلبها مروع كتحس بريحة خايبة حلات عنيها شافتو ناعس حداها كان معنقها وحاطة راسها فعنقو شمشمات ريحتو حتى ناضت طافجة سادة نيفها
اسيا:  اععع اش هاد الريحة
شدات على فمها ناضت كتجري جيهت الحمام كتتقية ناض مصطفى مخلوع بانت ليه كتجري جيهت الحمام مفهم والو تبعها اشوف مالها لقاها كاقية خلاها حتى سلات  شافت فيه
اسيا سادة على نفها:  اش هاد الريحة فيك
مصطفى عقد غوباشتو:  اشمن ريحة فيا
اسيا:  بعد بعد. خليني ندوز
بعد. ليها من طريق دازت:  سير دوش راه ريحتك عاطية
مصطفى كيشم فراسو:   مالكي على حالتك 
اسيا كتمزق داك لفراش:  اووف هادشي خاصو اتصبن درتي فيه الريحة
مصطفى هز براسو يمين وشمال دارت ليه الشك فراسو دخل نشان  لدوش  كيدوش دوش عليه وخرج لاوي على نصو فوطة دور عنيه ملقهاش فالبيت دخل لدرسينك لقاها كتبدل
اسيا شافتو عريان قدامها من غير ديك الفوطة لي مدور على نصو تحتاني قلبات عنيها:  ها العار سير لبس حوايج كتجيب ليا الرضان
مصطفى:  اسيا واش مريضة
اسيا خنزرات فيه:  لي اقول الحق صافي مرض سير سير لبس انا غادي. نخرج ومتديرش من ديك الريحة لي كدير راه كتروع ليا خاطري
هبطات لتحت للكوزينة كتقلب شنو دير لفطور حلات التلاجة هزات الزيتون حطاتو فوق الطابلة  حطات الماء كيطيب تعمر اتاي وكلسات كتنقب فداك الزيتون كتاكل وتبنن فيه
حتى كيبان ليها داخل جر كرسي وكلس
غير شافتو كلس ناضت كتعمر فاتاي ودور تنقب من داك الزيتون
اسيا حطات ليه الكاس حداه:  صدق الزيتون فيه ريحة حسن منك
مصطفى شاف فيها مصدوم:  كتهدري معايا
اسيا خنزرات:  ومالك  كتشوفني كنشير بلحجر ولا كنقطع فحوايجي
مصطفى عرفها هاد. صباح ماشي هي هاديك فقرر اسكت 
اسيا:  وبقا ساكت  وكتشوف فيا
مصطفى:  كيفما درنا معاك وحلنا
اسيا حطات الخبز وكلسات:  دبا وليت وحلة ياك ايه سري نيت
مصطفى شاف فيها كيرمش بعينه مصدوم
اسيا دمعو عنيها ناضت:  فطر نت انا  غادي  نمشي ننعس
مصطفى ناض بالزربة شدها من  يديها حدا باب الكوزينة
اسيا:  طلق مني متقصنيش
مصطفى:  ومالكي صباح هادة ااسيا ياله تفطري
اسيا:  بعد مني بغيت ننعس
مصطفى:  عاد. فقتي من نعاس
اسيا شمات فيه نفس الريحة لي كتروعها:  ومالك داير هاد. الريحة دبا كديرها ليا بالعاني
مصطفى:  اشمن ريحة فيا
قبل ميكملها حطات يديها على فمها ومشات كتجري جيهت الحمام  كترض
تنهد عرف هادشي غير لوحم
مصطفى تنهد:  واش ملقيتي غير توحمي عليا انا خليتي الدنيا كاملة وعفتني انا الله اخرج هادشي على خير
خرج مشا عندها شافها خارجة طالعة فدروج قرر  اخليها على راحتها طلع لفوق لبس عليه حوايجو وخرج مشا لخدمتو

دازو ايام على هاد الحالة شهر بالضبط  متغير فيه والو اسيا لي ولات شادة بيتها بوحدها مكتملش ريحت مصطفى  اما احسان فعالقتها مع يعقوب عادية بحال قبل موقع حتى شي تطور فعلاقتهم