حرك راسو ببرودة اطلع ديريكت لبيتو حتا كيلقا اٱلڤا عامرة بدم حدا الباب لي كان مهروس من طرف دانيال ،قرب ليها بسرعة كيقلب من مصدر الدم لتكون فيها شي دقة هزها ادخل بيها لبيت لي لمح ديك ضاية ديال الدم كبيرة عقد حجبانو قرب الڤا قدامو فتح ليها فمها لي ضهرو انيابها ملطخة بدم بتاسم بهدوء ادخلها لدوش عمر جاكوزي بالماء الدافئ والصابون احطها فيه ابدا كيفرك ليها فروتها اكيهدر معاها
نوح : ٱلڤا ياٱلڤا كون مقرباتش ليك مغاديش تٱديها (غيٓر ليها الماء ابدا كيشلل ليها ) هاك نبغيك خديتي حقك منها بسهولة ..
نشفها بفوطة مخصصة ليها اهز واحد الجهاز فحال الشيتة تاع السنان ابدا كيمضي ليها انيابها اكينقيها ف نفس الوقت ، لي وقف حطها فوق كتفو هابط بيها لكوزينة لي غير شافوها البنات تشتتو كل وحدة فين دخلات حطها اتاجه لتلاجة صغيرة مرسومة فيها الڤا المخصصة ليها هز عينيه لقا سكينة الارا لاسقين في الجنب
نوح :(كيحط اللحم في الاناء لٱلڤا لي بدات كتاكل في هدوء) متخافو منها والو راها مكتٱديش الا مشافتش منك الخطر ، (اخرج)
البنات لي فهمو انه الغلط ديال حورية غير لي كانت هازة الفاز مما خلا الڤا تفكر انها معرضة للخطر ادارت ديك ردة فعل
سكينة : (بحقد ) لله الگيها ليك نتا اكلبتك قالك مكتٱديش
لارا :(خرجات عينيها ) سدي فمك ازيدي عاونيني نحطو هاد الغدا بغيت نمشي نرتاح
في بلاصة أخرة ــــــــــــــــــــــــــــــــــــــــــــ
جالسة فوق السداري كتوجع لابسة سورفيت بلون كحل عريضة امطلعة شعرها لفوق بقراسة لگسة لهابطة على عينيها سمعات شي حد كيدق في لباب قالت ايمكن خوها نسا شي حاجة وقفات بشويا شادة تحت بطنها اهبطات لتحت تاجهات لباب افتحاتو انطقات
دينا :(عينيها حمرين) نسيتي شي حاجة اخويا آدم ؟
عقدات حجبانها ملي شافتو واقف عليها فحال قباض الارواح رجعت بلور دغيا بتسد عليه الباب حتا كيدفعها بسهولة اسد الباب
دينا :(بتعب ) اششش باغي عندي اخويا مكاينش سير واش مكتحشمش داخل عليا لدارنا
سيف الدين:(قرس ليها شفايفها انطق بحدة ) أخر مرة ترفعي عليا صوتك راه حنيت فيك غير حتاش مريضة .. جيت لك شي قص صيفتاطو ليك عائشة مع ليليان
دينا : (عقدات حجبانها) افين هيا ليليان
سيف (كيحيد جاكيت ) خارجة مع خطيبها نتي لي سولك قولي ليه راه وصلات لك الماكلة...
دينا: (بتعب) صافي شكرا غير حطها اخرج فحالك
سيف: (ببرودة ) لا مخارجش حتا تاكلي ...
تقدم لكوزينة مخليها مخرجة عينيها من هاد المنفصل الشخصيه شد طبسيل حط فيه الشلاضة احطو في البلا اعمر كاس في العاصير لي طبسيل أخرة في المرقة الدجاج احداه خبز اكاس دلماء قرب ليها حط البلاطو فوق الطابلة اجلس مقابل معاها انطق بصوت هادئ
سيف : (عينيه كيطلعو انزلو فيها حاطة راسها على طابلة كتبان سخفانة ) كولي ادينا راك وليتي صفرة
أنت تقرأ
قلــب يعشـق فـي صــمت (18+)
Romantik🔞✨ في قلبي سرٌّ لا يعرفه سواك أحبك بصمت، وأنت لا تدري أراك في كل لحظة، في كل مكان لكن شوقي لك، كالأمواج في البحر أكتب لك رسائل، لكن لا أرسلها أحلم بك ليلاً، وأستيقظ على الألم أنت النور في حياتي، وأنا الظل أعبر عن حبي، لكنك لا تسمع الن...
