The Windchime Author's Notes

5 පරිච්ඡේදය

එක කොටසක තියන්වා තුර්ශ සුනාමි ආදාර වලට දීපු ඇඳුම් බෑග් එකේ අම්මගේ සල්ලි ලක්ශයක් තිබිලා ඒ ලක්ශේ අම්මා අඬනකොට හම්බුනා කියලා බොරු කියලා චූටි මාමා ආයේ අම්මට සල්ලි දුන්නා කියලා. ඒ සිද්දිය සම්පුර්ණයෙන් 💯 ඇත්ත!

මෙතන ඉඳන් සියල්ල 💯 සත්‍යයි! තාන්‍යව අහක් කරගන්න ඉතිං. එයා ඔතන ඇත්තටම හිටියේ නෑ 😭 ඒත් කතා බහ වෙන සියලු සිද්දි ඇත්ත.

අලුත් අවුරුද්දට කැවිලි හැදීමේ මංගල්ලයට තමයි අද කට්ටිය එකතු වෙලා තියෙන්නේ ආච්චි අම්මලා ගෙදර. ටෙක්නිකලි දැන් ඒක චූටි මාමාගෙයි නාදි නැන්දගෙයි ගෙදර. සිරිතක් විදිහට අලුත් අවුරුද්දට කලින් මයුරවංශ මහ ගෙදරදී හැමෝම අලුත් අවුරුද්දට අවශ්‍ය කෑම බීම හදන්න එකතු වෙනවා. එක එක ජාතියේ කැවුම්, කොකිස්, අතිරස, අලුවා, හැලප, වැලි තලප වගේ රසකැවිලි විතරක් නෙමේ සිංහල අච්චාරු, මාලු ඇඹුල් තියල්, කට්ට සම්බල්, ඇඹරැල්ලා චට්නි, අඹ චට්නි එහෙමත් එදාට හදලා පහට බෙදලා බෝතල් වල හට්ටි වල දාලා තම තමන්ගේ ගෙවල් වල අරං යනවා චාරිත්‍ර වෙලාවට මේසෙට තියන්න. සීයා ඉන්න කාලෙනම් ජාඩිත් දැම්මා. ගෙවල් වල චාරිත්‍ර ඉවර වෙලා ආයේ හැමෝම ආයේ ඉතුරු වෙච්ච කෑම අරගෙන මහගෙදරට එකතු වෙනවා. ඊටපස්සේ තමයි අවුරුදු උත්සවය තියන්නේ. ඒක තමයි මයුරවංශ අවුරුදු රූටින් එක.

අද කැවිලි සෑදීමේ මංගල්ලයට තාන්‍ය අයියත් එකතු වෙලා. මට මාර සතුටුයි එයාගේ මූන සතුටින් පිරිලා ඉතිරිලා තියනවා දකිද්දි. මොකද අද දවස ෆුල් හැපනින්. ප්‍රතම රාජකාරිය තමයි කැවිලි හොරකම් කිරීම. ඉතා සූක්ශම ලෙස කල යුතු කටයුත්තක් මේ. නැත්තම් තෙල් හැඳි, කොකිස් අච්චු වලින් මුව විතරක් නෙමේ පුප සරසගන්නත් පුලුවන්.

ඕවට ඍජු ලෙස අතපෙවීම මමයි මංජුයි දැන් අත ඇරලා ඉන්නේ. අදිසි හස්ත ක්‍රියාම්ත්ම කිරීමේ පහසුකම තියෙද්දි බොරුවට පුප සරසගන්න අවශ්‍ය නෑ නේ. ඉතින් ඔය පොඩි දොඩං ගෙඩි දෙකෙන් උපරිම ප්‍රයෝජනය ගන්නේ අපි දෙන්නා තමයි.