🌘គូរស្នេហ៍អាល់ហ្វា🌗 [ ver Taekook]

គូរស្នេហ៍អាល់ហ្វា🌙ភាគ5

"ម៉ាក់! ម៉ាក់! ម៉ាក់!" សំឡេង​ស្រែកខ្លាំងៗ​របស់ជីនបាន​ស្រែក​ឡើងខ្ទរពេញបរិវេណផ្ទះកំឡុងពេលដែរគេកំពុងរត់ត្រឡប់ទៅផ្ទះវិញទាំងនៅក្នុងចិត្តរំភើបផងភ័យផងលាយឡំចូលគ្នាជាមួយទឹកភ្នែកស្រក់មកដោយសេចក្តីរំភើប។
​
យូមីនិងលោកហ្គុងយ៉ូបានប្រញាប់ប្រញាល់ចេញបន្ទប់ជាមួយនិងណាមជូមក៏ស្ទុះចេញមកព្រមគ្នាដែរ ទឹកមុខភ័យស្លន់ស្លោរបស់ប៉ាម៉ាក់គេបញ្ហានៅលើមុខយ៉ាងច្បាស់នៅពេលដែរឮសំឡេងស្រែកយ៉ាងខ្លាំងរបស់ជីនបែបនេះ

" ជីននី! មានរឿងអ្វី?" យូមីសួរកូនទាំងអារម្មណ៍នៅភិតភ័យនៅឡើយមួយរយះនេះនាងហត់នឿយណាស់មិនសូវបានគេងនៅប៉ុន្មានទេកំឡុងពេលដែរថេយ៉ុងបាត់ខ្លួននេះ។

"ខាងក្រៅ! ម៉ាក់! នៅខាងក្រៅ!" ជីននិយាយទាំងត្រហេបត្រហបចាប់អូសដៃម៉ាក់របស់គេឲ្យទៅខាងក្រៅដើម្បីដើម្បីមើលអ្វីដែរគេបានឃើញ ទោះជាមិនសូវយល់អ្វីដែរជីនប្រាប់ក៏អ្នកស្រីយូមីទៅតាមការអូសទាញរបស់កូនដែរហើយលោកហ្គុងយ៉ូជាមួយនិងណាមជូនក៏រត់តាមពីក្រោយដូចគ្នា

"ម៉ាក់មើលទៅ!" ជីនចង្អុល​បង្ហាញអ្វីដែរគេបានឃើញទៅកាន់ម៉ាក់ប៉ាជាមួយនិងភាពភ្ញាក់ផ្អើលដែរធ្វើឲ្យអ្នកស្រីយូមីអត់តក់ស្លុតមិនបាន

"ឱព្រះជាម្ចាស់អើយ!" អ្នកស្រីយូមីលើកដៃខ្ទប់មាត់ខ្លួនឯងទាំងសភាពរញីរញ័ ទឹកភ្នែកចាប់ផ្តើមស្រក់ចុះមកពីក្រឡង់គ្នាដោយហាមមិនបានមុនពេលស្ទុះចូលទៅត្រកងក្មេងតូចដែរពួកគេខំប្រឹងស្វែងរកប៉ុន្មានថ្ងៃមកនេះកំពុងគេងនៅក្រោមដើមឈើធំមួយដែរមានទីតាំងមិនឆ្ងាយពីផ្ទះប៉ុន្មានទេ សភាពរបស់ថេយ៉ុងមើលទៅក៏មិនអាក្រក់អ្វីដែររូបរាងកាយទាំងមូលនៅល្អស្អាតទាំងអស់។

"ថេ..ថេយ៍?" ណាមជូនដើរទៅមុខយឺតៗឈានជំហាន​ទាំងក្នុងចិត្តនៅស្ទាក់​ស្ទើរ​បន្តិច ខណៈ​ដែល​គេ​នៅ​តែ​មិន​អាចនឹងជឿភ្នែករបស់គេផ្ទាល់ថាថេយ៉ុងអាចមកនៅទីនេះ ប្អូនប្រុសពៅដែលពួកគេបានស្វែងរកពាសពេញព្រៃជិតមួយសប្តាហ៍ហើយទីបំផុតគេត្រលប់មកវិញស្ងាត់ៗបែបនេះវាហាក់ភ្ញាក់ផ្អើលពេកហើយ មើលទៅថេយ៉ុងនៅប្រក្រតីធម្មតាទាំងអស់មិនមានអ្វីគួរឲ្យកក់សំគាល់នោះទេ។