بقلـم الكاتبـة: k. e
اثناء مروركم اتركو اثر يساعدني لشحن طاقتي ونسيان التعب تعليق لطيف يسعدني ويصنع سعادة ليومي
»----------------«
Part 30.
»----------------«
غيم»
دخلت للشركه وچان انصدم بمنظر
مرعب كلش...
تابوت بنص الشركه!!!
وضجه الموظفين
بين صياح شلون وصل لهيج مكان؟ وضجه الحراس ييعدون شكو شخص يحاول يتقرب
الكل بحاله صدمه لأن اول مره هيج يصير لأن الشركه صعب تدخلها اذا ما چنت موظف شلون هيج تابوت موجود وبنص الشركه!
وعلى التابوت ورقه مكتوب عليها:
*هديه للرئيس بكل حب قُدمت*
وبنص الهوسه والاستغراب چان يدخل علي
استغربت وجهه المخطوف وجاي يركض ركض بدون وعي
وبملابس البيت!!
توترت حسيت اكو مصيبه راح تنزل لأن علي بنص مرضه ما يتخله عن كشخته مو هسه طالع وبملابس البيت!
تقدم للتابوت ودار وجهه على الموظفين لاحظني وصفن بعيوني بنظرات ماكدر افسرهن بس حسيت اكو كسره
بعيونه كأن تترجه يا رب مو مثل ما افكر
دار وجهه للتابوب وبقه صافن
بوقتها صارت عندي لحظه ادراك وخوف من
كلامه البارحه وشلون مهددينه
توترت وخفت كلش والرعبني نظره علي
تقدم علي وجسمه كله يرجف من رجفته يا دوب
يتحرك خطوتين وترني اكثر يتقدم خطوه يرجع خطوه ثانيه لوره
تقدم يفتح التابوت بعد محاولات
صرخ بوجهه احد الحراس واستوقفه
الحارس» لا تفتح مكتوب مسموح بس الرئيس يكدر يفتحه
غلس عليه علي ودفع ايده بقوه
ثنه رجليه وكعد بالكاع وايده ترجف مدها
وراد يفتحه ورجع باوعلي نظره ثانيه
هنا انهاريت والنفس صعب عليه نظرته تختلف هاي مو نظره علي البارده هاي نظره مكسور
فتح التابوب وهنا رصاصه صارت بگلبي
حمزه مجفن وبس وجهه طالع والچفن بس دم!
صرختي اختلطت وي صرخه الموظفين
وعلي الباقي صافن وباهت ونفس وضعه والنفس احسه بالكوه يسحبه
هنا اني انهاريت هذا اخوي المعزته اعز من روحي بتابوت ميت! بقيت اضرب على وجهي واصرخ وانحب والبنات يحاولن يلزمني ماكو فقدت عقلي مو عندي
صعبه هيج فجئه تخسر شخص عزيز عليك
بنص الهوسه دخلت مديره الشركه الي هيه جدت علي وياها كومه حرس بدو يطلعون الموظفين بره بكل قسوه
اني اجو يطلعوني بس شافو حالي ما تقربو
ادك والطم وعيني على التابوب
بهاي الاثناء طردو كل الموظفين وطلعوهم وقفلو الشركه والبقيه المتواجدين بالطوابق الثانيه
ما سمحولهم ينزلون حبسوهم
أنت تقرأ
ابَـادة 12 شمعة
Ficción General»--------------؟!! -----------« -اتَرمز الى شَخص واحد ام شخصيات متعدده؟ -ما هي؟ -القاب ام اسماء ام موت ام اباده لا اعلم....! _____________________؟ » في ثنايا وظلام هذا الليل يبدء نشاطه برحلته اليليه ليمارس عمله المخيف الذي يتمثل بالأبَـــاده »...
