ဘစ်ဘောစ့်တွေရဲ့ ပြုစုပျိုးထောင်ခြင်းကိုခံရသော သမီးငယ်လေး

အခန်း ၂၆ မှ ၃၀

အပိုင်း(၀၂၆)

ဇွန်ဘီနှစ်ကောင်သည် ​အော်ဟစ်ခြင်းမှ မောပန်းလာခဲ့သည်။ အပေါ်ထပ်ရှိတစ်​ကောင်က အရင်ရပ်သွားပြီး အောက်ထပ်ရှိအ​ကောင်ကလည်း ငြိမ်သွားခဲ့သည်။

ဟုတ်ပါသည် အပေါ်ထပ်ရှိအ​ကောင်က ထွက်လာမည် မဟုတ်​သောကြောင့် သူ စိတ်ပူစရာ မလို​ပေ။

ကျူယွမ်သည် ဇဝေဇဝါဖြင့် တွေးလိုက်သည်။

ငါ ဗိုက်ဆာတယ်။

၎င်းမှာ သူ၏အရိုးထဲစိမ့်ဝင်သွား​စေသည့် အမျိုးအစားဖြစ်ပြီး ထိုကြောက်စရာကောင်းသည့် ဆာလောင်မှုကို ဖြည့်တင်းရန် သူ၏ပါးစပ်ထဲကို တစ်ခုခုထည့်ချင်နေခဲ့သည်။

ဇွန်ဘီများသည် သံပုံးဖြင့် လမ်းတစ်လျှောက် လှည့်လည်သွား​နေခဲ့သည်။ သူအဘယ့်​ကြောင့် ထိုနေရာကို လျှောက်သွားနေမှန်းတောင် နားမလည်ခဲ့​ပေ။ သူ့ထက်အဆင့်မြင့်သည့် ဇွန်ဘီကြောင့်​လော။

သူသာ ထိုအ​ကောင်ကိုစားလိုက်လျှင် ဗိုက်မဆာ​တော့ဘူးလား။

သို့သော် ပြိုင်ဘက်သည် သူ့ထက် အဆင့်တစ်ဆင့်မြင့်​နေဆဲဖြစ်သည်။ ၎င်းကို မှန်းဆကြည့်လိုက်လျှင် သူ စားနိုင်မည်မဟုတ်ပေ။

သူ အရင်ဆုံး စောင့်​နေသင့်သည်။

ထိုအ​ကောင်သည် သူ့ထက်အဆင့်မြင့်ပြီး ခြိမ်း​ခြောက်မှုမှာ အားကောင်းသော်လည်း ယခုတွင် သူသည် အလွန်အားနည်းနေပြီဟု ယောင်ဝါးဝါး ခံစားမိ​ပေသည်။

သူ အားနည်းလာ​တော့မှ အ​ပြေးသွားစားလျှင်လည်း သူဗိုက်ဆာလာ​တော့မည်မဟုတ်​ပေ။

ထိုမတိုင်ခင် အခြားစားစရာများကို ရှာရမည်။

မှိန်းနေသောဇွန်ဘီသည် သတင်းစာတစ်စောင်ကို တက်နင်းမိသွားပြီး လှုပ်ခတ်သွားသည့်အသံက သူ့ကို ရပ်တန့်သွားစေခဲ့သည်။ ထို့​နောက် သူသည် အောက်သို့ငုံ့ကြည့်လိုက်သည်။ ခဏအကြာတွင် သူသယ်လာသည့် သံပုံးကို ချလိုက်ပြီး သတင်းစာကို ခက်ခက်ခဲခဲကောက်ယူရန် ငုံ့ကိုင်းလိုက်သည်။

အဆင့်မြင့်ဇွန်ဘီများပင်လျှင် ၎င်းတို့တိုက်ခိုက်ခြင်းမ​နေလျှင် သာမန်ဇွန်ဘီများနှင့် အတူတူပင် ဖြစ်သည်။ ၎င်းတို့၏ ခန္ဓာကိုယ်များသည် အလွန်တောင့်တင်းပြီး ၎င်းတို့၏လုပ်ဆောင်ချက်များက နှေးကွေး​ပေသည်။