හුළු අත්ත | Complete ✔

7 ☕

මාස දෙකකට පසු

කොළ පාට වටපිටාවේ දුම වාගේ පැතිරෙන මීදුම!
හිත නිවන ලස්සන හැඟීමක්..!

කඳු මුදුනේ ලොකු ගහක එල්ලෙන ඔංචිල්ලාවක වාඩි වෙලා,
සීතලේම තොල ගාන උණුම උණු කිරි කෝපි කෝප්පේ,
දැන් මගේ ජීවිතේ නැතුවම බැරි දෙයක් වෙලා..

කඳු මුදුනේ සීතලේම ඉර පායන දිහා බලන් ඉන්න එක තමා මම ආසම දේ..
අවුරුදු විසි පහකට පස්සේ ලස්සන කොල පාට හරිත ලෝකෙක හැන්ගුන මගේම පුංචි ගෙයක හිතේ සතුටින් මම හුස්ම ගන්නවා..

මගේම පුංචි ගෙයක?

ඔව්! සහන්ගේ ගේ ලගම ඒ කන්ද මුදුනේ දැන් මටම කියලා පුංචි ගෙයක් තියෙනවා.. පුංචි කාමර කෑල්ලක් එක්ක පුංචි සාල කෑල්ලක්.. ඒ හොදටෝම ඇති මට මගේ කියන්න..

සහන් එක්ක සහන්ගේ ගෝලයා විදිහට කදු මුදුනේ මම මාස දෙකක් වැඩ කරා.. මගේ පැල් කොටේ හැඳුවෙත් අපි දෙන්නම එකතු වෙලා..
සහනුත් දැන් ඒකාගේ අප්පච්චි එක්ක කන්ද පහල ගෙදර ඉන්නේ නෑ.. 
මාව කන්දේ තනිකරන්න බෑ කියලා ඒකා දැන් ඒකගේ ගෙදරමයි..

චූටි කුකූත් දැන් දඟ මල්ලක්! 
සහනා මට හදලා දුන්න ඔංචිල්ලාවේ මම කෝපි බිබී ඉර පායනවා බලද්දි චූටි කුකූ කරන්නේ තනකොල ගොඩ අස්සේ පෙරලි පෙරලි දඟල දඟල ඉන්න එක.. ඔංචිල්ලාවක් කිව්වට ඒක දෙන්නෙක්ට ඉදගන්න පුලුවන් එකක්..

" අදීර.. "

" ආහ් නැගිට්ටද? "

" ම්ම්.. උබ ඇයි මෙතන? සීතල නැද්ද උබට? "

" නෑ.. කෝපි එක තියෙනවානේ.. එන්න වාඩි වෙන්න.. ඉර පායන්න ලඟයි.. "

සහනුත් දැන් නැගිටලා තියෙන්නේ..
ඒකා දන්නවා උදේම මම එන්නේ මෙතනට කියලා..

" කෝපි එකක් හදලා දෙන්නද? "

" අමුතුවෙන් හදන්න එපා බන්.. ඕකෙන් උගුරක් දියන්.. "

මම හිතුවා!
මේ තඩියා හැමදාම ඕකමයි කරන්නේ.. මම ඒකට හදන්න ඇහුවම එපා උගුරක් දියන් කියලා කිරි කෝප්පෙම බීලා මඩිය ඉතුරු කරනවා.. 

" උබට කිරි කෝපි හරි හදන්න පුලුවන් වුන නිසා හොදයි.. "

" මම ආස දේනේ.. දැනගන්න එපැයිනේ හදන්න.. "