හුළු අත්ත | Complete ✔

14 ☕

" අදීර!! නැවතියන්කෝ අදීර..!!! "

මම දිව්වා.. පිස්සෙක් වාගේ අඩ අඩම ආයෙම කොලඹ යන්න හිතාන කන්දේ පහලට දුවන් ගියා වෙද්දි, චූටි කුකූට ඒ මන් බව ඉව වැටිලා ඒකා සෙල්ලමට හිතාන මයේ පිටි පස්සෙන් පන්නන් ආවා..

සහනුත් දරුවා අදීශා අතින් තියලාද කොහෙද මට නවතින්න කිය කියා පස්සෙන් දුවන් එද්දි, මට ඕනි වුනේම පුළුවන් ඉක්මනට හැමෝගෙන්ම හැන්ගිලා ඈතකට යන්න..

මට ඕනි වුනේ නෑ අසරණකමට පිටවුනු කඳුළු ඒකට පෙන්නන්න.. මට ඕනි නෑ මගේ අසරණකම ඒකගේ සතුට නැති කරනවා දකින්න..

මොකද මට ඕනි වුනේ හය මාසෙකින් නමක් නති බැඳීමක් හොයන් ආව මන්,
ඒකගේ බැඳීම් වලට කරදරයක් වෙනවා දකින්න..

" අදීර නැවතියන්කෝ රත්තරනේ.. කියන එක අහලා එක පාරකට නැවතියන්කෝ.. "

කඳු මුඳුනේ වත්ත මායිම පහු වෙනවත් එක්කම සහන් තව තව හයියෙන් මා ලඟට කිට්ටු වෙද්දි, පිස්සෙක් වගේ දුවන් ගියපු මාව ගලක පැටලිලා පත බෑවුනේ හිතේ වේදනාවට තවත් වේදනාවක් එක් වෙද්දි..

එකාතකින් අතපය තුවලා වෙලා දැනෙන වේදනාව හොඳයි, මේ වෙලාවේ මයේ පපුවට දැනෙන වේදනාවට වඩා..

" දෙවියනේ අදීර!! උබට තුවාලද? අදීර? "

" අහකට පලයන් සහන්!!! "

සහන් මා ලඟට ඇවිත් මගේ අත පය හරවා හරවා බැලුවේ මම තුවාලද කියලා.. මම අතපය ගසලා අහකට පලයන් කියද්දි සහන්ගේ ඇස් ගැස්සිලා ගිහින් හරි ඉක්මනට කඳුලින් බර වුනා..

ඒකාට දුක හිතුනා.. මම මෙහෙම කේන්තියෙන් කෑගැහුවමයි ඔය..

" උබට හැබෑවටම මාව විශ්වාස නෑ නේද මැණික? උබ එක තප්පරෙන් මේ මාව අවිශ්වාස කරා නේද? "

සහන් හරිම වේදනාබර හිනාවක් මූනට අරන් මගෙන් අහද්දි,
සත්තයි මගේ පපුවට පිහියෙන් ඇන්නා වගේ මට දැනුනේ..

මම එයාව අවිශ්වාස කරාද? ඒ ප්‍රශ්නෙට උත්තරේ ඔව් කියන්න පුළුවන්ද ඇත්තටම..?
එතන අවිශ්වාසෙට වඩා තිබ්බේ දුකක් නෙවෙයිද?

" උබ එනකන් නිදි වරපු, උබ එනකන් දින ගැනපු මාව උබ මොහොතින් අවිශ්වාස කරාද අදීර? කියපන්කෝ උබ දැන් හැදුවේ මාව අතෑරලා යන්නද? "