مَلكه قلب الطوفان🎶(شقيه إقتحمت أسوار قلبي ج2)🎶 بقلم: ولاء علي 🎶

Part 8🔥

جمعة مباركة طيبة عليكم جميعًا 🦋
اللهم صل على محمد وآل محمد كما صليت على إبراهيم وعلى آل إبراهيم، وبارك على محمد وآل محمد كما باركت على إبراهيم وعلى آل إبراهيم
في العالمين إنك حميد مجيد 💝💝

🔸🔸🔸🔸🔸🔸🔸🔸🔸🔸🔸🔸🔸

##الفص_الثامن
#مَلكة_قلب_الطوفان
#ولاء_علي

بعد مرور أسبوعين على الأحداث

في منزل عائلة ليليان
كان يستعد والداي ليليان للسفر لبلدة والد جميلة؛ لاستقبال شقيقة جميلة الصغرى، وحضور زفاف قريبتها.

ـ أنا خلصت توضيب الشنط يا أحمد، رن على حسن كده شوفه خلصوا هما كمان علشان نسافر.
تمتمت جميلة بتلك الكلمات.

ـ كلمته يا جميلة, وقالي نازلين أهو، أنتي مالقتيش فونك بردو؟

ـ للأسف لا، هتجنن مش عارفة راح فين ده، أكيد وقع مني وأنا في السوق إمبارح.

ـ فداكي يا حبيبتي، هشتريلك واحد بخط جديد واحنا في الطريق، يلة ننزل بقى وحازم هيجي ينزل الشنط.

ـ هو بردو مش هيجي معانا هو ومعتز وباقي الشباب! يعني ينفع كده، زهرة جاية من السفر بكرة ومحدش هيستقبلها منهم!

ـ يا جميلة، معتز عنده مأمورية وأول ما يخلصها على خير هيسافر يسلم على أخته، وحازم وباقي الشباب عندهم شغلهم بردو، هيخلصوه ويسافروا سوا، بلاش تعقدي الدنيا عليهم، هما عارفين اللي عليهم كويس.

فتنهدت وهي تكمل
ـ طب وليليان؟ مش هتسافر لخالتها ولا هتحضر الفرح كمان، أنت عارف بقالها قد إيه ما سافرتش تشوف جدها.

فتمتم أحمد بنبرة غاضبة، نادرًا ما تظهر:
ـ تاني يا جميلة نفس الموال ده! كفاية ضغط على البنت بقى, أنتِ أكتر واحدة عارفة إن عمي من وقت رفض لي لي الجواز من ابن أخوه وهو غضبان عليها وقطع علاقته معاها، ولي لي حاولت كتير تراضيه وهو اللي رفض أي تعامل وكلام معاها، أنا مش ناسي كلامه البشع عن بنتنا وقتها ووقت ما فسخت خطوبتها من أمجد، حتى وقت ارتباطها من سليم رفض يحضر، فاكرة اللي قاله لما كلمته عن سليم؟ قال <<بنتك مدلعة عمالة تتخطب لده وتسيب ده، وأكيد مش هتكمل بردو الجوازة دي >> عايزة بعد كل ده هخليها تروح هناك علشان يهينها، ده غير أنه ممكن يقول حاجة تأثر على ذاكرتها بالسلب، ويحصلها انتكاسة لا قدر الله، انسي يا جميلة أنا لا يمكن اضغط على بنتي في حاجة تاني، كفاية اللي حصلها ومرت بيه لحد دلوقتي، أنا هستنيكي تحت.
أنهى حديثه وذهب للخارج، وجميلة تنظر لطيفه بقلة حيلة، فكل حديثه صحيح، ولكنها تعلم أن أبيها يحب حفيدته كثيرًا، وأيضًا لن يصمت على عدم وجود لي لي معهم، فتنهدت بثقل وتحركت خلف زوجها وفي عقلها الكثير تفكر فيه.

في الأسفل كانت تقف دينا تتحدث على الهاتف وعلى وجهها ابتسامة رقيقة، فأقترب منها صلاح وعيونه تكاد تخرج من محاجرها، فكان لا يصدق أن تلك الفتاة التي ترتدي فستانًا من لون البنفسج يصل لكاحلها وتنسدل خصلاتها بإنسيابية حولها، هي نفسها دينا التي  دومًا ترتدي الچينز والتشترات الشبابية، فشعر بالضيق من مظهرها هكذا، وأكالته الغيرة من تخيله لكم شاب سيرا مظهرها الجذاب هذا، فتمتم بغضب عندما وصل لها:
ـ إيه القرف اللي أنتِ عملاه في نفسك ده يا هانم؟! إنجري على فوق غيري المسخرة دي، يا نهار كمان حاطة مكياج، دانتي نهارك مش فايت، أنتِ لسه واقفة مكانك! يلة يا بت على فوق وعدي يومك.