مَلكه قلب الطوفان🎶(شقيه إقتحمت أسوار قلبي ج2)🎶 بقلم: ولاء علي 🎶

Part 10🔥

اللهم ارزقنا صفاء الروح والتأني في الأمور
والصبر على ما لم نحط به خُبرًا يا خبير.🤲
      🌟🌟🌟🌟🌟🌟🌟

تفاعل يا سكاكر وكومنت برأيكم في البارت 👍
قراءة ممتعة🌹🦋

#ملكة_قلب_الطوفان
#الفصل_العاشر
#ولاء_علي

    🔸في صباح اليوم التالي
    🔸   في غرفة الطوفان
  كان ما زال جالس على كرسيه وعيونه قد غفت منذ برهة، فظل الليل كاملًا يشبع عيونه من ملكته ويحتوي يدها بيده، فكل نبض من قلبه مرتعب بشدة عليها، فكان متوجسًا خيفةً مما قد يصيبها، ففتح مقلتاه بفزع عندما تشعر بيد لي لي تتحرك، فهمهم في قلق بائن على تقاسيم وجه، عندما وجدها استيقظت وترمقه بنظرة غريبة، وعيونها تلتمع بتلك العبرات المحتبسة بداخلهما:
ـ حبي...
فتوقفت الكلمة بحلقه عندما انتبه على حاله، وأبعد يده عن يدها، وتحرك بكرسيه خطوه للخلف وهو يقول بهدوء مصطنع:
ـ حمد الله على السلامة يا أنسة ليليان، عامله إيه دلوقتي؟ احمم آسف عشان كنت ماسك إيدك، اللي حصل أني كنت معدي فسمعت صوتك بتتألمي، فدخلت بسرعة اطمن عليكِ، وتقريبًا كنتي بتشوفي كابوس ووشك كان باين عليه الخوف، فمسكت إيدك اطمنك، ومش عارف إزاي  النوم أخدني بالشكل ده ومحسيتش على نفسي.

طوال حديثه كانت تنظر له ليليان نظرة لم يفسرها، وقبل أن تتحرك شفاها بكلمة دخلت هنا عليهما.
   
ـ آبيه ...
فقطعت حديثها عندما وجدت لي لي مستيقظة، فهرولت اتجاهها بلهفة واحتضنتها بحب وهي تقول:
ـ لي لي حبيبتي أنتِ بخير؟ وقعتي قلوبنا إمبارح عليكي والله.

فابتسمت لي لي بمحبة واشتياق:
ـ اطمني يا هنون، أنا بخير يا قلبي الحمد لله.
   
ـ الحمد لله، أنا هروح أحضرلك الفطار؛ عشان تاخدي علاجك يا قمر.
فخرجت هنا بسعادة وعدم انتباه بمناداة لي لي لها بتدليلها التي كانت تناديها به في الصفوانية.

كان الطوفان يشك في شيء، ويدعو الله أن يكون حقيقة، فهسهس بصوت قلق:
ـ أنتِ كويسة مش كده؟

ـ لا مش كويسة يا طوفاني، مش كويسة خالص.
تمتمت بتلك الكلمات وهي تلمس بقدمها الأرض وتنحني أمام كرسيه وتجهش في بكاء مرير.

فتسأل في تخبط وعدم تصديق وهو يحتوي وجهها بين كفيه:
ـ لي لي أنتِ افتكرتني مش كده؟

فاومات له وهي تحتضنه باشتياق، وتمتمت بحزن وألم من أجل ما أصابه من نكبة وتعاسة من تحت رأسها وحدها:
ـ هنفضل بعيد لإمتى عن بعض؟ ليه مادفعتش عن حقك فيا وخلتني جنبك؟ إزاي تسيبني الوقت ده كله بعيدة عنك، قدرت تستغنى عن وجودي في حياتك بالسهولة دي؟! استسلمت بالشكل ده إزاي! إزاي قلبك طاوعك تسيبني اتألم كل الشهور دي في بُعدك، إزاي تتخلى عني كل ده! إزاي قلبك يطاوعك تسيبني بتألم، إزاي سيبتني الشهور دي كلها! هونت عليك معقولة! بطلت تحبني؟! حتى بعد ما بقيت معاك هنا ليه فهمتنيش أنك الحبيب اللي بتألم وتايهة من غيره، ليه ما قولتليش إني حبيبتك ومراتك اللي بتعشقها، عارف المشاعر اللي كنت بحارب نفسي علشان متظهرش كانت وجعاني إزاي؟! أنا كنت ناوية أمشي يا سليم بسبب مشاعري ليك، كنت بحس نفسي إنسانة بشعة علشان مشاعري دي لرجل متجوز وبيعشق مراته؛ حتى في بُعدها، طول الشهور اللي فاتت كنت دايمًا بشوف طيف شخص بيزورأحلامي وبيبعد تاني، كنت بحس بروحي بتبعد معاه.
فرفعت وجهها من صدره وعبراتها تتساقط بإنسابية على وجنتيها، وأمسكته من لياقة قميصة وهي تهدر بصوتها الذبيح من ألم الفراق:
ـ ليه بعدت؟ ليه سيبتني يا سليم؟ ليه عيشت الألم لوحدك؟ ليه تحميني وتاخد الرصاصة بدالي؟ أنا ما قدرتش أتحمل خسارتك يا سليم، مش هقدر أكمل لحظة وأنت مش موجود.