نواف كان بيتكلم بس مسك يده الجد قاضي وقال :خلاص بعدين شفلك صرفة معاها الحين ماوقته
والتفت لبناته وقال:خدوها فووق لغرفتها وخليكم حولها
ورجع التفت للعيال :وانتو من اليوم والساعة ذي تفتحون الملحق وتجلسون فيه ماشي ما اشوف احد داخل البيت تفهمون
هزو العيال روسهم وقال الجد قاضي لابراهيم :كلم ابو بندر شوف متى موعد الجنازه
ابراهيم :ابشر
جاء الصباح والكل متعاطف مع بشرى وشلون كانت منهاره مو منهاره لان بندر مات انهارت لان ترملت على صغر وان انكتب عليها مسمى الارمله وهي بعمر ال18 مسكت العده وبدات مشوارها كانو الكل حولها وحاولو يغيرولها مودها مر الشهرالاول ودخل الشهر التاني في ذي الشهرين تقربت من الله اكثر صارت تسمع بوتكاست دينيه وتحضر حلقات تحفيظ ع النت كانت تلهي حالها
في يوم من الايام كانو العيال مجتمعين برا ويسولفو ويضحكو دخلت حرمة شافوها بس ماعطوها اهميه لانهم قالو اكيد جايا للحريم جوا مشت لعند وصلت عندهم وقالت :السلام عليكم
العيال بصوت واحد:وعليكم السلام
الحرمة :هدا بيت قاضي
عبد العزيز:هالله هالله
الحرمة :ممكن تكلمو ليه
المدني :مين انتي في الحريم ادخلي وتكلمي معهم
علي(اخو غزل):ولد سد حلقك
الحرمة :تكفون كلموه ليه انا ابغاه
عبد العزيز للمدني :انقز كلمة
راح المدني ودق الباب راحت غلا تفتحة وقالت:مين
المدني :انا افتحي
غلا:وش بغيت دندون
شمقها المدني وقال:روحي نادي جدي
غلا:وش تبي فيه
المدني :في حرمة تبغاه
غلا باستغراب:مين ذي
المدني:وش دراني انا المهم كلميه تنتضره
راح ودخلت غلا وقالت:جدي المدني يقول في حرمة تبغاك برا
الجد قاضي:ماقال من هي
غلا:لا
وقف الجد قاضي ومعة الجد قايد وابراهيم طلعو ووقفو ع الشباك البات ومعهم مناهل ومنال وميار
الجده غزال:يابنات عيب وخرو من ع الشباك وش يقولون لو شافوكم
غزل بقهر:والله انتس بارده ياجده وحده بتكلم زوجتس وانتي قاعده كذا
الجده غزال:انا ما اشك بقاضي
نوف:حنى ماقلنا انتس شكي بس مهما كان الحذر واجب
لعبو عليها وقامت وقالت وخرو خلي اشوف
برا عند العيال وقف الحد وقال :وش بغيتي يا اختي تفضلي
الحرمة :لا ياقاضي نسيتني
الجد قاضي استنكر الصوت وقال:لا تفضلي قولي
كشفت على وجها وصد على طول وفي نفس الوقت قلبه نبض على طول وصار يقول في نفسه لا مستحيل هي مستحيل
كملت تقول :انا زاهيه ياقاضي افاا تنسى زهوه ايامك قربت منه وكملت وقالت وهي تمسح دمعتها وتناضر العيال :كيف ماتنساني وصار عندك كل هالعيال ها قولي
كانت تتكلم والجد صاد عنها ولاقدر يتكلم
داخل عند البنات
غلا:قلبله الحياه وكشفه بعد
غزل:حده اطلعي لها واعني خيرها
غزال:لالا يابنات مايصير
فطوم:يصير ونص ولا تنتضرينها تاخد جوزتس
احتدت نضر الجده غزال عدلت جلالها وفتحت الباب وطلعت وبناتها وراها
علي شافهم وقال وهو يدق عبد العزيز:الحين بتبدا حرب الغيره
التفت عبد العزيز شاف امه والبنات وراها:قدينا خير اجل
وصلت الجده غزال وقالت وهي واقفه ورا الجد قاضي:وش تبين تفضلي كلامتس مع الحريم
التفت الجد قاضي عليها وناضر في عيونها نضره الغيره ابتسم لها ووخر وقدمها قدامه وقالت زاهيه:افا ياقاضي صرت تقف ورا الحريم
الجده غزال:الحريم الي تتكلمي عنهم انا اكون زوجته وهذول بناته قولي يازاهيه وش تبين
زاهيه:وش ابغى وانتي اخدتي قاضي مني
الجده غزال والغيره تحرقها:اول شي انا ماخدت احد وهو الي جاني بعد ما انتي صديتي والواضح ان ماعندتس ساله والحين البيت لك و اوهبيني يااه
انصدم العيال والبنات من طرده الجده لها
انصدمت زاهيه وقالت:هاذا اخر كلامك ياقاضي
واخيرا تكلم الجد قاضي وقال :
مديت لك واخذت مني ولا اعطيت
وطلبتني في شي واخذيت كل شي
وسامحتك لاني في حبك تماديت
وامسيت لي واصبحت في صبح
مو لي بلا سبب ماخطيت وان كافي
اخطيت يوم اهديت ضميري وهو حي
شبيت نارك حماي وتدفيت ماتدري
ان صالي لواهيبها في
والحين نارك كانها نار كبريت
وانا البحر والبحر ماضره الكي
كملت ابياته وابتسم وهو يمسك يد الجده غزال وكمل يقول:
لاتسترق النضر ماعادت الديار ديارك
ضحكو المدني وسعود وهم يصفقون:العب ياقااضي ،عااش ياقاضي
قالت زاهيه:جاني جوابك ياقاضي وانت الي بتخسر
قال:ماخسرت زمان يومتس صديتي ورحتي لي الغريب واخترتي عني وان خسرت فانا راضي بالخساره دام غزالي معي
صفرووو البنات وصارو يصفقو نزلت نقابها وراحت من غير رد وعرفت ان خسرت خسره كبيره يوم اختارت رجال تاني غير قاضي
التفت الجده تشوف البنات وقالت:قلت لكم ما اشك بقاضي
الجد قاضي :شك ويش
غزل:شفناها مكشفه عن وجها قدامك وجده جالسه ولا همها حمسناها شوي ورااحت بس طلعت فنانه غزال
حمر وجها وشافها الجد وابتسم :زين الي حمسوك عشان اشوف الغيره زي
نواف بابتسامة:والله جدي اليووم واضح انه منتهيي جدي هنا الحدقه ترا مو غرفتكم
التفت عليه الجد وكمل نواف وقال:خلاص اسف
كملو سوالف وبعدها كل احد راح في حاله
عند نواف الي دخل البيت وكان صاد وخاف انه يشوف بشرى اخد طريقة مكتب جده ودق الباب
الجد قاضي الي كان يحسبها بنت :تعالي
فتح نواف الباب وقال:جدي
التفت الجد عليه وقال:وش تسوي هنا انت
دخل نواف وسكر الباب وقال :جدي ابغاك في موضوع
الجد قاضي :قول وش تبي
نواف تلعتم وقال:ابطلب يد بشرى على سنه الله ورسوله
ابتسم الجد قاضي وقال:ياخبل انتصرها تخلص عدتها طيب
نراف :ما ابغى استنى انفذر قلبي وانا انتضر بس تخلص عدتها بتزوجها ولا بنتضر
الجد قاضي:وبنت عمك
نواف:كلمت ابوي وقتله كل شي سوته وقال خلها عندك بس تتزوج بشرى طلقها وبعد كذا يكون عندها عذر عشان تطلقت لان لو طلقتها الحين ابوها بيسألها ليش تطلقت وغير كذا لو عرف بيقتلها
حك جبينه الجد وقال:راي ابوك صح خلها بس تخلص بشرى نعرف اذا موافقه ولا لا
نواف :لاهي موافقه لاتخاف
الجد قاضي :الراي رايها والحين اقلب وجهك يلا
نواف:تمون ياقاضي باس راسه وطلع سيده لباب البيت شاف مشعل ينزل من سيارته :ارحب ياشعله
مشعل بزعل:الحين ارحب وينك انت قاطع ولا تسئل ولاشي اخس بس لو ما اعرفك ماكان جيت ولا سئلت عنك
ضحك نواف وقال:على هونك ياورع قلبك شايل علي اشوف
مشعل :قلبي مايشيل على رهيف القلب بس نعاتبك
نواف:الحين قلي وش تبغى
مشعل :تعال نروح كوفي نتقهوى
نواف:لا مالي خلق تعال نتقهوى هنا قهوى من تحت يد امي وحلا مسويته مهاف
مشعل كان بيتكلم بس التفتو على صوت الصراخ الي جاي اتجاهم وكانت غلا تركض ورا نوف وبترش عليها مويا كانت تصرخ وتقول :وقفي ياغبيه غلا وقفي
انهى الصراخ ذا نواف وهو يقول:هيي انتي وياها التفتو لصوت واكتشفو ان مع نواف احد اختفو وهافو من نضرات نواف لهم راحو والتفت لمشعل الي كان صاد وقال:العذر والسموحة يامشعل
قاطعة مشعل:ماعليك اهل اهل
وصله للمجلس ودخل نواف بعد ما تاكد ان بشرى مو موجوده وقال وهو يدور غلا ونوف
ميار:وش تبي فيهم
نواف:تخيلي فشلوني يركضون ويصرخون والرجال واقف برا
منال:مين الرجال ذا وبعدين بكيفنا البيت بيتنا حرين نصرخ ونركض
نواف:يمه انا ماقلت شي بس مايحترمون احد يعني والرجال الي برا مشعل
اخد القهوه نواف وراح عند مشعل
عند علي الي كان واحق عند باب المطبخ الخلفي ودق على غزل وقال لها :ترا تاخرتي وينتس فيه
غزل وهي تنزل من الدرج :هاذني في الدرج جايا
علي:ماشي خفي بس انتبهي
قفتلت غزل ووصلت وقالت له :وين ماخدني
علي وهو يمسك يدها :باخدتس وبنعيش يومين
ابتسمت غزل وهي تمشي جنبه:وين بنعيشهم
علي:في شاليه صغير كذا على قدنا
وصلو لسياره ركبو مسك يدها علي وقال:ادري اني مقصر معتس بس بحاول اعدل كل شي
غزل :بس انا مبسوطه كذا وادري انك مشغول وما انت فاضي لي
علي ابتسم بحب:احبتس
غزل:وانا اموت عليك
كملو طريقم لي الشاليه مبسوطين
عند دانه وعبد العزيز
دانه الي كانت في نهايات شهرها السابع وبدات تتعب اكثر من الاول وكانت تعاتب عبد العزيز بان اهملها ومايحبها
عبد العزيز:ومين قالتس انتي ما احبتس
دانه ببكاء:من اهمالك لي وواضح انك بديت تكرهني
عبد العزيز ضمها وقال:حبيبتي انتي انا والله مشغول ومافضيت تدرين شغلي كثير ولا انا اقدر عنتس
دانه وهي تبكي :طيب وناضرت فيه وقالت ابغى فراوله
عبد العزيز:ليش ماقلتي لي وانا جاي
دانه :كنت زعلانه ونبغاني اكلمك
هز رايه عبد العزيز باسى وقال:ماشي بعدين اجيبلتس
دانه ناضرته طلعت وتركته عرف انها زعلت وهو مايقدر على زعلها فاطر يروح ويجيبلها
عند ميار الي كانت في غرفتها وجالسه على جوالها جاها اشعار من السناب دخلت السناب شافت الرساله وانصدمت من المرسل كان محتوى الرساله :جيت اوفي بعهدي لك
سكرت جوالها وقالت: وش جابك الحين ياثامر
نامت تبي تبعد كل الافكار من بالها
عند بشرى الي كانت تسولف مع البنات وكانو يسلوها ومن سالفة لسالفة جات سالفة ميعاد وقالت بشرى:طلقها
ميهاف:لا محبوسه في الغرفة فوق لاتطلع ولاتدخل ولاتكلم احد
بشرى:متى بتدلف
ميهاف:بعد ماتطلعين من العده
بشرى :وشو هي مربوطه فيني خلوها تدلف مانبغى منها شي
نوف وهي تغمزلها:مسويه طالعة منها وانتي عارفه ان نواف بيتقدم لتس بعد ماخلصين حداتدتس
بشرى وهي تشمقها:على تبن لا اقوم لتس
عند غزل الي كانت جالسه وحاطه رجولها في الحوض وتلعب با لمويه وعلي كان يسبح
علي:تعالي ترا المويا حلوه
غزل:لا خلني كذا ماودي
سكتت سوي وقالت :حبيبي كم يوم بنجلس هنا
علي الي طلع وجلس جنبها قال:انتي كم ودتس
غزل:تبي الصدق
هز راسه علي وكملت قالت:ابي ارجع بكرا اشتقت للبنات قالت كذا تبي تشوفه بيصمل ولا بيرجعها عاين فيها بصدمة وقال:يعني ماتبين تجلسين معي ماردت عليه وقال وهو يقوم ابشري بكرا نرجع
شافته دخل ابتسمت شوي لما عرفت ان زعل لحقته ودخلت لي الغرفه وشافتها لقتها فاضية سمعت يوت المويا عرفت انه يتروش جلست ع السرير طلع علي وشافعا وقال وهو يدخل البطانيه : طفي النور بنام
ابتسمت وقامت وراحت حلست قدامه:يعني الحين زعلت
مارد عليها وهو مغمض عيونه وكملت:شوف عندي حق اروح للبنات دام بتنام وتخليني
برضو مارد عليها وقربت من اذنه وقالت:الي في بطني ولد
فتح عيونه بصدمة وناضر فيها وقال:لا تمزحين
غزل بضحكة:والله ما امزح
عدل جلسه وكان يبي يبين ثقله وقال:من قال لتس
غزل:الدكتوره من بيقول يعني وقربت منه وطبعت بوسه قريب شفته وقالت :حققت لك امنيه كنت تتمناها جاا دورك الحين
علي الي فهى من البوسه خلى كل الكلام وقربها منه وطبع بوسه على ثغرها كان يبيها من زمان بس ماقادر يوصل لها بكم شغله كان مشغول عنها وكذا حس فيها تبادله البوسه فرح داخليا اما الشعور عند ماتنكر انها ودها في القرب علي الفارقته من مده ماحست هلى نفسها الا وهي تبادله البوسه بعدت لما حست نفسها بتختنق ومن كثر الحياا ماقدرت تحط عينها في عين علي
وقال علي:بنت احنى بيصير عندنا ورع وانتي للحين تستحين
غزل وللحين ماهي قادره تناضره وقالت وهي تقوم:خلاص ياهي احسني احتريت بطلع
طلعت ولحقها علي وهو يقول :تكفين نكمل طيب
التفت غزل وهي مستحيه وقالت :علي
قربها منه وقال:لبيه ياعروق قلبي وسمي
ابتسمت ونزلت راسها وقالت :خلاص علي لاتسوي كذا
قال وهو يمثل الزعل:يعني ماودتس في قربي
غزل بستعجال :الا
ابتسم علي وقرب لمبسمها يروي نفسه من حلاله الي له عنه فتره نزل على نحرها وصار يطبع عليه بوساته تدل على ملكيته مشى فيها للكنب وسدحها وقال:مدري وش سويتي فيني يوم خليتي الثلاثيني يحبتس ويموت فيتس كذا يابنت خالد ماعطاها فرصة وتزل فيها بوسات ووووو...نتركهم لحالهم🌚
في الحديقة ببيت الجد كانت نوف جالسه برا ساهيه كانت تحس بوحده وماتدري وش تسوي دخل مشعل لحديقة بيت الجد قاضي ودق على نواف بس مارد وشاف وحد منسدحة على الكنب فجااء من ورا الكنب وصار يقول:لو سمحتي،لوسمحتي وماكان في اي رد من نوف
كمل مشعل يقول وهو مبتسم ابتسامه حرج:اختي ممكن سؤال
نواف وهي منسدحة وماشافته وقالت:ها ها وانت صجيت راسي قول اخلص وش تبي وبعدين تذكرت انهم طالبين ماتشا وكانت تحسبه المندوب وقالت :انت المندوب روح هناك شفت الباب ذاك دق عليه بتطلع لك بنت ولا خادمة ولا اي احد عادي المهم عطيهم الطلب بيعطوك فلوس
مشعل:بس انا مو مندوب
نوف رفعت راسها بصدمة ووقفت على طول شافته وقالت اسفة اخوي كنت أحسبك المندوب
مشعل كان يشوفها ماقدر يتخطى شعرها المنسدل على كترفها ولا غمازتها الي تحت فمها ولا الشامة الي قريبه من العين وقال:ماعليك بس ابي نواف هو موجود
نوف بفشله ونست انها مكشفه قدامه وقالت:مدري الحين اروح اسوفه لك ولا اسئل زوجاته ومعليك شوي وارجع
كانت بتمشي بس قال لها:زوجاته ؟
نوف :ايوا اصلا ماتدري نواف طايح في حب وحده ومتزوج وحده يلا انا بمشي
وقفها من جديد وقال:انتي وش اسمك
نوف وهي مقطبه حواجبها:فليت امها انت
في ذي الاثناء طلعت ميار بتروح المجلس وشافت نوف واقفه مع رجال وقالت لها :نوف تعالي هنا
راحت نوف :هلا خالتو وش بغيتي
مسكتها مع يدها وقالت :مين ذا الي واقفه معه
نوف :هاذا مشعل خوي نواف يدورله
ميار:وتتطلعين كذا وانتي مكشفه غبيه انتي ولا وش
هنا ادركت انها كانت مكشفه ودخلت على طول طلع نواف من البيت وشاف ميار واقفه قدام المجلس وقال:وشفيتس انتي ونوف بعد وشفيها ذي الخبله
ميار :تكفى قل لخويك يعذرنا نوف طلعت قدامه وهي مكشفه لايفكر فينا شي ماهو بزين
نواف:ماشي بقول له
راح نواف لمشعل وركب معه السياره وقال نواف:الاهل يعتذرون منك على الموقف الي صار
مشعل وهو للحين يتذكر شكل نوف:ماصار شي يارجال بس عندكم طير ياخي وصفر
نواف التفت له:وطالع محارمنا
مشعل :على زق بس
راحت الايام والكل مبسوط خلصت بشرى حدادها والكل كان مبسوط
بعد ماخلصت بشرى حدادها طلعت وهي مبسوطه وجتها مناهل وقالت:يلا ياحبيبتي ينتضرونتس تحت
هزت راسها بتمام وراحت معها طلعت للحوش الخلفي وكانت منحرجة لها مده عن العيال وصلت للحوش هي ومناهل وقالت لها مسكت يدها بتوتر وشافوها العيال واو ماشافوها قالو مع بعض بختلاف الردود:يالله حيهاا ،ياهلا ويامسهلا،ارحبي وكذا استقبلوها وجلست جنب البنات وصارت تسولف وكانه ماصار شي من قبل بس حست في نضرات عليها ما انشالت ابدا منها التفت وشافت نواف يطالعها بادلته النضره وعطته ابتسامه صغيره والتفت للبنات وكملت سوالف وقال الجد قاضي :انا والله اليوم مسوي لكم مفاجأه
غلا:ماشاء الله جدي ومسوي لنا مفاجأه وشهي
الجد قاضي:هي موبلكم
غزل:اجل
الجد قاضي :لبشرى واميره
اميره بحماس:وش هي ياجدي
الجد قاضي قال :عاينو هناك التفتو لجيهة الحوش الامامي وانصدمو بشرى واميره وصرخو الاتنين مع بعض بعد تعرفو على الوجه الي شافوه وقالو :نايف
راحو له ركض وضمهم له وقال:يالله حي خواتي
اميره :والله ان اشتقنا لك
بشرى ناضرته بابتسامه عجزت تتكلم او تقول شي اكتفت بانها تمسك يده
وقال الجد قاضي :سلمو على ولد عمكم محمد نايف فزو العيال وصارو يعرفون عن نفسهم لحد ماخلصو ووالتفت للبنات وحط يده على صدره وقال:هلا والله ببنات عماني
ردو البنات:يهلا فيك
والتفت لعماته وراح وسلم عليهم وجلس جنب جدته ومسك يدها وباس راسها وصارو يسولفو كانت الجلسه حلوه ومليانه مشاعر جميله وحياااة سعيده جلسو العايله الي كانو طالبين اكل ووصل قامت دانه بترفع اكل لميعاد وقالت غزل:وين رايحة
دانه وهي بطنها ثقل كثير ولا ولدت وخلصت التاسع وداخله في العاشر
قالت:برفع اكل لميعاد وبرجع
ميار :طيب اجلسي انتي ووحده من البنات تودي
دانه لا انا قمت خلاص راحت دانه والتفت نوف لعبد العزيز :ولا ياعبد العزيز زوجتك ذي طيبه بزياده
هبد العزيز:وش اسوي فيها قد قلت لها لاتصرين طيبه الناس يستغلون طيبتس ماتطيع
عند دانه الي وصلت لغرفه ميعاد وشافتها جالسه وبيدها جوالها ناضرتها ميعاد وقالت :جبت لاس اكل كولي
ميعاد بهدوء :شكرا
دانه:اذا بغيتي شي كلميني او اطلعي لوحدك ترا عادي مابيقولو لاس شي
هزت راسها ميعاد وراحت دانه الي مشت لدرج كانت بتنزل بس رجلها زحلقت من الدرج كانت ماكل درجة تطيح منا تحس بالم اقوى من الي قبله بس ماصرخت لحد ماوصلت لاخر درجة وصرخت صرخة من قلب صرخة تليق بالالم الي هي تحسه لدرجة كل الي بابيت سمعوها فز عبد العزيز اول ماسمع صرخة دخلت مسامعة وقالت منال:من الي يصرخ
عبد العزيز الي وقف وقال :دانه ور كض لحقواا ولحو عليه البنات دخل وشافها في الارض تتالم وقال :دانه ،دانه تسمعيتي،وش تحسين فيه
دانه بالم وبكاء:جسمي يوجعني
عبد العزيز الي التفت للبنات وقال:جيبو عبايتها
راحت غلا وشافت ميعاد في اعلى الدرج تشوف وش الي صار وقالت:انتي سويتي كذا ليش
ميعاد بخوف:لا مو انا انا طلعت اشوف وش سبب الصراخ
غلا كذابه
عبد العزيز التفت لدانه:دانه حبيبي هي سوت فيتس كذا
دانه الي ماهي قادره تجاوب من الالم
