وعد لا ينكسر 'قيد الكتابة'

الفصل التاسع(بـمثـابة جـلسـة نـفسـيـة)

#رواية_وعد_لا_ينكسر
#الفصل_التاسع
#بـمثـابة_جـلسـة_نـفسـيـة
            ________________________________

"لا يمكنك اتخاذ قرارات صائبة إذا كنت لا تثق بذاتك قبل كل شئ."

-أنا على الباب مش هتفتحيلي بقا ولا هفضل واقف كده

كانت تلك الجملة التي تفوه بها من يتحدث مع "زينة" على الهاتف،فجحظت عيناها من جرأته وظلت تحدق في الباب كثيراً وهي تحاول التوصل لقرار صائب وقوي،حاولت الرد عليه لكنه تحدث بندم:
بصي والله هما خمس دقايق بس أخرجيلي هقولك حاجه وبعدين أدخلي تاني،وأوعدك مش هتشوفي وشي تاني بس أديني فرصة أخيرة

حاولت أن تستجمع ثباتها وهي ترد عليه بشجاعة واهيّة:
طب هما خمس دقايق بس لو زادوا هتشوف وش مش هيعجبك يا "محمود"

-ماشي أنا موافق أطلعي بس

أغلقت الخط معه وتأكدت من تسجيلها للمكالمة وتركت الهاتف بمكانه ثم نهضت بحذر تلقي نظرة على عائلتها حتى تتأكد من نومهم،وأخذت المفاتيح حتى تفتح بها إذا أنغلق الباب دون قصد وغادرت الشقة بكل حذر،بمجرد أن خطت بقدميها للخارج تفاجأت بمن يكمم فمها من الخلف حاولت الصراخ لكن صوتها لا يتخطى هذا الكف الذي يمنع فمها عن إصدار أي صوت،ظلت تقاوم ولكنها تفاجأت بهذا الشخص يسحبها للشقة المجاورة سريعاً ويغلق الباب،عندما تركها وألتفتت ورأته هو من يقف أمامها ويبتسم ببرود ويهتف بمْكرّ:
نورتي شقتي المتواضعة يا "زينة" هانم وحشتيني أوي بجد

ردت عليه بهلع وهي تعود للخلف:
أنت عاوز أيه ها أنا قولتلك مليون مرة شيلني من دماغك،وبعدين مش عمك حذرك قبل كده تبعد عني ليه مصمم برضو تتعرضلي بعد اللي عملته،ارحمني يا "محمود" أرجوك أنا تعبت

فرّت الدموع من مقلتيها فتأفف هو وهتف بضجر:
طب بطلي عياط بقا مبحبش الزن أنا مش مجرم قدامك عشان تخافي مني

ردت عليه بشهقات متتالية:
بس بتخوفني بأسلوبك ده أنا مبحبش كده سيبني أمشي عشان خاطري

-وأنا مش عاوزك تمشي بصي أنا عندي أستعداد أكتب عليكي دلوقتي وتفضلي معايا،والله انا بحبك ونّدمت

-وأنا عاوزة أمشي يا "محمود" أرجوك

أقترب منها وهو يردد بإنفعال:
وأنا بقولك بحبك أنتي ليه مش حاسة بيا

صرخت به بإنفعال مماثل مختلط بالبكاء:
عشان أنت مش قادر تثبتلي حبك ده بتخوفني وبس،أنا عاوزة أحس ب حبك مرة واحدة وساعتها يمكن أقدر أحس بإي تغيير،وأنت عارف أنا قد أيه كنت بحبك ومخلصة ليك لحد اللي عملته فيا واللي جرالي بسببك،أرجوك يا "محمود" سيبني أرجع أنا مش قادره أتكلم أكتر من. كده وأوعدك أول ما أحس بتغييرك هرجع تاني أحبك