عوض بعد الانكسار

part(36)

عَلِقتُ الهَوى مِنها وَليداً فَلَم يَزَل الى اليَومِ يَنمي حُبُّها وَيَزيدُفَما ذُكِرَ الخلّانُ إِلّا ذَكَرتُهاوَلا البُخلُ إِلّا قُلتُ سَوفَ تَجودُ
_______________________________________هلو فرشاتي شلونكم ادري صار هواي مامنزله بس ظروف اليوم راح انزللكم بارت نختم بيه قصه
رهف وعلي
+ لاتنسون دعمكم وتعليقاتكم على  البارت
_______________________________________

علي: حسيت بشي واخذها مني بقوه كلشي صار بلحظات تحول الفرح الى حزن باوعت رهف واكعه ومضروب راسها كله دم فستانها تحول من بياض الى احمر صحت بصوت عالي
ررررهف من شفتها هيج تخبلت البنت الي حبيتها
اشوفها بهل منظر شلتها بسرعه وطلعتها للغرفه

ام علي: ولك يمه علي شبيها البت توها مابيها شي ولك خاف مريضه بيها شي ماكالولنا

علي: من سمعت حجي امي حسيت بركان وراد ينفجر بداخلي.. يمه شبيج انتِ ماشوفيها شحالها ماريد اسمع شيي مابيهااا شي خوووش

ام علي: تصيح بوجهي ولك علي ولك اني امك علمود هااي توها اجت وطبت بيتنا هيج تعاملني

علي: يمه اسف الخاطر الله بس ارحمو بحالي ولج يمه هاي البنت الي متت عليها ماريد يصير بيها شي والله اموت روحي والعباس اخذت ماي ورشيت على وجها مي احس مثل طفل ومضيع امه وراها بربع ساعه فتحت عيونها من فرحتي شبكتها ودموعي تنزل..

رهف: فتحت عيوني وراسي يأذيني كلش اول شخص شفته يمي علي قميصه كله دم وعيونه حمر حضني كام يشهك ويبجي احساس كلش غريب اردف بصوت متقطع والبحه بصوته..

علي: رهف بيج شي شنو يوجعج كلوليلي شلون وكعتي وكعتج ابد ماجانت طبيعيه..

رهف: اني زينه ششنو هذا دم بقميصك شصاير..

علي: هذا دمج بدلتج البيضه صارت حمره ولج لو صارلج شي جان كتلت روحي.

رهف: يحجي ويرجف.. مادري شنو صار بس جانت عيني مغوشه كلش ماحسيت غير وكعت ماحسيت بشي بعدها ماريد احد يدري فدوه علي وخاصه بابا هوا كلش مقهور عليه..

علي: لايروحي لاتخافين هسا انادي للبنات يشوفوج.

رهف: هزيت راسي بموافقه صوتي بالزور يطلع اجت ام علي والبنات وكرايبهم كلهم يطمنون عليه

ام علي: اكلج يمه بيج شي انتِ مريضه بيج صرع وماكلتو؟

رهف: لاعمى مابيه شي بس يمكن من تعب.. سلمو عليه وطلعو بقت بس بنت من كرايبي..

نور: اكلج رهف؟

رهف: كولي

نور: باعي ردت اعدل مكياجي شفت مرت ابوج وحدها من كرايبها مادري شنو خلصو فستانج من طبيت الهم يرتبكن وطلعن من الغرفه.

رهف: مابعيده عليها كلشي تسوي بس حتى تدمر حياتي ومستقبلي ماشفت احقر منها ابد شكراً نور