عوض ما بعد الفقدان

part(11)

أعلى درجات التعافي ؛ أن يصبح المرء مُعالجاً ذاتياً لنفسه ، وكما يُقال : من لم يكُن نوراً لنفسه لن تسعفه كُل أضواء المدينة، 🖤🍀
*********************************
حساباتي

hmut9_ انستا
@hm9m_12 تلي
الكاتبه:: منـار غسان
*********************************
رهف: حجينا هواي وتونسنا من اجت دره كلش طيبه بيها كانُ بيها حنان امي حجيها واطباعها وحنيتها وتصرفاتها وخوفها علينا من تكون دره يمنا احس بأمان وراحه ماخاف من اي شي لان هيا ويانه..

دره: هاي شبيج وين شردتي.

رهف: مابيه شي بس كلش مشتاقتلج حتى وانتي كاعده يمي

دره: اني هم كافي لاتحركين كلبي هوا محروك جا شسوي هسا مابيدي شي تعبت هواي سويت كلشي بايدي حتى احميكم واريدج تبقين قويه ماتضعفين ابد لاكدام ميسون ولاغيرها.

رهف: اني اخذت القوه منج والصبر واوعدج اسوي كلشي علمود دراستي واحافظ عل لجين.

دره: فديت رهفي شهل لسان الحلو يمه تموتين تعالي بحضني حضنتها حيل ولجين بنصنا تغار من رهف..

دره: يلا خلي نسوي العشاء ميته جوع نزلنا وبديت اسوي العشاء ودره جانت تساعدني وميسون تسوي روحها مسكينه .

ميسون: لا عوفي هسا اني اسوي العشاء انتي خطار.

دره: ميحتاج تتمسكنين ضليت طول عمري اخدم بهل بيت مايوم من الايام ساعدتيني وكتيلي هيج فمايحتاج هسا تصيرين زينه وياي.

ميسون: مو صوجج صوجي اني الحجيت وياج هيج انتي متعوده عل مذله تبقن خدامات طول عمرجن..

دره: احنا مو خدامات هذا بيت اهلنا احنا مو خادميج كله الخاطر ابوي واخواتي عرفتي والزمي حدودج ضلت تدردم وراحت الغرفتها بقينا نضحك عليها واني ورهف هاي مريضه مو طبيعيه ههههه يلا خلي نكمل العشاء سوينا العشاء نضحك ونحجي مع انو فرق العمر بيني وبين رهف هواي بس احسها صديقتي وبنتي..

سيف: شنو جاي سوون عشاء جوعان

دره: هسا يخلص وتاكل مضل شي شنو اشو مسلمت عليه؟!

سيف: هههه مادري اصلا لحد الان معبالي متزوجه تعرفين مكاعد بالبيت.

دره: صدك عود تعالي لااكتلك بسته يعني ممشتاقلي..

سيف: لا ولج مشتاقلج بس مو جثير وين ترحين عل مريخ هههه

دره: سيف يشتاقه ويداهر هواي بس حنين ويشبه حيدر كلش تمام عيني يلا روح مع انو هواي صغير عمره ٤ اسنين بس لسانه طويل كملنا العشاء وحضرنا السفره وتعشينا كعدنا شويه واجا بسام.

بسام: شلونكم اريد اخذ دره غير مره تبات عدكم ان شاءالله

كرار: الحمدلله فوت اشرب جاي تفضل.

بسام: لاعمي ممنون باجر عندي شغل مستعجل..

دره: سلمت عل خواتي وهنا يبجن هاي ليش جاي تبجون بجيت وياهم اجي والله ماعوفكم بس لان بعدني عروس جديده ميصير ابات مرت الثانيه ابات وعد.