عوض بعد الانكسار

part(10)

اني تغيرت مو بيدي مجبوره
شفت كلوبهم محد هواني
چنت اتمنى واحد يسأل شبيج؟
والله الوحدي ضليت اعاني
البگلبه حچي وينام مكسور
من يكعد يصير شخص ثاني 🖤؛ "
*****************************
بقلم: منــار غسان

حساباتي
hmut9_ انستا
@hm9m_12 تلي

************************************

دره: بالي يم اخواتي صار هواي مشايفتهم كلش شتاقيت الهم..

بسام: ها درتي شبيج شلون الطفل..

دره: الحمدلله بخير.. اي شلون شغلك زين..

بسام: تمام بس حيل تعبان عمري..

دره: سمالله عليك من تعب رتاح نام..

بسام: ماكدر انام تعالي نامي بحضني..

دره: رحت للجربايه.. سحبني بحضنه خله ايده جو راسي كلش احس بامان يمه.. خله شفته بركبتي نفسه حار كلش ..

بسام: احبج درتي..

دره: ابتسمت اله.. شويه ونام وانا هم غفيت..
ماحسيت الا وصار اذان العصر كعدت صليت وكعدته بسام كوم صلي اذن..

بسام: تؤتؤ خليني انام..

دره: كوم صلي النوم ميفيدك..

بسام: تمام درتي بس لاتعصبين علينا ههههه

دره: نترت منه اصلا مامعصبه..

بسام: اي حيلل واضح مامعصبه..

دره: تمام بكيفك رايحه انزل يم البنات.. سحبني بأدي.. طبع شفته بشفتي.. دائما يخجلني بتصرفاته

بسام: غمزلي بعين يلا نزلي لاتزعلين بعد كلما تزعلين او ضوجين هيج اسوي ..

دره: هذا مايتفاهم خلي انزل احسلي.. نزلت يم البنات.
******
رهف: حياتنا بقت تستمر هيج تعذيب ميسون الي مابطلت ولاراح تبطل يوم من تأذيتها النا.. بوكتها دره جانت يمنا.. من شافت شعري تخبلت حجيت الها كلشي  عن لجين شلون عرفت وعن ميسون شلون ضربتني كلش نقهرت حضنتني.. 

دره:نقهرت كلش من بعد سمعته. والله بالي كله يمكم مادري شنو اسوي صدك لازم اروح للدكتوره اخذ سونر..

رهف: يا لحد الان ماخذتي اخذي حتى نشوف ولد بنت نبدي نختار الهم اسماء ونجهزهم ملابس..

دره: تمام لعد اليوم نروح واخذج وياي يجي بسام ياخذنا..

رهف: تمام خوش..  نزلنا بقينا نحضر الغده اني ودره كملنا وبدينا نتغده وغسلنا المواعين.. رتاحينا شويه صلينا العصر واجه بسام..

دره: يلا بدلي حتى نروح اجه بسام..

رهف: يلا تمام.. بدلت ورحت وياهم..

دره: بقيت طول الطريق متوتره وفرحانه بنفس الوكت.. وصلنا للدكتوره.. اخذتلي سونر وكالت..