عوض بعد الانكسار

part (37)

هلو فراشات صار مده مامنزله بارت بسبب دراسه وظروف.
اليوم البارت مكتوب بايد بطلتنا
لجين
________________________________________

لجين

من بعد زواج رهف كلشي تغير بحياتي حسيت بفراغ كلش جبير ضليت وحدي بوسط 3اخوان وابويه وميسون حسيت بالوحده رهف جانت ماليه عليه الدنيه وره زواج رهف مرت ابويه هلكتني بالتنضيف والشغل صار كله عليه واني جنت بعدني صغيره كله عمري 13سنه كلشي ماافتهم بس انجبرت اشتغل جنت اكعد من ال9الصبح لحد 12او 1بليل اشتغل جانت تعبني هواي جنت ابجي بدون مااحد يشوفني اكتئبت وتعبت نفسيتي تعذبت هواي كل يوم اكعد على اهانه ورزاله وصياح ومشاكل جنت اذا اكسر ماعون تنكلب الدنيه والصياح يترس البيت بس حاولت اتأقلم بعدين وره زواج رهف بشهر مرت ابويه تعاركت وزعلت وراحت لاهلها وضليت اني وحدي وعليه مسؤوليه بيت كامل جانو وياي ابويه واخواني ال3 جانت مسؤوليه جداً صعبه بالنسبه لعمري واني جنت طالبه واخواني الصغار هم جانو طلاب يعني صرت اني ابدل الهم واغسل ملابسهم وادرسهم واصحيهم للمدرسه نهلكت صرت مااهتم لدراستي هملت نفسي وضعي جان كلش صعب عفت المدرسه ودخلت حاله اكتئاب حرفيا وبعمر ال13سنه تعلمت الطبخ لان جنت مجبوره ماجنت اكدر اعوفهم بلا اكل جنه نكضيها اكل من المطعم ف حاولت اتعلم بالبدايه جان كلش صعب هل شي واحياناً تطلع الطبخه مو طيبه

بس حيدر جان يشعجني ويكلي طيبه ولتضوجين راح تتعلمين وبعد محاولات جداً طويله واخيراً صرت اعرف اطبخ شعور كلش حلو صح زادت المسؤوليه بس كلت اتحمل واصبر وان شاء الله رب العالمين يفرجها ومرت ابويه ضلت زعلانه 4اشهر وانت انهلكت بهاي الاشهر بعد ماخلصت الاشهر هاي رجعت مرت ابويه للبيت ومن رجعت صار البيت كئيب وكله مشاكل وعركات وهيه بهاي الاشهر اختها ماتت ف صارت كلش قاسيه وطبعاً كل عاده رجعت ترزل بيه وتحجي عليه.

**
ميسون: شنو هذا البيت شهل وصخ عفتكم اربع اشهر ارجع الكه الوصخ هذا.

كرار: ميسون شبيج بعدج مارجعتي يعني لجين وين تلحك تطبخ وتنضفت وتغسل وتعزل كله وحدها وهيه بعدها صغيره.

ميسون: لعدد اني شلوون جنت اشتغل وحدي والبيت كله عليه ماكلت خطيه وبعدين مو صغيره هيه متعرف تنضف.

لجين:اردفت بتعب وصوت مبحوح.. تره دائماً انضف بس ماالحك واتعب وانضف منا والولد يوصخون منا شسويلهم يعني..

ميسون: يي هوه طلعي الصوج بولدي بعد مااخليهم يوصلون يمج ذبيتي الصوج كله بيهم..

لجين: اني مااقصد هيج بس همه دائماً يوصخون تره همه اخواني واحبهم اني..

ميسون: يله بله حجي زايد اليوم نغسل البيت كله اطلع الجيفه هاي كلها من ميسون تروح ينكلب البيت...

لجين: خليها على باجر كلش تعبانه..

ميسوون: اشش ولا كلمه كلت اليوم يعني اليوم..