මන්ද්‍ර ස්වර

17

#මන්ද්‍ර_ස්වර_17
#Swara's POV

"පොඩ්ඩක් හිටපන් පොඩ්ඩක් හිටපන් අයියේ.. ඒ කියන්නෙ උඹයි මන්ද්‍රව් අතරයි අවුරුදු හතරකින් කනෙක්ෂන් එකක් තිබිලා නෑ?

යකෝ අර කීවත් වගේ උඹලා මහ *කේ යාලුවොනෙ බන්..."

නෙදකින්නෙ ඉතින්... නෙදමකින්නෙ. අර ගොන් වහන්ස හාමුවාට ඇත්තටම මූ ඇරෙන්න වෙන යාලුවෙක් හිටියෙම නැද්ද? යකෝ මුන් වගේ උන් කපන්න පොල් පිති ඕනෙත් නෑනෙ.

"මාස තුනකින්..."

හෝව් හෝව්. මාස තුනකින්. පොඩ්ඩක් හිටපන් ස්වර උඹට ඒක ඇහුනේ වැරදියටද?

"මාස තුනකින් මොකක්ද?"

"අන්තිමට ඌ එක්ක මෙසේජ් කරේ මාස තුනකට කලින්."

මෙච්චර වෙලා මට රවන් මාත් රවන් හිටපු කේඩ්න් ඩයල් එක කියද්දි මගෙ හක්ක පොළවට පාත් වුණා. පාත් නොවුනොත්නෙ පුදුමෙ. මොනාද මේ අපබ්‍රංශ කතා.. පුදුම අසහනයක්නෙ මේක.

"මොකක් කිව්වා? මාස තුනකට කලින් මන්ද්‍රව් උඹ එක්ක මෙසේජ් කරා කියලද කියන්නෙ?"

බිමට පාත් වුණ හක්කත් කොහොමහරි උස්සන් මං ඇහුවෙ කේඩ්න් ඩයල් එක මගෙ දිහා රවලා බලලා ඔලුව උඩට පහලට වනද්දි.

ආහ්...මොක නැතත් මුන්ට රවන එකනම් බෝවෙලා. අර හිච්චි හාමුවත් මෙහෙමනෙ. රවන්න විතරයි පුළුවන්. පණ්ඩිත යක්කු.

හරි හරි. මුගෙ රැවිල්ලෙන් වැඩක් නෑ. දැන් මේ හද්දා අපබ්‍රංශෙ දිහා බලන්න එපැයි. මාස තුනකට කලින් මන්ද්‍රව් හාමු කොහොමද මූට මෙසේජ් කරන්නෙ? බැරිවෙලාවත් මන්ද්‍රව් හාමුවා මට කරේ බොරුවක්ද? ට්‍රැක්ද ස්වරයෝ... ඌට කතාකරන්න පුළුවන් වුණානම් ඌ ඉස්සරලම කරන්නෙ මට හොඳවයින් දෙසන එක. එහෙමත් නැත්තම් වලව්වෙ නාකි කෑරලීවත් මූට මෙසේජ් කරලද... යෝහ් මොන විකාරද මේ හිතෙන්නෙ. නැත්තම්... මේ
ගේම් එක පිටිපස්සෙ ඉන්න උන් වෙනම ගේමක් ගහලද? මන්ද්‍රව්ගෙ යාලුවො ඌව බලන්නවත් ආවෙ නෑ කියන්නෙ ඇක්සිඩන්ට් එක ගැන උන් දන්නෑ කියන එකද? උන් හොයලා බලන්නැද්ද යකෝ එතකොට.

"ආහ් දැන්නම් මට ඩික්ටේෂන් වගේ..."

හිතලා හිතලා නූල් බෝලෙ වගේ මොළේට සමනල් ගැටගැහෙද්දි මං කීවෙ පිස්සෙක් වගේ පිස්සෙක් වගේ කොණ්ඩෙත් ඇදන්. බොරු කියන්න ඕනෙ නෑනෙ කේඩ්න් බුවා එවෙලෙනම් මං දිහා බලන් හිටියෙ වෙන සක්වලක අමුතු ජීවියෙක් දිහා බලනවා වගේ. අහ්ශ්... මට ඉතින් මේ බැල්මවල් පුරුදු නැති ඒවද අනේ. මලසමයන්.