بقيت نور متصنمه في مكانها من صدمت ما طرأ على سمعها وبعد
برهة من الزمن
نور : ههههه احمد هاي شدتكول انت بلا شقه شبيك
احمد : لا نور اني مو اخوج اهلج اتبنوني من الميتم لانه بعد ما
ولدتج امج صار بيها مرض سرطان بالرحم وصارت متكدر تجيب
اطفال ولان العادات لازم ولد اتبنتني وكالت هذا ابني والناس ما
ما تدري رغم اني اكبر منج وهذه اكبر دليل اني مو اخوج هه
نور : (عيناها اغرقت بالدموع) لا احمد ليش هيج تكول اني احبك
انت اخويه عفية لتعوفني احمد اذا انت مو اخويه لعد منو اهلك عفية
لتعوفني وتروحلهم ماعندي غيرك
احمد :نور اني ماعندي اهل اني غلطه وحده بلا شرف مفكرت بس
بشهواتهة ونفسهة عراقية اهلها دزوهة هنا تدرس واني صرت غلطه
ومن اتخرجت ورادت ترجع للعراق لان ابن عمها خطبها باعتني
لاهلج ابويه عافها هو هم عراقي بس متجنس عافها وراح ماعرف
وين وهي هم مفكرت بيه عافتني وراحت
نور : غلب عليها البكاء من صدمتها بسبب اهلها ومن حزنها علي
احمد ف الذي بداخلها وتصرفاتهة ناتجه عن ما حدث له بسبب امه
م م ميخالف احمد حته لو مو اخويه انت اني احبك وماعندي غيرك
لتعوفني وانت بأسم امي وابويه يعني حالك من حالي
احمد : نور عندج عم بالعراق يدري اني مو اخوج هذه الوحيد الي
يعرف
نور : قاطعته نور وشسويله لعمي اني حتى مااعرفه شبيك انت
اخويه اني مااعرف احد غيرك
احمد : بس افهميني اهلج حسبو حساب لهيج يوم ولان ما اعتبروني
ابنهم اصلا وتربيتهم الي مو بلاش دفعت ثمنها مظهرهم عند الناس
عندهم ولد يدرس وناجح بس الحقيقة اهلج سجلو كلشي بأسمج ومن
حقي اخذ مصرفي الي ع كد عيشتي بس في حاله اكون وصي عليج
واذا اتركج هو كلشي الج
نور : اي وشنو يعني هاي وصيتهم بس اني وياك اخوان وفلوسي
هي فلوسك لتتصور يجي يوم احاسبك على هيج شي صدكني بس
لتخليني وحدي الله يخليك
احمد : نور افهميني اني ماريد اذيج اصلا اعرف بهذا الشي من اول
ماكبرت واني هسه ادرس واشتغل والي يصرفو ع جامعتي ارجعه
بحسابهم بالمصرف وهمه يدرون جانو بهذا الشي اني من حقي
