أذان مثقوبه لنيشان الخطوبه

٥

الفنجان الخامس

الشوق دوله بلا حرس
يحكمها شي اسمه العشك
السفر الها اكبر صعب
لازم جوازك من ورد
لازم احساسك مو خشن
وبصمات ايدك تنفحص
كون انت ما كاطع غصن
جبار رشيد

هل شوقه هو ما جعله يستعجل باجازته ..... ثم اي شوق هذا الذي يجعله يأخذ قرار كهذا ونحن مجرد اصدقاء ...

--- شذرررر مو دا احجي وياج ليش متردين

ايقضني صوت سما من عالم الافكار والخيال .... وحقيقتا لا اعلم سبب انشغالي به الى هذه الدرجه فبطبيعه الحال قد رائيت الكثير من الشباب في حياتي ولدي عدد لا بأس به من الاصدقاء الذكور .... لا اذكر ان احدا منهم قد حرك بي ساكنا من قبل

---لا حول الله شذر هاي شبيج ركزي ويايه
*** شنو شتريدين حرام اصفن شويه
---وانتي من شوكت تصفنين ... سالمين
*** تغير... حاولت اشيلج من حياتي منشاليتي كلت الكالي غير طريقه

كافضل جواب للساني السليط ( لسان الدلاله ) كما يحلو للمقربين بوصفي به ... قررت سما اهدائي ضربه من مخدتها .....واستمرت المعركه الطاحنه لمده لا بأس بهاا

******

وفي مكان اخر يغلفه الهدوء ..

--- اكلك احمد ... شعجب استعجلت باجازتك خوما اكو شي

### لا والله بس حسيت روحي محتاج اغير جو

---' ان شاء الله خير

حسنا هذي حجتي امام الجميع ولكن في الواقع ... اشتقت لها ... لم يعد يكفيني مجرد كلمات من خلف شاشه بارده ... اريد ردود فعلها ملامح وجهها ... فعلا احتاج لقربها نعم ( وكعت ومحد سمه عليه )....

مسج

**** هلو
### هلووو
**** مو كلت حنام
### اي بس جنت ناسي احط جم شغله بالجنطه ( كذاب )
**** اوكي ... باجر عندك احد ياخذك من المطار
### اي صديقي جاي

واستمرت المحادثه على هذا النحو دون ان يتجراء احد منا على فتح موضوع قدومه المفاجئ

********

في اليوم التالي استيقضت على صداع قوي يفتك برأسي ... اخذت حمام سريع وخرجت من المنزل متعلله في اكمال بعض المهام ....
كنت بحاجه للجلوس منفرده لتصفيه اوراقي او على الاقل ل احلال بعض الهدوء النسبي في نفسي .... هناك فيض من المشاعر المتضاربه في داخلي تعصف بلا هواده

رن هاتفي

--- انتتتتي وين شكد دكيت عليج ليش متجاوبببن
**** منتبهت على التلفون والله
( لم اكذب فعلا افكاري كان صوتها اعلى من هاتفي بكثير )
---يله جايتج حضري نفسج
*** اني اصلا طلعت تعالي للكافيه
--- طلعتتتتي ؟؟؟ شكو صاير شي
**** لا والله هيج عجبني

بعد حوالي الساعه كانت نوره امامي ... لم يعجبها منظري

---شبيج ؟؟؟
*** مابيه ليش شكو ؟
---لابسه اسود ... اعترفلج احد خطبج احد ؟
( نعم انها احد عاداتي الغريبه ظهور رجل في حياتي يكأبني الى درجه ارتداء السواد والجلوس وحيده يوما كاملا وبعدها يأتي للقرار متشابه دوما )
--- حسب خبرتي بمثل هيج كعده ولبس اكدر اكول احمد حينرفض
*** ماكو شي بيني وبين احمد حتى ارفضه او اقبل بي
(نضره غير مقتنعه تماما اطلت من عينيها )