ريا...........
هذا هو يومي الاول في الجامعه كنت متحمسه بشدة ارتديت معطف طويل صحراوي اللون مع بنطرون جينز اسود وحجاب بيجي دخلت الى الجامعه كنت اشعر بالغربة لم تكن اي من صديقاتي في نفس كليتي كلية الهندسه لذا كان علي ان اكون صداقات جديدة .......
دخلنا الى اول محاضرة دخل استاذ كان منذ دخوله مستعجل اسرع الى السبورة وبدأ يكتب
الاستاذ:طلاب احنه متأخرين لازم اشرحلكم اليوم
ريا:هذا شبي مخبل لا سلام ولا كلام كبل للسبورة ادري منو راكض وراه
ضحكت الطالبة التي كانت تجلس بجانبي
اديان:ههههههههههه لج سكتي ليسمعج ويطردن
ريا :اوك راح اسكت
تم حبسنا بالمحاضرة لمدة ساعتين (راح الريست ما ضن بعد تحصلونه طبعا اثناء المحاضرة كلساع اغفي هذا حالي وحال كل طلاب اصلا الاستاذ يشرح للحايط )
@zahraa362
انتهت المحاضرة ومن رحمة الله بنا ان المحاضرة التالية لم يأت الاستاذ لان لديه اجازة .
خرج الجميع من القاعه وهم يتنفسون الصعداء واثناء سيري لمحت شاب لا اعرف لما لفت انتباهي ولكنه كان ينظر لي اخفضت نظري واستمريت بالسير (عيب ريا شنو هاللطلطه من اول يوم استحي)
اصف لكم نفسي انا فتاة شكلي معتدل عينان كبيرتان بنيتان وبشرة حنطاوية فم ممتليء الشفاه وارتدي نظارة طبية وجهي مدور وعريض جسمي ممتليء وطولي متوسط (فديتني اخبل )
لا ازال وحدي اسير ولا ادري الى اين اذهب بقيت اتجول في الكلية ثم جلست على احدى المصطبات
اديان :اممممم بما انو انت وحدج راح اعرفج عن نفسي اني اديان واداوم وياج بنفس الشعبه
ريا: هلو اديان اني ريا ومنا ورايح راح اني وياج نصير صديقات احسن مما اكعد بحدي
اديان:ماشي واني عندي صديقه اسمهه سمى بس هي لاطشه بالحمامات تعدل بشالهه جزعتي عفتهه وطلعت لان اختنكت وهسه شويه وتجي مثل المخبلة لان متعرف تمشي وحدهي
ريا:ههههههههههه مبين اني شجاعه وداعتج صارلي ساعه افتر وحدي رحت للكافتريا واشتريت واكلت واني كله وحدي
اديان:عزه ومريتي بنص التجمع مال الولد بحدج
ريا:عادي قابل راح ياكلوني
سمى:شنو عيني ادون عفتيني بحدي ورحتي لج هسه اذا اكتلج احد يكلي ليش
اديان:احم اعرفج بسمى صديقتي من السادس اعدادي وهذي ريا الكتلج عليهه بالحمامات لمن قلدت علة ابو الميكانيك
@zahraa362
ذهبت ملامح الغضب من سمى وجلست معنا
سمى : هلو ريا اتشرفت بمعرفتج
ريا : اني الاتشرف بيج حبيبتي
قضينا الوقت نتحدث وندردش ولا زلت اشعر بنظرات ذلك الشاب الذي يلاحقني الى كل مكان اذهب اليه حتى حين كنا جالسين على المصطبه انا وسمى واديان كان هو جالس مع اصدقاءه في المصطبه المجاورة لنا (ريا عقلي مو مال خبالج هستوج داومتي اكيد هو مو بحالج يجوز عنده مشكله بعيونه مستحيل معجب بيه)
جود:حازم حازم .......لك حاااااااااازم
حازم:هااا شبيك شصار الكبر خرعتني
جود: الله يهني الماخذه عقلك
حازم:لتلوص بالحجي منو ماخذ عقلي قابل
جود:شمدريني
حازم:اكلك اني جوعان شوفلنه هذا ابو كرش ايمن وينه خلناخذة ونروح ناكل فلافل بالكافتريا
جود: لك مو تتدلل روميو هسه اخابرلك ايمن ونشطح
ايمن:مشتهي لفة فلافل مغركه بالعمبة
حازم:من شفتك وشفتني وانت تفكر بالفلافل حته بفترة المراجعة امك حاطة يمك جيس كله لفات فلافل اخاف تموع روحك حاطتلك مغذي يمك
ايمن:هذا شبي الخبل حامي علية
جود:عوفك منه ايموني حبيبي هذا روميو عشكان وطاكه فيوزاته
@zahraa362
حازم:لك لتكول عشكان تدري صوجي كاعد وياكم
جود:لا يمعود لتزعل صلي عالنبي امشي ناكل فلافل انت مو عشكان بس جوعان وانت مو انت وانت جوعان يله امشونا .........
ريا.................
في الساعة الثانيه والنصف عدت الى المنزل كنت متعبة بشدة بدلت ملابسي وصليت ونمت دون تناول الغداء استيقضت في الساعه السادسه وفتحت هاتفي لارى ماذا يوجد في الفيس رايت طلبان للصداقه احدهما من سمى والاخر من اديان وافقت مباشرتا ودخلت الى اديان لاكلمها على الماسنجر
ريا:هلو ادون حبي
اديان:هله برور لج خلاضيف هاي العوبه سمى للدردشه خلنسولف سوة
سمى:هلو بنات
اديان: اجت النعسانه
ريا:هلو سمسم
سمى:بنات اني اروح امي تصيحلي باي
اديان:دومهه هيج تسوي تي وتولي
ريا :عوفج منهه اكيد مشغوله
اديان :اي مشغولة تسوي غده الرجلهه والجهالهه
ريا:لج ادون عوفي البنيه وركزي وياي
اديان:ها حبي كولي
ريا :وجعا شوفي هذا الاستاذ راح يضيعنه لان مثل الاطرش بالزفه كلشي ما فهمت منه
اديان:والله اني هم لج نمت نومه تخبل بالقاعه
ريا :لازم نشوفلنه حل
اديان:باجر نسأل البنات ونشوفلنه وحده تفتهم تشرحلنه
ريا:اوك يله حبي اني اروح شويه اكلب بالمحاضرة بلكي افهم شي
اديان:اوك حبي اني هم احاول يله باي
ريا..........
في المساء جهزت ملابسي من اجل الغد ثم ذهبت لانام كنت مستلقية على سرير وقد فارقني النعاس كنت افكر بذاك الشاب تبا له اريد ان انساه (طبعا هو فد واحد مز ادري صرت ملطلطه بس غير اوصفلكميا المهم هو طويل يعني اوصل الجتفه وجسمه عضلات وشعره اسود ويخبل وعيونه عسلية ولحية خفيفة ولبسة مرتببقيت افكر هذا شعنده يباوعلي معقولة معجب دخليطير قابل الحب من اول نظرة )
حازم...........
كان اول يوم لي في الجامعه حين رأيتها جذبت اهتمامي من دون البنات دخلنا الى القاعه كان الاستاذ ممل لكنني لم امل طول المحاضرة وانا احدق بها ابتسمت حين سمعت تعليقها على الاستاذ .لما افكر بها؟
ريا
دخلت الجامعه وانا اشعر بالنعاس تبا لك يا......انا حتى لا اعرف اسمه لقد جعلني افكر به وبينما انا اسير شاردة الذهن اصطدمت بجسد ضخم وسقطت اوراقي ومحاضرات الشخص الذي صدمت به
ريا:اسفة مجنت منتبهه
حازم:اني الاسف جنت امشي سريع وما انتبهت
ورفع الاثنان رأسيهما وانصدما حين راا بعضيهما للحضات بقيا صامتين(هي هي رباااااافي)
عادت ريا الى الارض وبدات تجمع محاضراتها ومحاضرات الشاب وساعدها حازم واعطاها محاضراتها
ريا:شكرا الك وهاك هذني محاضراتك
اخذ المحاضرات من يدها ولمس اصابعها ارتجفت واحمر وجهها ثم همت بالرحيل وهي مرتبكه
حازم:انتظري
ريا:ننن ....عم شتريد؟
حازم:انت طالبة ويانه مرحلة اولى؟(خرب شنو هالسؤال السخيف اكيد مرحلة اولى مو داومنه سوة نفس القاعه)
ريا: ااا ....اي نعم
حازم:اني حازم طالب وياج واي شي تحتاجي تعالي الي لان اني خالي مهندس ويشرحلي كلشي
ريا: رياا ......اقصد اسمي ريا
حازم:اهلا وسهلا بيج
ريا:روح....اقصد لازم اروح لان راح تبدي محاضرتي اني استأذن
حازم:براحتج
ذهبت مسرعه وابتعدت عنه وانا افكر لما اصبحت هكذا لما تلعثمت وخجلت واثناء تفكيري اصطدمت من جديد ولكن حمدا لله كانت سمى واديان
اديان:يمه اسم الله شبيج شصاير شو متخربطة احوالج
ريا:ما بيه شي شبيه اخبل
سمى:شلون ما بيج شي وجهج احمر وتلهثين وتمشين سريع تعاي للحمامات سولفيلي
ريا:اوك واريد مي لان حلكي يبس
اديان:راح اجيبلج مي من البراد بس اذبحج اذا حجيتي شي قبل لا اجي
ريا:دروحي جيبي اصلا مااكدر اسولف شي قبل لااشرب مي
شربت الماء واخبرت سمى واديان بما حدث معي
سمى: يمه الحب يمه الحب
ريا:انجبي
اديان: لتخافين احنه ستر وغطه عليج بس والله موقف الفين وهسه
رفعت يداي وقلت:يا رب يجي يوم ويصير هيج وياجن
سمى واديان بصوت واحد:امين
ريا:كبر ملطلطات متصيرلجن جارة اروح للمحاضرة احسنلي الحك عليهه
اديان:ترحين للمحاضرة لو ترحين تشوفين الحب الكاعد بالمحاضرة
سمى:دتعاي عدلي شوية خيشوفج صاكه
ريا:مو اكلجن خبلات
دخلنا الى القاعه كانت محاضرة الرياضيات قد بدأت ودخلنا متاخرين لكن الاستاذ سمح لنا بالدخول لانها المحاضرة الاولى لنا
وها انا من جديد اشعر بنظرات حازم (لك حباب لتباوعلي والله اني ملطلطه واصدك بساع)
بعد المحاضرة ذهبت الى الخزانه الخاصة بي لاضع محاضراتي وتركت اديان وسمى في الحمامات .
كنت اقلب بمحاضراتي حين وجدت محاضرة مكتوب عليها اسمه حازم محمد (خرب تبادلنه بالمحاضرات شلون انطي محاضرته)اخذت المحاضرة وتوجهت الى القاعه عساني اراه لاعطيه محاضرته
دخلت الى القاعه كان يجلس مع اصدقاءه بقيت واقفه عند الباب (هذا شلون هسه احاجي ) انتبه حازم الي ونهض من مكانه
حازم:هلا ريا رايده شي؟
ريا:العفو حازم بس ردت انطيك محاضرتك واريد محاضرتي صار اشتباه
ابتسم حازم (لك لتبتسم تريد تجلطني )
حازم :اوكي هسه اجيب محاضرتج
سلمني محاضرتي وانا ذهبت مسرعه
جود وايمن ينضران الى حازم
حازم:شبيكم
جود:لك علينه
ايمن:منو هاي ولك؟
حازم :طالبة زميلتي بالقاعه
جود:وشعدهه محاضرتك يمهه؟
ايمن:تشرب جاي
حازم: موتتني من الضحك
جود :دحجي لتشلع قلبي
حازم: البنيه بالقاعه بالغلط اخذت محاضرتي واخذت محاضرتهه وكلشي ماكو
جود:بس صاكه
حازم: عيب لتحجي هيج شنو صاكه متستحي ما عندك خوات
@zahraa362
ايمن:مبين مصخن الولد امشي ناكل فلافل هسه يرجع طبيعي .....................
سمى:روري وين جنتي
ريا:وين جنت يمجن غير اختنكت من الحمامات وكلت انتظرجن برة وشفت بنيه اعرفهه رحت حجيت وياهه ورجعتلجن
سمى: اهاا كلتي صديقتج
ريا: اي صديقتي
سمى:ماشي
اديان:شداتلغن؟
ريا :ولا شي
اديان:لعد امشن للكافتريا قبل لا تبدي المحاضرة خلاكلي لفه ميته جوع
ريا:اني ما اشتهي
سمى :ولا اني
اديان:وتعوفني وحدي
سمى:شنسويلج مو جوعانين كوه
انزعجت اديان وذهبت للكافتريا لوحدها
ريا:شبيج سمسم علة كيفج وياهه
سمى:هي مدري شبيهه تضوج بسرعه لج هاي خبلة ماعدهه غيرنه هسه ترجعلنه
ريا: اوك لعد خلنكعد عالمصطبة ننتضر تجي
ذهبت اديان الى الكافتريا وذهبت الى مكان بيع الطعام كان هناك الكثير من الطلاب الواقفين
@zahraa362
اديان:اوف شسوي هسه اذا الزم سرة تخلص المحاضرة واني بعدني واكفه
كانت اديان واقفه تنتظر شاردة الذهن
ايمن: ميصير تبقه بنيه رقيقه مثلج واكفه هواي
ووضع احدى الاكياس بيد اديان وسار مبتعدا مع حازم وجود
اديان:انتظر هاي شنو ؟انت منو؟انتظر خلادفعلك
بحثت عن حقيبتها لكنها نسيت الحقيبه في القاعه رفعت رأسها كان الشاب قد اختفى
اديان(اوووف هسه شسوي وين اودي اللفه اووووف جوعانه خلاكلهه بس والله فشلة هذا ليش هيج سوة)
قامت باخذ قنينة عصير واخبرت البائع بانها ستدفع له لاحقا
جلست اديان مع سمى وريا وبقيت صامته
سمى:ها عيني وين وصلتي
اديان:سكتي انت ما احاجيج
ريا:شبيجن عبالك ديوجه تتعاركن
اديان وسمى:وانت الثانيه سكتي
ريا:اكول ادون شلون شتريتي اللفه وجنطتج يمي لكيتهه بالقاعه واخذتهه؟
اديان: ها...لا موو ....ابو الكافتريا كلي عادي بعدين جيبي الفلوس
سمى:اكلجن بنات بعد شوية وتبدي المحاضرة يله ادون استعجلي
اديان:هاي كملت بس نروح للحمامات اغسل
دخلنا للمحاضرة كانت محاضرة استاذ الميكانيك
ريا:ما الي واهس ادخل محاضرته بس شسوي الخاطر الحضور ادخل
سمى:مال سجينه وادجه بيهه
اديان:اعصابج سمسومه استحملي
الاستاذ:يلة طلعوا اوراق وكتبوا اساميكم خلاكوزكم
وانتن تفرقن
واشار بيدهه الى مجموعتنا انا وسمى واديان
ريا :احنه استاذ؟
الاستاذ:اي يلة بسرعه تفرقن هذا كولة من وقتكم مال الكوز
اديان:علاساس احنه فاهمين واذا كعدنه سوة راح نغش هو احنه كلنه مثل الاطرش بالزفه كومن
غيرنه اماكننا وبدأ الامتحان السؤال صعب او بالاحرى نحن لم نفهم شيء من المادة قبل انتهاء الوقت سلم الجميع اوراقهم عدا حازم الذي سلم ورقته مع انتهاء الوقت
اديان :بنات اني ضايجه هذا الاستاذ الخبل كوزنه علة اساس هو شرحه يخبل
سمى:سلمت الورقه فارغه
ريا:اني هم بس اسمي كاتبته
اديان:بس ارد اعرف حازم شكتب شو بالاخير سلم ويتوسل بالاستاذ حته ينطي وقت يطلع الناتج
@zahraa362
