ريا:دشوف يحضي الناس شلون تحب خو مو مثلك
حازم:عود ردت انطيج فد شي بس كسرتي واهسي
ريا:لا حباب شنو شردت تنطيني
حازم:بعد زعلت شيرضيني
ريا:زين اسفه
حازم:ميفيد الاسف قلبي مجروح
ريا:زين شسوي وترضى امممم احبك
حازم:متفيد سمعتهه هواي منج
ريا:دكول شسوي
اشار الى خده
حازم:قلبي المجروح متشفي غير بوسه من حبيبتي
ريا:بس مو الناس تشوفنه واهلنه كاعدين
حازم:ملتهين بايمن منو بحالنه يله بسرعه قبل لا يكمل
ريا:ماشي
اقتربت لاقبل خده لكنه ادار وجهه والقبله صارت على شفتيه ابعدته بصعوبه لانه وضع يده على رقبتي حين ابتعد كان الجميع ينضر الينا
ريا:خرب كلها شافتنه شكد متستحي انته
وين اودي وجهي هسه
حازم:لتودين وجهج الاحد باعيلي بس الي
ريا:هسه بعد هالفشله يكون هديه بيهه خير
اخرج حازم باقه كبيرة من الورد الاحمر وعلبة شوكولا
كلاكسي
ريا:ورد احمركلاكسياحبك حزومي
حازم:بعد مفاجئتين
ريا:راح انجلط
اخرج علبة وفتحها بداخلها قلادة ذهب على شكل قلب نحت على احد جانبيه اسمى وبالجانب الاخر اسمه
جلس ايمن بجانب اديان التي كانت في قمه سعادتها
بعد قليل بدأت الالعاب الناريه جميع الطلاب الخاطبين جعلوها مفاجئة لخطيباتهم نظرنا للسماء بدات الالعاب الناريه رأيت اسمي (ريا حبيبة حازم للابد❤)
(ايمن احبج ادون يا طفلتي❤)
(جود احبج يا مرتي وام زعاطيطي❤)
ريا:احلى مفاجئة فديتك حبيبي
سمى:مع انو داامر بايام كره تجاهك بس صدك تأثر وبجيتني ترة الحمل مأثر عليه
اديان:نيالي بيك حبيبي الرومانسي
جود:وانت سمسم هديتي الج بالبيت
سمى:كلشي ما ريد بس رجعني تعبانه حيل
جود:براحتج بس ردت انطيج هذا
ثم اخرج صندوق فتحته سمى
سمى:موبايل جديد لك هذا احدث شي حتى احدث من موبايلك فديتك حبيبي يمكن راح اجيب هسه من الصدمه
اما الهديه الثانيه فهي غرفة للطفل الجديد الذي كان صبيا حين فتح باب الغرفه انصدمت من جمالها كل شيء باللون الازرق احتضنت جود وقبلته
جلس جود على الارض وقبل بطن سمى المنتفخ
جود:تعال بسرعه يا بعد روح ابوك
اخفضت سمى رأسها وقبلت رأس جود
في العطله اقيمت حفلة زفافي وبعد شهر حفلة زفاف اديان كانت بطن سمى كبيرة ولكنها اصرت ان ترقص كانت حفلة رائعه وبعد زواج اديان بيومين انجبت سمى
صبيا كان جميلا كوالده
قبل جود جبين سمى التي كانت لا تزال متعبه
جود:الحمد لله عالسلامه حبيبتي
سمى:الله يسلمك
ثم اخذ الطفل من بين ذراعي سمى
جود:الف الحمد والشكر طلع يشبهني الحمد لله ميشبه امه جان ضاع مستقبله يا رب كمل نعمتك عليه ولتخلي راسه يابس مكفيني عنوديه وحده مالي خلك ثنين
سمى:شنو همزين ميشبهني شنو اني مو حلوة
قبل جود راسها
جود:اتشاقه وياج قلبي فديتج جبتيلي احلى هديه بالدنيه اصلا تخبلين واكيد الطفل الثاني بنيه تشبهج
سمى:ان شاء الله ويتربون بعزنه
اقترب جود ليقبلها لكن باب غرفه فتح
دخل الاربعه الغرفه
ريا:يمه حبيبي فدوة يخبل
واخذته من جود
جود:تره هستوني لزمت ابني
ريا:اي هو باقي يمك اني بس هسه اشوفه
اديان:الحمد لله على سلامتج سمسم
سمى:الله يسلمج حبي والله ماله داعي تجون يعني هستوكم عرايس خصوصا انت ادون صارلج يومين
اديان:لا شلون منجي احنه خواتج صحيح بعدني عروس بس الله يخليني سوحلت ايمن وجيت
ايمن:مو شفتي صديقتج يله امشي نرجع للبيت
اديان:شبيك مستعجل دخلنشوف البنيه
ريا:هذا الطفل الي خلفوا غيرة قلبي تعلق بي
جود:مو هي بكيفج السالفه خلفي انت وهذا حازم
ريا:ما ما ريد اريد هذا شيصبرني 9اشهر
اخذت اديان الطفل من ريا
اديان:الله يخلي طالع نسخه عن ابو الحمد لله مو عليج اهم شي مو عنودي
سمى:شكلولج قردة اني وتستحمدون لان ما يسبهني بعدين يمته عنيده اصلا حبابة وماكو مني
اديان:شراح تسمو
سمى:محمد حمودي فدوة القلبه
حازم:شباب خلونه نروح نشرب جاي نسكافي شي وعوفوا البنات براحتهن
ريا:همزين افتهمت لان كاتمين على نفسنه
حازم:كبر مو شكول احترام
خرجوا من الغرفه
سمى:بما انو طلعوا ادون حبي عيد ميلاد سعيد ان شاء الله السنه التجي الجاهل بيدج وحامل بالثاني
ريا:اي وايمن يبطل بعد ميريدج لان تصيرين جنج برميل
اديان:عابت شلون صديقات حتى معايدتجن تلعب النفس
ريا:عابتلج مو زين متذكرين عيد ميلادج
اديان:اي هم صدك عالاقل تذكرتن لان ذاك الخبل ناسي شكد لمحت وما طخت
ريا:لتنقهرين اكيد يتذكر ومغلس حتى ميصرف فلوس
سمى:شوف هاي الثانيه اجت تكحلهه عمت
اديان:يله شسويله اني هم بعيد ميلاده اضربه بوري خليصبرلي
ريا:سمسم
سمى:شنو يقلبي
ريا:باجر راح نسافر احن الاربعه علمود شهر العسل لذلك اجينه نودعج
سمى:يا رب تتونسون
اديان:الله يسمع منج
@zahraa362
سمى:بس وين ترحون
ريا:لكوريا
سمى:واقتنعوا
اديان:اي بطلاع الروح بس كدرنالهم
سمى:يمه النسوان شلون فريتن عقولهم اويلي
ريا:يوم الالج وتسافرين
سمى:بعد كبرنه وصار عندي حمودي شسافر
اديان: شويه يكبر ونسافر كلنه سوه
ريا:بنات
سمى:ها لج
ريا:اني حامل
اديان:وحازم يدري
ريا:لاع
سمى:وشوكت مقررة تكوليله
ريا:ما دري بي خاف اكله وميخليني اسافر
اديان:والله يخيه بكيفج
ريا:يوم الالج ادون وتجيبين بنيه وابني وابن سمى يتعاركون عليهه
اديان: ما ريد ولدجن خاف صايعين عليجن
سمى:انجبي لج ابني متربي احسن تربيه
ريا:اي وحتى ابني
سمى:اكول ريري شو صارلج ساعه مجلبه بابني وتردي تالي طلعتي حامل ايا خبيثه تريد مال الله وعباده
دخل حازم وايمن وجود
ريا:اششش سكتن
حازم:شكو اششش وسكتن جنتن تكصن بينه
ايمن:عوفهن نسوان والتمن شعدهن غير الكص البشري ووحده تشكي للثانيه على رجلهه الله وكيلك لو يتزوجن نبي هم يضلن يتشكن
جود:نسوان
سمى:شبيهن النسوان
جود:يخبلن بس لتعصبين
اديان:يله خلنروح كافي حتى سمى ترتاح
ودعنا سمى وخرجنا
كان ايمن يشاهد التلفاز بينما اديان توضب الحقائب
اديان:ايمن وين ساعتك مو كتلي تريد تاخذهه وياك باجر شو دورتهه ما هيه
ايمن:دوريهه بالمجر اكيد موجوده
ديان:اوووف منه ولا يساعدني عالاقل خليجي يكلي عالغراض اليريد ياخذهن
فتحت المجر اخذت الساعه لكن هناك علبه صغيرة غريبه لم ترها من قبل حملتها وفتحتها كانت قلاده على شكل فراشه احست بايمن خلفها طوقها بذراعيه وقربها اليه وطبع قبلة على وجنتها
ايمن:عيد ميلاد سعيد ادون
اخذ القلاد والبسها لها ثم ادار اديان ليصبح وجهها امامه
ااديان:امممم بس شمدريك هاي عاجبتني عبالي من احجي وياك متسمعني
ايمن:كلشي تحجي اسمعه بس هالمرة سويت نفسي مغلس حتى اسويهه مفاجئه الج ادري هاي الكلادة عاجبتج
اديان:شكرا حبيبي
في الطائرة جلست اديان بجانب ايمن وانا بجانب حازم
كانت رحلتنه في السادسه لذا خلد حازم للنوم
ريا:حازم حاااااازم حاااازم اكعد
حازم:شبيج بعد ساعتين ياله نوصل عوفيني انام
ريا:ضايجه سولف وياي لو خلينا نتبادل اني وايمن حتى اكعد يم اديان
حازم:ثنين متزوجين هستوهم تخربين كعدتهم ليش
ريا:لعد شسوي ضايجه وانت نايم واني منعسانه
حازم: اريد انام اذا حجيتي بعد حجايه اشمرج منا
وشار الى نافذة الطيارة ثم ارجع رأسه للوراء لينام
امسكت يد حازم ووضعتها على بطني
ريا:مدام هيج تسوي جاسميه راح تزعل
حازم:طكن فيوزاتج يا جاسميه
ريا:بتك جاسميه الموجوده هنا
واشرت الى بطني
حازم:حاااامل يعني راح اصير ابو
ريا:لا تصير طلي
حازم:لو ما حامل جان انطيتج بوكس فريت راسج
ريا:عابتلك انام احسلي
حازم:لج شتنامين خلت النوم يطير وتريد تنام
ريا:اي مو جنت افكر بطريقه اكلك بيهه اني حامل فما كدرت انام بس هسه كتلك فخليني انام
حازم:من شوكت تدرين
ريا:من رحنه السمى للمستشفى قبل لا افوتلهه رحت سويت تحليل وطلعت حامل
حازم:وليش ما كلتي
ريا:ادري بيك خبل متخليني اسافر اذا عرفت بيه حامل
حازم:زين ليش جاسميه خو اسم حلو لتيف تره ما معقوله الامايه ريا وبتهه جاسميه جنهه لاعب مال دفاع بكرة القدم
ريا:انت راح تجيبهه لو اني انت راح تتعب بولادتهه لو اني اكيد اني لذلك خليني اسميهه على كيفي جاسميه حلو اذا طلعت تشبه جهرتك جاسميه حازم ايباااا اصلا الاسم جنه اغنيه
حازم:عابتلج واذا طلع ولد
ريا:مادري بس متأكده بنيه واسميهه جاسمية
حازم:اللهم طولج يا روح
ريا:اشاقه زعل ابو دميعه
حازم:خليجي بالسلامه وعود نتفق على اسم
@zahraa362
استمتع بكل جزء من حياتك ولاتغرق نفسك بالحزن فالله سوف يعوضك عن كل احزانك فقط اصبر وانتظر وسووف تنال ماتريد واعلم انه لو اجتمع العالم على ان يمنعو شي من نصيبك لن يستطع مادام الله كتبه لك
انجبت انا فتاة اسميتها نور اما اديان وايمن فكانت لهما فتاة اسموها دنيا وعاشو بقيه حياتهم في سعاده قصتنا هذه خياليه لكن يجب ان نتعلم منها شي واحد هو الصداقه هو ان نعطي لمن نحب حقهم ونساعدهم في اصعب الظروف ان نبين لمن نحب حبنا هنا انتهت رحلتي انا وبطلات روايتي ولكن رحلتكم لم تنتهي نصيحتي لكم لاتتركو شي يوثر على حياتكم المشاكل تذهب لاكن العمر لايعود والحياة قصير استمتع بكل جزء من حياتك
النهايه
زهراء يسار
