اديان:لا خاله باكو تعب سبى اختي يله اني اترخص
والدة سمى:الله وياج بنتي
اديان:يله حبي ريا اني اروح هذاك بيتنه
ريا:وتعوفيني وحدي شلون ارجع للبيت
اديان:وي حازم رجعي الولد حباب واكيد يرجعج
ريا:ادون انت مصخنه شنو هالحجي
اديان:اي والله مصخنه وتعبانه ويجوز باجر ما اداوم اني هم
ثم اخذت اغراضها وتركتني واقفه مع حازم
حازم:يله نمشي؟
ريا:يعني عادي توصلني با اثقل عليك؟
حازم:انت امانه بركبتي مثل ما طلعتج من الجامعه اوصلج الاهلج
ريا:ماشي
ركبنا في السيارة كنت اشعر بالخجل لاننا لوحدنا كنت خافضة رأسي طول الطريق
حازم:ريا هسه مين افوت؟
ريا:الفرع الجاي عاليبنه فوت بي بعدين لوف عاليسرة تجيك ساحه تلوف عاليبنه البيت الركن بابنه سباوي
حازم:يمين يسار يمين يسار اندليته
ريا:
حازم:وجان نوصل
ريا:شكرا بع السلابة
حازم:بع السلابة
ريا:لتقلد عليه يا رب يجي يوب وتصير بنشول وبتلفظ البيب
حازم:اذا بنشول وانت تداريني شكو بيهه اتبرض السنه كلهه
ريا:كااافي تقلد
شعرت بالخجل اخذت اغراضي وتعثرت عدة مرات حتى وصلت لانني كنت متعبه ايضا
في المساء فتحت الفيس كانت سمى واديان موجودات دخلت الى دردشتنا
ريا:شلونجن بنات وانت سمى شلون صرتي؟
اديان:هلو ريا حبي
سمى : الحمد لله احسن جان ضغطي نازل
ريا:الحمد لله عندج العافيه
اديان:لج سولفيلنا شصار بالطريق وي حازم من وصلج وحدج؟
سمى:ريا رجعت وي حازم وحدهم
ريا: اي سمسم رجعت ويا وحدنهوانت اديان حقيرة عفتيني ورحتيما حبج
اديان:لتحبيني شعور متبادل بس سولفي شصار؟
ريا:يعني شصار عادي بقيت خجلانه طول الطريق ودليته على بيتنه وبعدين قلد على حجيي لان مالفظ الميم وضجت ونزلت وخلص
اديان:اي جذبي علينه اصلا جنتي فرحانه صاعده ويا عيني هذا حبيب الالب
سمى:احجي لج شسوالج احنه خواتج
ريا:ولجن والله مصار شي اوووف ضوجتني اني اروح انام تصبحن عله خير وسمسم عندج العافيه
سمى:تصبحين علة حزومي
اديان:قبل لا ترحين ترة باجر دبري حالج لان منداوم اني وسمى
ريا:خائنات غير صديقات دومجن عايفاتني
سمى:والله جان داومت بس امي متقبل
ريا:اوكي ادبر حالي
في اليوم التالي كنت لوحدي في الكلية لان سمى واديان لم تأتيا (رجعت الفظ الميم )
كنت جالسه على احدى المصطبات حين شعرت بضل احد ما
ايمن:صباح الخير ريا اكيد شايفتنه اني ايمن صديق حازم
جود:شلونج ريا واني جود
ريا:صباح النور ايمن واهلا جود
جود:اكيد مستغربه ليش اجيناج بس ردنه نسالج عن سمى شلون صارت خصوصا انو اني البارحه قبل المحاضرة الاخيرة تعاركت وياهه
ريا:سمى الحمد لله زينه البارحه حاجيتهه نازل ضغطهه جان لان ما ماكله فاكلت وارتاحت صارت زينه بس امهه اليوم مخلتهه تداوم
ايمن: زين اديان شو ماكو
ريا:اديان وي سمى نفس السايق يوصلهن واديان تضوج تجي وحدهي وهي هم جانت البارحه تعبانهبس ليش هيج مهتمين رايدين شي منهن؟
جود :لا بس باعتبار زميلاتنه وانت صديقتهن كلنه نسالجعالعموم شكرا
ريا:عفوا تتدللون
سارا مبتعدين عني فجأة سمعت صوت احدهم
حازم:شلونج ريا
ثم جلس على المصطبه
ريا:الحمد لله
حازم:بما انو اليوم انت وحدج قررت اصير صديقج وامشي وياج
ريا: بس اليشوفنه شيكول
حازم:يكول اليكوله المهم متبقين وحدج
ريا:لا مشكور هسه يجن مريم ونسرين واضل وياهن
ثم قمت من مكاني
حازم:ريا انت ليش تتجنبيني
ريا :ما متجنبتك بس احنه بنص كلية والناس مترحم لذلك ما ريد احد يحجي علية واني كلشي ما عندي
ثم اكملت سيري مبتعده كان هذا اليوم مملا لقد اعتدت على مزاح اديان وعلى سمى التي تجلطني بتاخرها في الحمامات لتعديل حجابها
في اليوم التالي استقبلت اديان وسمى بحرارة كانني لم اراهما منذ سنه
ريا:عوبات اشتاقيتلجن
اديان:احنه هم
سمى:اي سولفي شصار وي حبيب الالب اكيد كبلتي وما فاركتي
شعرت بالحزن لتذكره احنيت راسي للاسفل
ريا:لتجيبن طاري ما ريد بعد افكر بي
اديان:شسوالج؟
ريا:ما سوة شي بس كافي ما ريد اسولف بي
دخلنا الى المحاضرة فوجئنا بجود وايمن جالسين مع حازم في القاعه جود طالب في الهندسه الكهربائيه اما ايمن فهو طالب هندسه حاسبات والاثنان بالمرحله الثانيه اما حازم فهو معنا في الهندسه المدني لكنه رسب في الصف السادس (عاد السادس)
جلسنا في اماكننا لان سمى واديان طويلتان فهما تجلسان في الصف قبل الاخير اما انا فاجلس في الصف الثاني كان الاستاذ يشرح فجأة وقفت سمى مفزوعه ثم عادت وجلست انتبه جميع من في القاعة لها
الاستاذ:نعم سمى عندج شي تردين اوضحلج شي؟
سمى ووجهها انقلب احمر:لا استاذ ما عندي شي
@zahraa362
كان جميع من في القاعه يكتم ضحكته خوفا من الاستاذ ولكن ما ان خرج حتى انفجر الجميع ضاحكين
كانت سمى تشعر بالاحراج
ريا :انت ليش طفرتي؟
سمى:لج ابو بريص مر على رجليه
اديان:بس والله منظرج يضحك
سمى:كافي لج راح اسمطج بوكس
ريا:بنات المحاضرة التجي ما ريد افوت احس روحي مخنوكه
سمى:ما عاش اليخنكج يله نضرب المحاضرة ونديح ذهبنا الى الكافتريا قمنا بشراء الايسكريم (طبعا البنات ليهسه ما طابن من النشله وعاندن الا يشترن ايسكريم بالشته حته ابو الكافتريا صفن علينه) ثم ذهبنا الى المساحه الترابيه الواسعه التي يتوسطها طريق يؤدي الى كلية الاداب سرنا به ونحن نضحك ونمزح
اديان:بنات ارد احس بشعور اليمشون عالبحر ارد انزع حذائي
قمنا بنزع احذيتنا كانت الارض دافئة كنا نسير ونضحك(طبعا الجو بالعراق العضيم يوميه شكل اليوم جان الجو دافي والشمس طالعه )
ريا:بنات احبجن
اديان:واحله تحيه الاحلة حدايق
سمى:بله اجه احد وشافنه مخربين البرستيج ونمشي حفاي شيكول علينه
اديان:يكول خبلات
كانت المحاضرة قد انتهت وتم تسجيلنا غياب
وسن:وين جنتوا بنات ترة تكوزنه
ريا:اوف صفرنه من اول كوز
في هذه الاثناء دخل ايمن وجود الى القاعه وتوجهوا الى حازم تكلموا معه قليلا ثم توجه الثلاثه نحونا
ايمن وجود وحازم:سلام بنات
اديان وريا وسمى:عليكم السلام
ايمن:الحمد لله عالسلامه سمى
جود:ان شاء الله صرتي احسن
سمى:الحمد لله الله يسلمكم
جود:اني اعتذر منج عالموقف الصار اول امس
سمى:عادي مصار شي
اديان:ايمن هاك فلوس اللفه ولتشرد ولتكلي ما اخذهن
ايمن :هسه هي خمسمية دينار خبصتي الدنيه عود عزميني فد يوم عله قوطية بيبسي
اديان:لا عزمك ولا تعزمنياخذهن وفضهه
لكن ايمن سار مبتعدا
اديان:خرب لوما ولد جان حطيت الفلوس بجيبه بس المشكله ولد
حازم:ريا شو ساكته
ريا:شحجي
حازم: ليش ما دخلتوا محاضرة؟
ريا:وانت شيخصك
ثم وجهت كلامي لسمى واديان
ريا:بنات يله خلنروح
شعرت بنظرات حازم الغاضبه (طبعا راح اضيع الولد من ايدي حته اذا جان معجب بيه راح يبطل)
خرجنا من القاعه
اديان:سمسم هذا جود ليش اعتذر منج شنو شصار شو ما سولفتي النه ؟
سمى: هذاك اليوم من فتت للقاعه انطخ جتفه بجتفي وتعاركت ويا
ريا:اني بصراحه ما حبه لا هو ولا حازم وايمن
اديان:خلينه ننساهم وتعالن نتونس
سمى:لج ريا اني واديان اكتشفنه شجرة مال نبك محد يدري بيهه لج كل نبكايه هاكبرهه
ريا:خبلات
اديان:لج منشاقه امشي نوديج الهه وشوفي بعينج
فعلا كانت هناك شجرة كبيرة
ريا:اشتهيت النبك بس سولفنلي شلون نشلعه دشوفن شلون عالي
اديان:انتظرن اني احلهه
ابتعدت اديان عنا قليلا
سمى:طبعا الله اليستر هاي البنيه خبلة وكلشي يطلع منهه
ريا:خلينه ننتظره ونشوف
رجعت اديان
ااديان:عود عبالي الكه عوده جبيرة بس ما لكيت
سمى: اني عندي حل
ونزعت حقيبتها ورمتها على الشجرة ولكن حقيبتها علقت بالشجرة
ريا:اويلي على افكارج وهسه شلون تجيبين جنطتج
سمى:اوووف هسه شلون
جود:هاي شداسون؟
فزعنا نحن الثلاثه عند سماع صوته والتفتنا اليه
اديان:خرعتنا
سمى:هسه دطلع صوت من تمشي خو مو على غفله تخرعنا
ريا:صارت بيه سكته قلبيه
جود:اسفين بس عجبني شكلجن من تخترعن
همست ريا لسمى واديان:اكلجن خلي نكله يساعدنه حته ننزل الجنطه
صاحت سمى:مستحيل
جودكان لا يزال واقف
جود:شنو المستحيل
سمى:هيج شغله خاصه مو يمك
جود:لعد اني اروح واسف لان خرعتجن بس منظرجن ثار فضولي وكلت اخرعجن
ريا:انتظر بس لحضه لتروح
@zahraa362
وعدت اهمس للفتيات:انت عقلي سمى ما عدنه غير حل بعدين هاي جنطتج بيهه غراضج موبايلج وبطاقتج مال الجامعه هيج مستغنيه عن غراضج
اديان:من غير الاوراق النكتب بيهن اثناء المحاضرة ونقلد عالاساتذه يعني السالفه متخصج وحدج تخصنه احنه الثلاثه اذا الجنطه احد اخذهه تصيرلنه بلاوي زركه واهم شي موبايلج بي ارقامنه
سمى:بس هذا الولد اكرهه ما طيقه مستحيل اطلب منه هذا الشي
ريا:العفو جود بس جنطة سمى علكت بالشجرة تكدر تجيبهه
سمى:اكرهج
ريا :عاد اني الاحبج
جود:تتدللن هاي جنطة سمى لو غير احد ما اقبل
همست اديان:حبيبي جنطتي علكت بالشجرة
هسه اتسلق الشجرة واجيبهه حبيبتيلوكي من نوع قرد
ريا وسمى:ههههههههههههه
جود:ضحكونه وياكم
سمى:انت شوف شغلك وجيبلي الجنطه
جود:ترة ابطل وما انزلهه
ريا:معليك بيهه الله يخليك جيبهه النه
جود:متصيرين مثل صديقتج شلون عدهه اسلوب
ريا:شكرا اخويه
جود:اخوج؟
سمى:شفت شحصلت كامت تصيحلك اخويه كتلي ترديني اصير مثلهه مو؟
جود:بطلت خليج عله اسلوبج احسن
كان جود طويل القامه استطاع الوصول الى الحقيبه وانزالها
جود: تفضلي انسه عركه اقصد سمى
سمى:مشكور زحمناك
جود:بس اني ما ريدج تشكريني اني اريد غير شي
سمى:اشتغلت رحمة اللهكول شتريد
جود:بعدني ما افكر بس لازم تريديلي الجميل
ادارت سمى وجهها الي انا واديان كنا نضحك ونكتم ضحكتنا بصعوبه
سمى:اي ضحكن شفتن وين وصلتني مو كتلجن ما اطلب منه
جود:لتحجين هيج ترة ارجع الجنطه للشجرة
سمى:ادري شنو انقذت حياتي هي جنطه راح تذلني علمودهه
جود:بكيفي
ثم سار مبتعدا عنا وهو يبتسم ابتسامة النصر
اديان:بنات اني جوعانه اروح للكافتريا اكل
سمى:اني تعبانه اروح اكعد بالقاعه بعد نص ساعه وتبدي المحاضر
ريا:اني هم اروح وياج سمسم رجليه كتلني هاي حذائي الجديده موتتني
اديان:عفيه بيجن عوفني وحدي
نسرين:مرحبا بنات شداسوون هنا؟
سمى:ولا شي راح نروح للقاعه
نسرين :اني رايحه للكافتريا
اديان:نسرين حبيبتي منقذتي اجي وياج للكافتريا خو مو مثل ذني الخبلات يردن يعوفني وحدي
نسرين:اوكي يله امشينا
ذهبنا نحن للقاعه واديان للكافتريا (طبعا نسرين منقذه اديان بس وصلن للكافتريا شافت صديقاتهه التهت وياهن وعافت اديان)
اديان:اووف يا ربي رجعت وحدي خل اشتري لفة همبركر وارجع بالقاعه اكلهه احسن
قامت اديان بشراء الطعام ثم ذهبت لشراء علبة كولا
وضعت العلبه على الطاوله لكي تخرج النقود واذا بشخص يضع علبة كولا اخرى بجانب علبتها
ايمن:احسب القوطيتين مال البيبسي سوه البنيه تدفعلك
اديان:انت شبيكخو ماكو شي
ايمن :انت كلتي تردين ترجعيلي فلوس الفلافل واني دااساعدج مو زين قبلت ترجعيهن والله حيرتيني
اديان:ماشي
قامت اديان بدفع النقود للبائع ثم سارت مبتعده
@zahraa362
ايمن:انتظري
اديان بنفاذ صبر:نعم شرايد؟
ايمن:اكو واحد يعزم واحد ويعوف الشخص العازمه ياكل وحده
اديان:وهسه شتريد
ايمن:انتظري اخلص قوطية البيبسي وروحي
اديان:يله واكفتلك اشربهه
ايمن:لا تعاي نكعد على الكراسي غير عزيمه من صدك
اديان:ايمن اني ما فارغتلك اريد اروح
ايمن:وين ترحين وبيدج لفة الهمبركر يعني تفترين بالكلية وانت لازمه لفة همبركر واني ادري صديقاتج مو يمج يله تعاي نكعد
اديان:يعني مراح تعوفني بحالي لحد ما اكعد وياك ماشي امشي يا رب تغص باللفه
ايمن:شنو؟
اديان:ما كو شي يله امشياللهم طولج يا روح
جلست اديان وايمن على احد الكراسي القريبه من الكافتريا
ايمن:يله اكلي
اديان:انسدت نفسي
ايمن:خاف تستحين تاكلين كدامي؟
اديان:لا مو شغله مستحه بس ما حب اكل واحد يباوعلي
ايمن:يعني اغمض قابل الاكل فد شي عيب
اديان:لا مو عيب بس هيج ما اعرف اكل
ايمن:راح ادير وجهي وانت اكلي
اديان:ميحتاج
ايمن :يمعوده دكلي اصلا ميته جوع انت
اديان:كتلك مو جوعانه(وجان يطلع صوت معدتهه تزقزق)
ايمن:كلتي مو جوعانه
اخذت اديان الهمبركر وبدأت تأكل
ايمن:شو هالمره همبركر شعجب مو فلافل شنو مليتي
اديان:اصلا اني ما احب الفلافل اكرهه بس شسوي للسرعه لان الهمبركر يتأخر
ايمن:(خرب واني اشتريتلهه فلافل عبالي تحبهه شوف الثول)
اديان:وين صفنت
ايمن :لا هيج
اديان:انت وين تداوم لان ما شوفك تحضر ويانه (خرب شعندي اساله شنو هاللطلطه)
ايمن:اي مو اني هندسه حاسبات مرحلة ثانيه بس اجي بقسمكم علمود حازم لان صديقي نيالج انت وصديقاتج سوة
اديان:اني تعرفت على صديقاتي بالكلية
ايمن:انت مبين عليج بنيه حبابه وطيبه ليش تتعاملين وياي بعصبيه
ارتبكت اديان
اديان:امممم اني تأخرت لازم اروح محاضرتي راح تبدي
ايمن:اوكي براحتج وشكرا عالبيبسي ان شاء الله تتكرر هالكعده
اديان:العفوالله كريم يله مع السلامه
ايمن...........
انا اراقب اديان وتحركاتهه منذ ذلك اليوم الذي رأيتها تسير مع سمى وريا لفتت انتباهي بعفويتها وطيبه قلبها وتصرفاتها الطفولية وابتسامتها الساحرة التي لا تفارق وجهها ولكنها تتعامل معي بخشونه ربما لانها خائفه ربما لا تريد علاقة بشاب لكنني لا اريد خداعها او اللعب عليها انا حقا معجب بشخصيتها
دخلت اديان للقاعه ووجهها احمر
ريا:ها ولج وين جنتي شو تعطلتي نسرين رجعت وانت ماكو
سمى:موبايلج ليش يدك ومتشيلي لج خفنه عليج ردنه ندور عليج بس كلنه خاف ترجعين ومتلكينه لج تحيرنه
ريا:لج شبيج شو تلهثين ووجهج احمر لج احجي شصار وين جنتي؟
اديان:انطني مجال احجي وبعدين عصبن
حكت اديان كل ما حدث معها
