ابتسمت سمى ابتسامه متعبه
جود:شوكت يجي سايقكم
سمى:خابرته اديان كال نص ساعه ويجي
دخلنا انا وحازم و ايمن واديان القاعه اسرعنا انا واديان الى سمى ما ان رأينا حالتها
ريا:لج ليش مخابرتينا جا اجيناج
اديان:لج وجهج اصفر
سمى:ما بيه شي هسه ارجع للبيت اصير زينه
مرت فترة الامتحانات بصعوبة بين تعب الدراسه والسهر وبين التوتر والقلق وبين الحزن على سؤال اخطأنا بحله وجاء يوم النتائج
كان الطلاب متجمعين عند لوحة الاعلانات دخل حازم وايمن وجود بين الحشود ليروا نتائجنا كنا انا وسمى واديان واقفات ننتظر بخوف بعد قليل اقترب الثلاثه منا كان حازم غاضب
ريا:عادي كلي نتيجتي استحمل كلي طالعه ب5
حازم: جذبتن علينه بالميكانيك لج اني 80 وانت 83واديان 82وسمى81وباقي الدروس ناجحات ودرجات كولهه زينه
ريا:متأكدخاف شفت نتيجة غير احد
ايمن:6مرات تاكدنه منهه
جود:وانت التخربطتي ووجهج اصفر
سمى:شمدريني ما حسيت نفسي مجاوبه يله الحمد لله والشكر صار عدنه رصيد زين بالدرجات لازم نحافظ
عليهن طبعا الشكر الكم لو ما انتوا وشرحكم ما نجحنه
اديان:انطرد عيون
ريا:اصلا هم ما الهم فضل علينه احنه تعبنه ودرسنه
حازم:عود بحجيج هذا تشردين من العزيمه تعزمونه يعني تعزمونه
مرت الاشهر التاليه وعلاقتنه بهؤلاء الثلاثه لا تتعدى علاقة الزمالة والصداقه
كان هذا الاسبوع الاخير قبل الامتحانات النهائية
في ذلك اليوم انا وسمى لم نأتي للكلية كي ندرس للامتحانات لكن اديان ذهبت للكليه لان بطاقة دخولها للجامعه ضاعت وكان عليها ان تحضر واحده جديده لاول ورة منذ ان التقيت باديان كانت اديان في هذا اليوم حزينه والحزن بادي على وجهها
جلست على احدى المصطبات وراسها الى الاسفل كانت دمعتها بعينها
ايمن:اديان شبيج ليش ضايجه
رفعت اديان رأسها
اديان:ما بيه شي
جلس ايمن على المصطبه بجانبها
ايمن:اديان احنه اصدقاء احجيلي يمكن اكدر اساعدج
اديان:امي مريضه والبارحه وديناهه للمستشفى والصبح رجعت للبيت واني خايفه ومقهورة عليهه
ايمن:الله يشفيهه ويكومها بالسلامه
اديان:الله يسمع منك شكرا عالدعوه
ابتسمت رغما عنها لتضهر بمضهر القوية امامه
ايمن:صدك شعجب مداومه اليوم
اديان:والله بطاقتي ضاعت مال دخول الجامعه وقدمت طلب حتى اسوي وحده جديدهوانت؟
ايمن:واحد صديقي راد مني ملازم وجبتهن اله
اديان:اني لازم اروح اعذرني ايمن
ايمن:براحتج
كان اول يوم من امتحاناتنا كانت الاسئلة جيدة خرجنا ونحن نشعر بالاطمئنان لمحت سمى واديان جلسنا نحن الثلاثه وبدأنا نتحدث
كان حازم يسير حين اوقفهه سامر
سامر:ارد احجي وياك بشغله ممكن نكعد بالكافتريا
حازم:اوكي تفضل
جلس حازم وسامر في الكافتريا
سامر:اكيد مستغرب من طلبي بس الموضوع شويه حساس و انت انسب شخص حتى احاجي بي
حازم:تفضل
سامر:بصراحة اني معجب بريا وارد احاجيهه واخطبهه من اهلهه بس ما اعرف اخاف ترفضني انت شتكول بيهه مجال
حازم باستغراب:ريا ريا البنيه الاشرحلهه ميكانيك
سامر:اي هي
حازم:عوفك منهه متفيدك
سامر:ليش متفيدني اني الاعرفه هي لا مخطوبه ولا مكبلة
حازم:متفيدك وبس
سامر: اعصابك على كل اني ان شاء الله احاجيهه بالموضوع اخر يوم بالامتحانات واشوفهه شتكول
حازم:كتلك لتحاجيهه
سامر:مو بكيفك لتكلي انت هم تحبهه
حازم:اي اني هم احبهه
سامر:لعد باخر يوم اعترفلهه وخنشوف منو يفوز
ثم سار مبتعدا عني
كان اليوم هو اخر امتحان لنا اتفق جميع الطلاب والطالبات للتجمع في احدى حدائق الجامعه للجلوس مع بعضنا والتحدث و لتوديع بعضنا
اديان:بنات انتوا سبقوني اني اخذ كتبي اسلمهن للمجانيه حته اكمل براءة الذمه
ريا:اووف منج ليش ما سويتيهه ويانه بعدين شيشيلج الكتب ليش ما سلمتي الكتب كل كتاب بيومه
سمى:عوفيهه براحتهه خلينا نروح للتجمع مال الطلاب وهي تلحكنا
اخذت اديان كتبها من الخزانه كانت 5كتب كبيرة وسميكه حملتها بصعوبه وقد تمزق الكيس الذي كانت تضع الكتب به لذا اضطرت لحملها وحدها
اديان:اوووف يربي شلون راح اوصل
صعدت الدرج مع الكتب الثقيله كانت تصعد بصعوبه
زلقت ساقها على الدرج كانت ستسقط لكن احست بيد امسكت بيدها واخرى اسندت خصرها اصبح وجهها مقابل لوجه الشخص الذي امسكها (هي هي رباااااااافي )
ايمن:انتبهي لو واكعه جان صرتي طشار
كانت اديان تنظر لوجهه كانت ملامحه حقا رائعه انه شاب وسيم حقا
اديان:ايمن
ساعدها لتعتدل بوقفتها واخذ الكتب منها
اديان:لا ميحتاج اني اشيل الكتب لتعب نفسك
ايمن:بله حجي زايد وكوليلي وين تردين توديهن
اديان:للمجانيه اسلمهن
حمل الكتب لها وسلمها للمجانيه حتى اكملت براءة الذمه
ايمن:لعد متروحين للتجمع مال الطلاب
اديان:هو هسه راح اروح
ايمن:لعد خلنروح سوة لان اني هم ارد اروح
اديان:بس شعجب تروح
ايمن:حازم كللنه اني وجود حتى نجي
حضر ايمن ومعه اديان ثم جاء جود جلسنا جميعا على العشب الاخضر جلست انا وبجانبي اديان وسمى كنا نجلس الفتيات بجهه والشباب في الجهه المقابله
لعبنا لعبه الحقيقه كان هناك زجاجه ماء فارغه نديرها وحين تقف فالشخص الذي يشير له راس الزجاجه يسال الشخص الذي تقابله قاعدة الزجاجه
دارت الزجاجه واشارت الي انا وحازم كان هلى حازم سؤالي
حازم:اذا واحد معتبرته صديقج بس هو يحبج اذا اعترفلج راح تقبلين حبه؟
ريا:امممم مادري حسب الشخص اذا اني هم عندي مشاعر تجاهه شكو بيهه
دارت الزجاجه واشارت الى طلاب اخرين وسالوا واجابوا ثم توقفت على جود واحد الطلاب كان على الطالب سؤاله
الطالب:جود هم اكو بنيه ابالك او مفكر بيهه ومعجب بيهه
جود:اكو بس متنطي مجال
اجاب وهو ينظر لسمى التي خفضت راسها وقد توردت وجنتاها
دارت الزجاجه ووقفت على ايمن وطالب اخر وكان على الطالب سؤاله ايضا
الطالب:شنو مواصفات البنيه التريد تتزوجهه
نظر ايمن الى اديان التي استغربت نظره اليها ثم اجاب
ايمن:روحهه طفوليه تحب الاكل مثلي كلبهه طيب وارتاح من احاجيهه وماكو تكلف بيناتنه ببساطه اريدهه صديقتي قبل لا تكون حبيبتي
كان حازم طول الوقت قلق مما قد يقدم عليه سامر لانه كان مصمما على مفاتحتي بالموضوع اليوم ولكن خطة سامر فشلت فلقد حضر والدي لاصطحابي الى المنزل ودعت الجميع وذهبت
حازم:(كنت اشعر بعدم الارتياح كنت خائفا ماذا لو اعترف بحبه لها ووافقت عليه ماذا لو خسرتها شعرت بالارتياح حين غادرت هكذا لن يعترف لها اليوم لكن علي ان اخبرها بحبي قبل ان اخسرها)
كنا ننتظر النتائج بفارغ الصبر كي نستمتع بعطلتنا ونحن مرتاحين من الدور الثاني
بعد اسبوع حضر الجميع لاستلام النتائج كانت فرحتنا لا توصف لاننا ناجحون
حازم:يله شباب امشوا للكافتريا البنات عازماتنا وشيعجبكم طلبوا
ريا:خاف مترضه نريد نرجع لبيوتنه شنو نعزمكم
حاوم:ماكو لازم تعزمونه بعدين مستخسرة بيه لفة كص بعد التعب التعبته وياج
ريا:يا تعب شو كله ترزل بيه
جود:واني الاحسدكم واكول متونسين
حازم:شمتونسين ليش هي هاي تنجرع
ريا:اي مو على اساس اني المتحملتك
ايمن:شباب لحد يتعارك ويروح العزيمه يله امشو للكافتريا لان جوعانين
ذهبنا الى الكافتريا ودفع الشباب ثمن الطعام بل انهم لم لم يقبلوا ان ندفع الحساب بعد ان انتهينا توجهنا الى البوابه ولكنني لمحت سامر قادم نحوي شعر حازم بالاستياء ما ان رااه
حازم:اجه الغثه
سامر:مرحبا شباب شلونكم
رد الجميع عليه:الحمد لله
ثم وجه كلامه لي
سامر:ريا بس ردت احجي وياج بشغله اذا ممكن
ريا:تفضل
سامر:بلكي نكعد نشرب شي واحاجيج
ريا:اممم شباب انتوا سبقوني اني اجي بعدين
حازم:(كنت اشعر بنار في صدري لم استطع الذهاب لذا استأذنت من اصدقائي واخبرتهم بان لدي عمل علي انهاءه في الكليه ثم توجهت الى الكافتريا جلست على طاوله بعيده عنهما وانا اراقب)
ريا..........
جلست معه احضر كوبين من الشاي
سامر:ريا مثل ما تعرفين اني وياج زملاء
ريا:اي صحيح
سامر:واني من بداية السنه مراقبج لان لفتي انتباهي وانعجبت بشخصيتج
ارتبكت قليلا
ريا:امممم
سامر:اني حبيتج وردت اطلبج من اهلج بس كلت اشوف رأيج وانت مثل متشوفين اني شاب ما اتعيب واكيد راح اسعدج
استجمعت قوتي وحاولت الحفاظ على هدوئي وان لا اتوتر ورسمت ابتسامه على وجهي
ريا:اعذرني سامر بس اني ما مفكرة بالموضوع حاليا
سامر:يعني اكو امل ؟
ريا:اسفه سامر اني ما مفكرة بيك ولا راح افكر بيك
تغيرت ملامح وجهه
سامر:طيب انطيني فرصه نتعرف على بعضنه فكري بالموضوع
ريا:اعذرني ماكو نصيب
سامر:اي خليج ترفضين خنشوف منو بحالج
ريا:رجاءا التزم حدود الادب ولتتجاوز
سامر:اني ما انرفض تفتهمين لو لا اني سامر ابويه عنده اكبر شركه بالعراق اسواج واسوه الخلفوج
لم احتمل كلامه تركته وسرت مبتعده انه مجنون
حازم:(كنت اراقب من بعيد وحين رايت تعابير وجهه علمت انها رفضته ولكن ريا يبدو عليها الانزعاج رايتها تسير مبتعدة عنه مرت بجانب طاولتي لكنها لم تراني)
حازم:ريا شو مو على بعضج
كنت مستغربه من رؤيته ربما كنت بحاجه الى رؤيته الان
ريا:حازم شعندك هنا؟
حازم:ما رحت وياهم مادري بس انت صديقتي وخفت عليج
ريا:ما بيه شي مصار شي يله خلي نلحكهم للبوابه الرئيسية
حازم:ريا صار شي اني هالمرة مراح اسالج شراد بس كوليلي اذا اذاج بشي حته اعرف شلون اتصرف ويا
ريا: لا ما سوة شي خلينه نروح
قلت جملتي الاخيرة وانفجرت بالبكاء
حازم:ليش تبجين ريا شصار
اخبرته بكل ما حدث لا اعلم لماذا لكنني كنت بحاجه لاخبر احد ما
حازم:لتضوجين هذا واحد خبل
ريا:كولش خبل
حازم:ديله كافي بجي صرتي جكمه طلع زنجارج وصرتي تخرعين ترة محد يخطبج
ضحكت رغم بكائي انه هو الاخر مجنون لكنني احب نوع جنونه بل احبه كله مع جنونه
غسلت وجهي ووضعت مساحيق التجميل كان حازم ينتظرني
حازم:شنو هاي هذا غش بمعنى الكلمه دخلتي عبودي ابو المولده طلعتي هيفا وهبي ترة ما يصير جذي
ريا:كافي بطني كام توجعني من الضحك راح انجلط
حازم:فديت هالضحكه
اخفضت رأسي خجلا
ريا:شكرا
حازم:يمعوده لتصدكين بروحج ترة دااشاقه
ريا:الكبر كافي تلغي يله خنروح تاخرنه عليهم
حازم:(كانت حقا جميله حتى وهي تبكي جميله )
:
:
:
:
جود:(كنا جالسين نحن الاربعه على العشب في حديقه الجامعه ننتظر حازم وريا كنت طول الوقت احدق بسمى يا اللهي هل حقا وقعت بحبها ولكن كيف ومتى ولماذا هي ولكن انا لا استطيع اخبارها بحبي ماذا لو رفضتني لن احتمل رفضها)
سمى:جود ليش صافن
جود:ها لا لا مصافن
سمى:ماشي
جلسنا انا وحازم معهم حتى جاء السائق وعدنا لمنازلنا
بدأت العطله اربع اشهر لن ارى حازم ولن احدثه
فتحت الفيس بوك دخلت الى كروبنا الخاص بالهندسه بجميع اقسامها ومراحلها
@zahraa362
كان حازم قد نشر منشور وذكر جود وايمن (اخطأ من قال بعيد عن العين بعيد عن القلب فانت تسكنين قلبي ولو كان بيننا الاف الاميال ❤)
كنت اشعر بان كلماته موجهة الي مستحيل ان تكون لغيري وضعت اعجاب على البوست وكتبت(حلوة هالكلمات نيالهه الحبيبهه هيج يحبهه بس ماكو هيج شخص)
رد علي بعد دقائق(اكو هيج شخص ومرات يصير كبالنه بس منشوفه) ترى هل كان يقصدني بكلامه هل هو الشخص الذي امامي ولا اراه لكنني اراه واحبه
البعد بين اديان وايمن وجود وسمى خلال اشهر العطله جعلهم يفهمون حقيقة مشاعرهم تجاه بعضهم
في اليوم الذي سبق الدوام وصلت رسالة لسمى على الماسنجر كانت من جود(مرحبا سمى شلونج )
سمى:اهلا جود
جود:باجر تداومين؟
سمى:اي راح نداوم كولنه
جود:لعد ردت احجي وياج بشغله
سمى:كول
جود:لا باجر اكلج بس ردت اعرف باجر تداومين لو لا
سمى:اوك باجر نتشاوف.
اديان:(كنت افكر ترى ما خطب ايمن فخلال الوقت الذي قضيناه معا احيانا اشعر باعجابه بي واحيانا اشعر بتلميحاته والمشكلة اني بدات اشعر بالحب تجاهه
لكنني لست متأكده من مشاعره نحوي )
في اليوم التالي كنا انا واديان وسمى جالسات في القاعه حين دخل حازم وملامحه لا تبشر بخير قمت من مكاني وتوجهت اليه
ريا:حازم خير شصاير
حازم:جود لج جود
فزعت سمى حين سمعت اسمه واقتربت هي واديان منا
سمى:شبي جود احجي حازم
حازم:سوة حادث وهو هسه بالمستشفى حالته خطرة
سمى:تشاقه مو تريد تشوفنه شنسوي وبعدين تروح تكله وتضحكون علينه
حازم:والله جود بالمستشفى ليش متصدكين
سمى:بس هو البارحه حاجاني وكلي يريد يحاجيني اليوم بشغلة
ريا:زين بيا مستشفى نكدر نروحله
حازم:ميصير نبقه بس اقرباءه من حقهم حتى اني كلولي روح باجر ياله نكدر نزورة ادعوله الله يشافي
كان يهم بالرحيل لكن اديان استوقفته
اديان:زين ايمن وين
ايمن جان ويا بالسيارة بس الحمد لله ما متأذي فد شويه ويجي للكليه لان رجع البيتهم حتى يبدل ملابسه
كان هذا اليوم من اتعس ايام السنه كنا مشغولي البال على جود وخصوصا سمى التي لم تدخل اي محاضرة
في الليل دخلت للفيس وجدت ايمن قد نشر منشور في مجموعتنا (شباب الحمد لله جود تعدى مرحلة الخطر ادعوله يتعافى كليا )
شعرت بالسعاده وحمدت الله ان جود بخير اسرعت واخبرت سمى لكنها لم تكن متصلة بالنت اتصلت على اديان لتتصل باخت سمى لانني لم اكن املك رقم حنان
ريا:هلو ادون
ادبان:هلا ريا
ريا:لج عوبه ليش ماكو عالفيس الا تخسريني رصيد
اديان:لج اشتراكنا خلص
ريا:المهم اريد منج تخابرين حنان اخت سمى خلتطيج سمى احجي وياهه وكوليلهه جود تعدى مرحلة الخطر لان ادري بيهه عوبه تحبه حتى اذا مكايلتلنه وهسه تلكيهه مشعوطه
اديان:اي اصلا مبين من وجههبس الحمد لله جود بخير خفنه علي
ريا:يعني اعتمد عليج تخابريهه
اديان:والله مفلسه ما عندي رصيد
ريا:خرب زين انطيني رقم حنان اني احاجيهه
اديان:اوك هسه ارده لان ما عندي حتى رصيد ادزلج الرقم برساله
ريا:ردي عيني الله يصبرني عليج
اتصلت بحنان
ريا:هلو حنان اني ريا صديقة سمى
حنان:هله ريا شلونج اخبارج
ريا: الحمد لله بس ردت اعرف سمى موجوده
حنان:نايمه
ريا:كعديهه لازم احاجيهه
حنان:اوكي هي هم اليوم مدري شبيهه هسه اكعدهه
ريا:ماشي
سمعت صوت سمى وهي تصرخ باختها (مو كتلج لتكعديني عوفيني نايمه)ثم جاء صوتها عبر الهاتف
سمى بصوت متعب وناعس:الووو
ريا:صح النوم حبيب الالب بخير وعده مرحلة الخطر
تعدل صوت سمى وتكلمت بحماس
سمى:جذب يعني صار زين
ريا:اي بس بعده دايتعافى
سمى:الحمد لله جنت خايفه علي كولش
ريا:اي طبعا حبيب الالب
سمى:انجبي
ريا:لج كافي اصلا اني كاشفتجن انت واديان وادري تحبنهم
سمى:زين متزورو بالمستشفى
ريا:اي اتفقنه باجر ورة الدوام نروحله
اديان:(لم يأت ايمن اليوم للدوام هل يمكن ان يكون مصاب وحازم كذب علي..... لا لا مستحيل لما يكذب ربما علي محادثه ايمن لكي اطمئن ولكن ماذا سيقول عني اه سينفجر رأسي من التفكير)
في النهايه دخلت الى الماسنجر وتحدثت معه كان متصلا بالنت
اديان:مرحبا ايمن
ايمن:اهلا اديان
اديان:شلونك خو ما اتأذيت بالحادث؟
ايمن:لا الحمد لله
اديان:لعد ليش ما داومت اليوم؟
ايمن:جنت قلق على جود كولش وبقيت بالبيت كلساع امرله للمستشفى وارجع للبيت
اديان:مو اكول
سكتنا قليلا
ايمن:خفتي عليه؟
اديان بارتباك:ها ام مادري اكيد
ايمن:يعني خفتي؟
اديان:اكيد اخاف عليك احنه اصدقاء ويوميه اشوفك بالكليه اكيد اخاف عليك ولو اي واحد من زملاءنه صار ويا هيج هم اخاف
ايمن:يعني مو بس اني تخافين عليه يعني لان زميلج تخافين ولو اي واحد هم نفس الشي
اديان:اكيد
شعر ايمن بالانزعاج من جوابها (تخاف على الجميع هل حقا لا تهتم لامري)
في اليوم التالي ذهبنا للمستشفى
حازم:ها ولك جود صاير تتنعوص ومسوي روحك تعبان حتى تخوفنه عليك
جود: اي ردت اشوفكم تحبوني لو ما اهمكم
قال جملته وهو ينظر لسمى التي كانت تقف بعيدا
ايمن:اي يا اخي انت تريد تشوف الناس تحبك لو لا اني شنو ذنبي لو صاير بي شي ورايه مرة وجهال منو تاخذني لو مكسورة ايدي لو رجلي
جود:انت مثل القرد كولشي ما بيك لتضل تولول جنك مره
تقدمت من جود
ريا:حمد لله عالسلامه متشوف شر ان شاء الله
جود :الله يسلمج
اديان:الحمد لله على سلامتكم همزين ما صارلكم شي
جود:الله يسلمج
بقيت سمى صامته كانت تنظر لجروحه كانت يده مكسورة ورأسه ملفوف نزلت دمعه من عينها رغما عنها كانت تفكر ماذا لو حدث له شيء ماذا لو مات لم تنتبه ان الجميع خرج من غرفة جود وقد اشار لهم جود بان لا يقطعوا سلسلة افكارها
جود:ما راح تكوليلي الحمد لله على السلامه
سمى:هاا اي الحمد لله عالسلامه
جود:الله يسلمج
سمى:لعد وين البقية ما انتبهت من طلعوا
جود:اي مبين عليج تعبانه ما انتبهتيلهم راحوا قبل شويه يجيبون نسكافي ويجون
سمى:لعد خلي الحك بيهم
جود:لا خليج هسه شويه ويجون
واشار الى كرسي بجانب سريره وطلب منها الجلوس
جلست سمى على الكرسي كانت تخفظ رأسها للاسفل
جود:ما نمتي البارحه؟
سمى:لا
جود:هلكد خايفه عليه
سمى:كولش خفت عليك
جود:اني خفت اموت قبل لا اكلج الحجي الردت اكولة
سمى: اسم الله عليك ان شاء الله العمر الطويل وتشوف احفاد احفادك
جود:بس يكون احفادي انت بيبيتهم
احمر وجهها خجلا
سمى:لازم اروح
جود:شبيج كلما احجيلي حجايه كلساع وكلتي لازم اروح لازم اروح شنو هيج اخوف اني راح اكلج اصلا كدامج مكسر كلشي ماكدر اسوي
سمى:لا متخوف ماشي كمل (عجبهه الوضع الاخت)
جود:اي اكمل وغصبا ما عليج تسمعيني
سمى:داخل حرب بعدين ماكو شي غصب بس احجي راح اسمعك الخاطر كعدتك بالمستشفى
جود:يا بنت الناس اني واحد مو خوش ادمي العب عالبنات وجنت مفكر ما احب بحياتي وعبالي البنات كلهن مو زينات لان هن جانن يجني ويلزكن الي
سمى:اي مو توم كروز والبنات يركضن وراك
جود:شلون يعني هسه ما اكمل حجي لتقاطعيني مو انسه كوة البارحه كعدت احفظ الحجي ومن ورة ما بقيت افكر ما نمت ومن وراج صارلي الحادث
سمى:خوش ذبهه براسي
جود:اششش سكتي خالاكمل
سمى:كمل
جود:المهم لحد ما اجه ذاك اليوم الانضرب جتفي بجتفج بيج ما جنت اعرفج بس من شفتج انعجبت بيج مادري ليش مع انو لقاءنا جان عركه
سمى:الحب من اول دحجه
جود:لج خالاكملراح تجلطيني
سمى:كمل
جود:اي فبمرور الوقت بقيت اشوفج عجبتني شخصيتج هدوءج وطريقة حجيج بعدين اجتني خوش حجه حتى احاجيج اخذت ايمن ورحنه للمكتبه
شفناكم كاعدات واتقربنه بحجه ماكو مكان واجت الفرصه وبدينه نشرحلكم صرت اقرب الج وتعرفت عليج اكثر طبعا جنت خال ابالي انو مستحيل احبج لان اني رافض فكرة الحب من اساسه بس مع الاسف حبيتجبالبدايه قنعت روحي وكلت ما احبج متوهم بس طلعت احبج وقررت اعترفلج بس صارل الحادث واخر شي تذكرته قبل لا افقد الوعي تذكرتج
سمى:(بقيت صامته لا تدر ماذا تقول)
جود:واتفشلت من وراج الطبيب يكلي متكلي منو سمى من طلعناك من غرفة العمليات علمود تكعد من البنج وانت تصيح سمى
سمى:هههههههه خبل
جود:ضحكي جكمه لكيتي واحد صاك مثلي يحبج
سمى:اني احلى منك اصلا
جود:تخبلين
ابتسمت بخجل
جود:هسه مجاوبتي اكو امل لو ارجع افوت بغيبوبه
سمى:مادري
جود:يعني متحبيني؟
سمى:ما اعرف
جود:ترة راح انجلط
سمى:انطيني فرصه افكر
جود:يعني شكد انتظر؟
سمى:اممممم اجل الموضوع لحد ما نتخرج ووراهه
