سمى:سجاج اصلي
ريا:عنده خال مهندس ويشرحله لا سجاج ولا شي
سمى:وانت شمدريج ؟
اديان:شنو تحجين ويا من ورانه؟
ريا:لا لا محاجيه ويا
سمى:لعد شلون عرفتي؟
ريا:من اصطدمت بي هو عرف عن نفسه وكلي انو اذا احتاج اي مساعده بالشرح هو يساعدني لان خاله مهندس
اديان:هاا
ريا:بعدين هو شنو تحقيق
سمى:لا عيني بس غير نعرف كلشي
اديان:يله نروح ناكل جوعانه
ريا :اني ما مصفنتني غير اديان متفكر بس بالاكل وشوفيهه شلون مسلوله
اديان:قل اعوذ برب الفلق
ريا: اي علة اساس راح احسدج
سمى:ولجن كافي تلغن امشن ناكل حته نلحك عالمحاضرة
تناولنا الطعام في النادي ثم دخلنا الى المحاضرة
كان الجو غائم وحين انتهت المحاضرة بدأت تمطر
اديان:الله مطرت الدنيا
سمى:بنات عليجن الله امشن جوة المطر
@zahraa362
ريا:ولجن فشلة خاف يباوعون علينه ويكولون خبلات والبرستيج يروح
سمى:دمشي جم مرة تمطر الدنيه خلنتونس وخليطير البرستيج
اديان:اني بعد ما اتحمل ريحة المطر دكت بخشمي
امسكت اديان باحدى يداي وامسكت سمى اليد الاخرى وسحبنني لنسير تحت المطر كان هناك مكان معزول (بس الكبلات تروحله لان ختله ومحد جان بي بهالوقت لان مطر) كان شعورا رائعا كان المطر يبللنا وكانه يغسل همومنا كنا نقفز ونتقصد ان نمشي في تجمعات الماء ثم بقينا نسير تحت المطر حتى تبللت ملابسنه وابتلت جواربنا
سمى:طلع زنجارنا
اديان:اصلا اني ما البخ
ريا:عادي هسه نروح للحمامات نرتب البرستيج
سمى:خبصتينه بالبرستيج
اديان:لج رياا
ريا:شكو؟
اديان:لج حازم واصدقاءه يباوعون علينه
سمى:خرب
ريا:بنات امشن وياي وسون روحجن ما شفتنهم ولتباوعن عليهم
سمى واديان:ماشي
توجهنا الى الحمامات بسرعه وما ان دخلنا الى
الحمامات بدأنا نضحك كانت وجوهنا ملوثه والكحل قد سال(بالمختصر المفيد مبهذلات نخرع)
ريا:بربج ادون شجانت ردة فعل الولد؟
اديان: خربانين ضحك
سمى:وا فشلتاه انفضحنه لج حازم بعد ميريدج
ريا:اصلا عاتي هو اصلا ميريدني وبعدين اليريدني ياخذني بزنجاري وخبالي
بقينا نضحك ونمزح حتى جفت ملابسنا وقمنا بتعديل مساحيق التجميل
اديان:ولجن رجلية كامن يحكني
سمى:متت برد
ريا:ولجن هسه تتمرضن امشن للنادي نشرب نسكافي
نضرت سمى الى ساعتها اليدوية
سمى:بنات بعد منلحك نشرب شي المحاضرة بعد 5دقايق وتبدي وهذا الاستاذ غثه ميدخلنا
ريا:هففف يلة ندخل محاضرة وبعدين نشرب شي حار
خرجنا من الحمامات وبينما نسير سمعت احد ينادي اسمي التفت
حازم: اتفضلن شربن نسكافي حته تدفن لان اكيد هسه ميتات برد
كان حازم يبتسم ابتسامته الساحرة وهو يحمل صينيه بها ثلاث اكواب من النسكافي الساخن وقدمه لنا
@zahraa362
(يمه ابتسامته تخبل بس خل ابيع ثكل براسه)
ريا:شنو المناسبة؟
حازم:لان انتن زميلاتي
ريا:اسفة منكدر نقبلهن
(بهاللحضه سمى واديان ابدهن يحطني يدكني دك لان هيج كتله لان ميتات برد ويردن يدفن)
حازم:بس احنه اصدقاء وعادي اذا اخذتن النسكافي بعدين ميصير تفشليني واني رحت للكافتريا بهالمطر حته اجيب الكم شي تشربوا
ريا:ماشي راح نقبلهن
اخذنا النسكافي وجلسنا في القاعه ومعنا حازم
ريا:من شوكت احنه اصدقاء؟شو ما اتذكر
حازم:عادي احجي كدام صديقاتج؟
ريا:عادي هنه صديقاتي
حازم:من اصطدمتي بيه ووكعتي محاضراتي مو تعارفنه وكتلج اي شي تحتاجي تعاليلييعني احنه اصدقاء
احمر وجه ريا
ريا:اممممم اي صح
حازم:بس انت ما جيتي حته اشرحلج
ريا:مو اصدقاءك دائما وياك واني ما اعرفهم
حازم لعد اذا فد يوم ردتي اشرحلج تعاي واني بس اشوفج اعوفهم وجيبي صديقاتج هم خليستفادون
ريا:ان شاء الله امممم شكرا علنسكافي اني لازم اروح
قمت من مكاني ومعي سمى واديان حيث كانتا جالستان معنا
ريا:بنات يمكن اني متوهمه هو ما معجب بيه لان ليش كال جيبي صديقاتج المفروض بس اني يشرحلي
سمى:والله ما دري شأكولج
اديان:عوفج منه وخلينه متونسين شحلاتنه بلا حب بلا وجع قلب
ريا:والله حجيج صدك لاحكين على شلاع القلب اصلا اني متونسه وياجن خصوصا اليوم متنه ضحك
............ريا
عدت الى المنزل استلقيت على السرير بدأت افكر بشعوري تجاه حازم هل انا حقا معجبة به انا لا أؤمن بالحب من اول نظرة اعتقد بان سبب ما اشعر به لانني قضيت السنين السابقه من حياتي مع الفتيات
في اليوم التالي كنا نحن الثلاثه مصابات بالزكام
اديان:بنات اليوب خلينه بالقاعه بوبال نفتر(طبعا لان منشولات وخشمهن مزدود الميم انكلبت باء)
سمى:اي احس جسبي بكسر
ريا:سبى عندج كلينس لان خشبي كاب يطلع اشياءات
سمى:باعندي اديان عندج؟
اديان:ابشن للنادي نشتري كلينس
وفي النادي كان حازم وجود وايمن جالسين الى احدى الطاولات يتناولون الفطور (لفات فلافل وجاي )
اديان:اخذنه كلينس وانطينه 3بطاله بي نريده حار
البائع:بي شنو؟
ريا:بي بي بو احنه بنشولات وبنلفظ البيب
واشارت الى فمها
البائع:ادري شنو بي مشروب جديد ومادري بعدين كلشي ما فهمت من حجيج
سمى: شلون اثول راح يخليني اعصب واكسر الغراض على راسه
جود:انطيهن مي منشولات وميلفظن الميم
سمى:وانت شيخصك نعرفك تعرفنه احنه نتفاهب ويا
جود:تفاهبي
وتركنا جود وعاد الى حازم وايمن اعطانا البائع الماء دفعنا له النقود
سمى:غير ادبسيييييي
عطست قبل ان تكمل كلامها
ريا:هاج سبسب كلينسه قبل لا تفضحينه شور بيج الولد
اديان:بنات اني جوعانه راح اشتريلي لفه واجي ما اتعطل مدام ابو الفلافل فارغ
@zahraa362
سمى:اوكي ادون بنتظريج برة اني وريري
كانت اديان واقفه تنتظر دورها لتشتري الطعام كان امامها شاب اخذ طعامه فالتقى وجهه بوجهها
اديان:انت هذا انت
ايمن:اي اني اسمي ايمن
اديان:بس ليش انطيتني اللفه؟
ابتسم ايمن وتركها كان طويل القامه عيناه خضراء وجسده مملوء بالعضلات كان وسيما(طبعا اديان صافنه علي)حين انتبهت لنفسها
اديان:ابو لفة الفلافل اقصد ايبن انتظر انطيك فلوسك
لكنه اصبح بعيدا
ريا:ها لج شو تأخرتي
اديان:ها .....اي اجيت
سمى:شبيج ادون شو بو على بعضج؟
اديان:لا بابيه شي ابشن خالاكل اللفه قبل لا تبدي البحاضرة
دخلنا انا واديان الى القاعة اما سمى فذهبت الى الحمامات وقالت بانها ستلحقنا
كانت سمى مستعجله لانها تأخرت في الحمامات واثناء دخولها الى القاعه اصطدم كتفها بكتف شخص ما
جود:اسف
سمى:انت غير بتستحي بالكافتريا قلدت علينه وهسه تضربني بجتفك
جود:ديله عيني شسوينالج بعدين كتلج اسف شسويلج يعني
سمى:لا انت قاصدهه تريد تنطخ بيه
جود:شو دوخري من خلقتي اليسمعج يكول طخيت انجلينا جولي
ثم سار مبتعدا عن سمى تاركا براكين متفجرة من الغضب
سمى:انتظر ما خلصت حجيي اله اشتكي عليك
كانت سمى جميله وهي غاضبه حيث تبرز عيناها الواسعات سوداء اللون وتتورد وجنتاهاويبدو وجهها جميلا كانت هي واديان تمتازان بطولهما وقوامهما الرشيق كعارضات الازياء كما انهما انيقتان باختيار الملابس بالاضافه ان سمى تمتاز بهدوءها وكلامها القليل وبقلبها الطيب الذي لا يعرف الكره وتحب مساعدة الاخرين اما اديان فتمتاز بروحها الطفولية المرحه ووجهها المبتسم دائما و روحها المتفائله كما انها تبعث الامل في جميع من حولها
جود كان ايضا طويل القامه ذو شعر بني وعينان بنيتان كانت بشرته سمراء ولديه غمازتان تضهران حين يبتسم
في نهاية الدوام كان الجميع متعب ولكن سمى كانت منهكه
ريا :سبى شبيج؟
اديان:سبسب حبيبتي تردين اجيبلج اكل باي خاف جوعانه
سمى بصوت متعب:دايخه احس الدنيا تدور بيه
قالت جملتها ثم فقدت الوعي
ريا:عزه
اديان:وهسه شنسوي
مرت فتيات من شعبتنا بجانبنا
سيرين:بنات شبيهه سمى
ريا:باعت روحهه وبدانكدر نشيلهه بنتظريهه تكعد
مريم: هاجن هذا مي ديرن عله وجهه بلكي تكعد
نسرين:خلادور بجنطتي عله عطر بلكي تشمه تكعد
قمنا برش الما على وجهها ورشت اديان العطر على يدها كي تشمه سمى
بدأت تستعيد وعيها
سمى بصوت متعب:عطشانه
اديان:هاج بي
شربت سمى الماء لكنها لا تزال متعبه
ريا:سبسب حبيبتي تكدرين تبشين اذا انسندج اني واديان
سمى:باكدر اتحرك.
مر حازم واصدقاءه
حازم:خوماكو شي سلامات
ريا:والله سبى باعت روحهه وبداتكدر تمشي
@zahraa362
حازم:امشن اوصلجن بسيارتي خنوديهه للمستشفى
اديان:لا بيحتاج بشكور خويه هسه نخابر اهلهه
جود:شتخابرين اهلهه شيجيبهم صعدن وي حازم واني وايمن نرجع بتكسي
قمنا انا واديان بحمل سمى بمساعدة نسرين ومريم ووضعناها في المقعد الخلفي جلست اديان ووضعت رأس سمى في حضنها اما انا فقد جلست في المقعد الامامي
اديان وسمى منازلهم في نفس الحي لذا بدأت اديان توصف لحازم المكان حتى وصلنا
حازم جيبن غراضجن اني راح اشيلها وانتن وصلن البنيه
قمنا باعطاء حازم حقائبنا ومحاضراتنا وقمنا باسناد سمى التي بالكاد كانت تسير
فتحت والدتها الباب
والدتها:عزه ونادت لشقيق سمى الذي قام بحملها الى غرفتها واخذت والدة سمى اغراضها ومحاضراتها
والدة سمى:عزه هاي شبيهه بتي سمى
اديان:خالة لتخترعين با بيهه شي بس هي با اكلت بالكليه واليوم تعبنه لان بحاضراتنه هواي وهي بله شي بنشولة هسه ترتاح وتصير زينه ولتداوب باجر خلترتاح
والدةسمى:ميخالف وشكرا بنيتي تعبناج
