السلام عليكم ورحمة الله وبركاته.
انا منحرجه منكم بشكل ما تتصورونه😩
يعني طولت من مده ما نزلت فيها أي شي. وأحس لازم اقولكم شنو الي قاعد يصير بمخي حاليًا عشان انا ارتاح نفسيًا وما اتوتر وانا أفكر بشنو بكتب ولا شنو بسوي..
أولًا انا من خلصت وطني أنتِ ماعطيت نفسي فرصه اريح فيها مخي، لان كان يشتغل اربع وعشرين ساعه، "شنو بكتب" "شنو بيصير" "شنو معنى هالكلمه" "وين هالمكان" "شلون اوصف" واللائحه تستمر...
وبعدين مثل ماقلت لكم فجأة قررت اني بنزل الابواب المؤصدة. ومخي علّق حزتها. اول الاجزاء مشت عدل بس بعدين صرت اوتّر نفسي عشان اكتب. لدرجه بس افكر فيها يضيق خلقي لأنها مو خالصه. او لأني تأخرت حيل ومابيكم تنسون احداثها:(
ووصلت إلى مرحلة معلقه فيها بالأحداث. مادري شنو اكتب وعن شنو اكتب.. انا كان ببالي شي ثاني ومخططه له وماشي صح، بعدين فجأة قررت اني بغير القصة.. وباقي التخطيط مو راضي يمشي مع الشي اليديد الي سويته.
طبعًا غير ان انا تخصصت علمي، ووراي مواد الدنيا كلها على راسي، التراكمي هالسنه مو هيّن ومابي اخرب هالسنه على نفسي.
وانا مو من النوع الي يكتب بالليل قبل لا ينام، انا كتابتي بنص اليوم، بين الناس وبنص الزحمه. لا صرت بروحي وقعدت بالظلمه انسى الكتابه وانام😭😂
فاتمنى تصبرون علي شوي على ما اجمع افكاري واجمع نفسي عشان ارجع اكتب، مابي اكتب لكم اي شي وانزله..
لأن القصه اقدر اخلصها بجزئين بس واخليها قصّة قصيرة من سبع أجزاء.
بس ابي كل شي اكتبه اكون راضيه عنه ويصير حلو وزين.. وما احتاج اسوي له تحرير عقب ما اخلص القصه نفس وطني انتِ. لاني كنت استعجل عشان انزل وبالأخير قعدت شهر اعيد فيها الأجزاء من اول عشان يصير السياق مرتب، وللحين ما خلصت تعديلات بعد.
ان شاء الله ماطولت عليكم بالكلام، الي عنده سؤال أو ملاحظة بحدود الأدب يتفضل🙋🏼
يارب تخلص هالقصة على خير وبنهايه انتوا وانا نحبها ونتفق عليها💜
احبكم من كل ذرة يحملها قلبي🌸
- بسم الله ، الحمدلله ، الله أكبر.
أنت تقرأ
on hold الأبواب المؤصدة.
Fanfiction- تحديث بطيء- AU Niall Horan fan-fiction. "ما هي قِصتك؟" رمقته بريبة وهي تضع يدها على الباب لتوقفه. "لا تُريدينني أن أُخبركِ." All rights reserved. © 2015- still going.. جميع الحقوق محفوظة.
