Inyong lingkod, timang na blobfish
O reader, ba't napadaan ka ata?
Binabalaan kita, mga gawa ko'y bilasa
Bulok, pulos kalokohan at pawang walang kwenta
At para sa iba'y isa nga lang basura
Pero nandito ka na rin lang, kaya't ika'y aking iwewelcome
Ikaw na siguro ang reader na aking inaasam
Basher ka man o ranter, wala rin akong pakealam
Welcome pa rin dito maging mga mangkukulam
Clichè na raw ngayon ang mga romance story
Para maiba naman, itry niyong itong tula kong korni
Madaling basahin mga ginoo't binibini
Hindi ubos-oras kaya't di kayo magsisisi
Mga tulang ito'y bunga lamang ng pagkabagot
Para utak ko naman ay hindi balutan ng lumot
Di ko kayo masisisi kung sa ulo'y mapapakamot
Pagkat mga susunod na tula ay sa kinalawang na utak hinugot
Pasensya ho, ako'y isdang walang magawa sa buhay
Di ho pala biro mapabilang sa mga dakilang tambay
Ako'y batong bato na dito sa aming munting bahay
Kaya't naisipan gumawa ng tulang walang saysay
Welcome lahat dito, teenager, gurang o childish
Pati wattpad writers na nangangarap makapag-publish
Pwede rin dito kahit di marunong mag-english
Karamay niyo ako, inyong lingkod, ang timang na blobfish
