At least..
Buti pa sila, may cellphone na touch screen
De-wifi na kahit san ay pwedeng gamitin
Pero okay na rin itong cellphone kong kaskasin
At least hindi ito pagiinteresang isnatchin
Buti pa sila ang gaganda ng mga damit
Kapag nakita mo ang presyo mata mo'y maniningkit
Pero okay lang kahit damit ko'y pang-yagit
Dahil kahit ano mang isuot ko, at least hindi ako pangit
Buti pa sila ang laki ng kanilang bahay
Kitang-kita na may narating sila sa buhay
Pero ayos na rin itong naipundar ni tatay
Maliit man, at least madaling linisin ni nanay
Buti pa sila ang sasarap ng kinakain
Araw-araw nasa fastfood na kay lamig ng hangin
Pero ayos lang kahit simple ang ulam at kanin
At least si nanay talaga ang mismong nagluto at naghain
Buti pa sila tambay sa sinehan
Chill lang habang may popcorn na nilalantakan
Pero mas astig itong pinapanood ko sa labas ng bakuran
Libre pa ang nood sa kapitbahay kong nagsasampalan
Buti pa sila, may boyfriend na ubod ng lambing
Sobrang sweet, wala ka nang ibang mahihiling
Pero okay lang kahit single ako at walang kapiling
Dahil sa takdang panahon, alam kong siya rin ay darating
Buti pa sila super photogenic
Sa facebook DP nila ang laging topic
Ngunit minsan ako'y napapahagikhik
Dahil sa mga picture mukha silang nagpolbo ng Mik-Mik
Buti pa sila sobrang dami ng followers
Pangalan nila'y bukang bibig ng mga wattpaders
Pero okay na rin kahit di ganun karami aking readers
At least di tulad nila, wala naman akong bashers
Buti pa sila sa magandang school nagaaral
Tuition fee nila'y nakakalula sa sobrang mahal
Di bale, kahit pa ako'y magbote-bakal
At least pinipilit kong mabuhay ng may dangal
Hindi dapat kainggitan ang kung anong meron ang iba
Imbis ay bilangin mo nalang ang mga biyayang meron ka
Biyayang tunay na dapat ipagpasalamat sa Kanya
Na nakalulungkot mang isipin pero nakalimutan na ng iba
***
Dedicated to ate Alyloony! One of the most humble authors here sa wattpad :))
