THE BROKEN REAPER --- [COMPLETED]

TMS 3

Reena De Ocampo

"You're hired, Miss De Ocampo. Bukas na bukas din magsisimula ka na." ani ng may-ari ng resto-bar na ina-apply-an ko.

"Salamat po, Mrs. Asuncion." Masaya akong lumabas ng opisina ni Mrs. Asuncion.

Sa wakas may trabaho na rin ako makakabayad na rin ako sa inuupahan ko at makapag-ipon na rin ako para sa panganganak ko. Mabait si Mrs.p Asuncion, alam niyang buntis ako kaya imbes na waitress ang magiging trabaho ko, ginawa niya akong cashier.

Kinuha ko ang cellphone ko para tawagan si Percy. Kahit umalis  na ako sa kanila ay hindi pa rin nawawala ang communication namin at lagi rin kaming nagkikita.

"Bakla, I miss you. Kumusta ka na? Ang babies?" Bungad ni Percy sa kabilang linya.

"Grabe ka bakla nong isang linggo pa tayong huling nagkita. Anyway, maayos naman kami. Ikaw kumusta ka na? Kumusta na kayo ni Mitchie?" Natatawang ani ko.

"O to the M to the G-O-D! Bakla, wala na ang first kiss ko. Kinuha ng bruhildang babaeng 'yun." aniya habang humahagulhol.

I know, umaarte lang na humahaguhol ang baklang 'to.

"How does it feel, bakla?"

"Tse! Wala na ang first ko na nireserba ko para sa mapapangasawa ko." aniya.

"Malay mo siya ang mapangasawa mo." Natatawang ani ko. Na-i-imagine ko na silang dalawa sa ending.

"Tse! Asa! Para sa mapapangasawa ko ang first kiss ko. Para kay Lee Dong Wook lang sana pero umaeksena ang bruhilda. By the way, bakit ka pala napatawag bakla? May nangyari ba sa babies? Nalaman na ba ang gender nila? Pareho bang maganda o gwapo? Ano nga bakla?" Ganyan ang baklang 'yan ang bilis magswitch ng mood.

"Gaga! 7 weeks pa lang ang tiyan ko. Masyado kang excited. Anyway, napatawag ako dahil gusto kong ibalita sa'yo na may trabaho na ako."

"Congratulation, bakla. Anong klaseng trabaho 'yan? Hindi ba mahirap? Paano ang babies?"

"'Wag kang mag-alala hindi naman mahirap ang trabaho ko sa resto-bar."

"Bar?! O to the M to the G-O-D anong pumasok sa isip at nag-apply ka r'yan? Bakla naman, 'wag ka ng magtrabaho r'yan ako na bahala sumuporta sa inyo ng pamakins ko. Hindi ko kaya ma-take na nagsasayaw ka sa ibabaw ng stage na bra at panty lang ang suot mo." Napataas ang kilay ko sa sinabi niya.

Bakit ako magsasayaw ng naka-bra't panty lang?

Teka, iniisip ba nitong magaling kong pinsan na dancer ang trabaho ko sa bar?

Napahagalpak ako ng tawa. Na ikainis naman ng nasa kabilang linya.

"Tawang-tawa ka r'yan. Hindi ako nagbibiro Mary Reena De Ocampo. 'Wag ka ng magtrabaho r'yan. Sinasabi ko sa'yo." aniya.

"Bakla, hindi naman dancer ang trabaho ko ro'n. Cashier ako. CA-SHIER at saka hindi naman ako sa bar na assign. Sa restaurant ako."

"Mabuti na lang hindi ka talaga dancer. Ang pangit naman kasing tingnan kung sakaling naging dancer ka nga. Mantakin mong isang babae na nakalunok ng pakwan ang sumasayaw sa ibabaw ng stage." Natawang aniya.

"Ang sama mo. Ipapikot kita kay Mitchie r'yan. Makikita mo."

"Di ka naman mabiro, bakla. Pinapatawa lang kita, no." aniya.

"Asus! Hindi ka nagbibiro, e. Takot ka lang na mapikot." Natatawang ani ko.

"Kung kay Lee Dong Wook mo ako ipipikot kahit ngayon din papakasalan ko siya." aniya.

"Ambisyosa! Wala kang matres." Paniguradong nakasimangot na 'yun sa kabilang linya.

"Ikaw na ang may matres. Ikaw na ang buntis." Sarkastiko niyang ani.