Seirler ( Azeri)

...

qız
Bir qərib olsa dərdinə yanan
Hər daim adını ürəkdə anan
Söyləsə divanəyəm məhəbbətindən
Şübhə edərsənmi sədaqətindən

oğlan
Söylərəm ismi nədir məni sevənin
Pərişan olur halı məni görənin
Yoxsa olmaya məni ələmi salır
Sözləri ruhumu bədəndən alır

qız
Gəl sən sorma onun kimliyin
Bənzəməz insanlara sənin bildiyin
Görənlər qanadsız mələkdir deyir
İki göz istəyir eyləsin seyir

oğlan
Gəl sən tərif etmə belə özünü
Açiqca söylə ürək sözünü
Yalançı təriflərə bu qarın toxdur
Bil qurdsuz heç yaxşı meyvədə yoxdur

qız
Diyəsən yamanca acıdır dilin
Davada keçir hər ötən ilin
Günlər keçdikcədə yaşa dolursan
Günəş qürubu tək inan solursan

oğlan
Kişi dediyin kəs davakar olar
Kimsə qalmaz cavan yaşada dolar
Ölüm haqdır hər kəsin döyər qapısın
Kimi bütöv yaşar kimi də yarısın

qız
Sənə son sözüm sevirəm səni
Amma qorxuram pərişan edəsən məni
Dözə bilmərəm sənin xəyanətinə
Məhbus olmam sevginin cinayətinə

oğlan
Yalançı deyiləm Allaha şükür
Xəyanət özümün belimi bükür
Bir kərə aldandım birdə etmərəm
Hər sevdanın dalıyca inan getmərəm

qız
Demək sevmisən sən məndən öncə
Gərəyim deyil qoxlanmış qönçə
Mən seçilmirəm ancaq seçirəm
Mənə dəyər verməsən mən vaz keçirəm

oğlan
Diyəsən görsənir üzün yavaşdan
Səssizlik gələrmiş öncə savaşdan
Yaxşısı budurki yenə arayım
Kimsəsiz qalıbdır könül sarayım

qız
İndiki belə oldu incimə məndən
Gözlərin saralacaq baxmaqdan gendən
Əminəm sonunda yalvaracaqsan
Gecələr xəlvətcə ağlayacaqsan

oğlan
Sözlərin güldürdü qəmli üzümü
Hətda saraltdın qara gözümü
Bir qızın gözəlliyi mələkdən çoxsa
Nəyə yarar vəfadan xəbəri yoxsa

qız
Mənim vəfamda var həmdə qeyrətim
Üzümdən əksik olmaz hirsli heybətim
Çoxda bir şey sanma sən gəl özünü
Zarafat edirdim deyim bil düzünü

oğlan
Zarafat yada düz heç fərqi yoxdu
Sözlərim qəlbinə saplanan oxdu
İstəməm özünü görəni özgə gözündə
Adı qanadsız mələk olan elin sözündə

Müellif:anonim