باش تعرفوني اكثر ، الاب ديالي من فاس ابيض و عينيه
زرقين انا كنشبه ليه بزاف ، الام ديالي من دكالة ( الجديدة)
لاكنها تزادت وكبرات فالرباط ملي تزوجات بالاب ديالي او
مورا ما تزادو خواتاتي بزوج انا الوحيدة لي كنت مانشبه
لبابا بيضاء او لون عيني زرق و شعري كان لونو عسلي و
رطب ، خواتاتي كا نو كيشبهو لماما فالملامح عيون و شعر
اسود ، المهم قبل مانتزاد كانو مشاكيل الاب دالي كان
هجر الأم ديالي او مشا لفرنسا مور 5 سنوات عاد رجع كان
فقد كل الاموال ديالو وحتى شاريكا لي كانت عندو ، كانت
شاريكا ديال لماكينا ديال النجارا مكينات كبار لي كينحتو
الزخارف فوق الخشب ، ملي ضيع كلشي ولا مدمن كحول
كيشرب بزاف او كيكمي او لاح الحمل كولو على الأم ديالي
من بعد مادازت سيمانة او انا فدار
نهار الاثنتين فصباح فيقاتني ماما لبساتني او داتني للمدرسة
كانت 8 ديال الصباح
وصلاتني لباب المدرسة دخلت او ضرت فقيت كانشوف فيها
ديك شوفا ديال عفاك دخلي معايا شوفا ديال ماتخلينيش ان
خايفة .
دخلت و كانو كل التلاميذ بنات او دراري كايشوفو فيا او
كايضحكو او كيشوفو او كايبعدو مني
دخلت للقسم ، جات الأستاذة او عزلاتني نجلس بوح فالطاولة
القدام او هي كاتشوف فيا متألمة دازت شي ربع ساعة او
جاو امهات بعض التلاميذ كايطالبو باش يحولو ولادهم من
المدرسة
او كاينين لي بغاو يحولو ولادهم من القسم لي انا كانقرا فيه
من 8 ديال صباح حتال 10 او انا بوحدي كالسا مكنهضر
ولا حتى كانشارك كنتمنى غير نموت اولا يجي شي حد
يخرجني من هاد القسم
مني خرجنا للاستراحة مع 10 كلشي جا او كايشوفو
الصدمة هي كايقولو بهاد اللهجة ( واااو شوفو غتاصبوها
، البنات هادي هيا البنت لي تغتاصبات ، البنات بعدو منها او
تاوحدا متلعب معاها )
كلشي كاينعت فيا او كيضحك
انا مشيت كانجري للقسم او بديت كانبكي كانقول ايمكن
كانحلم ايمكن ها كيتخيل ليا
المهم مني خرجت لقيت ماما كاتسناني او واقفين حداها شي
عيالات كايقولو بيها شيري دي بنتك او هرجو من هاد لمدينة
حيت كلشي كايهضر غير على داكشي لي طرا ليها
شداتني ماما او داتني لدار ملي جاو خواتاتي بداو كيبكيو او
قالو ليها بلي كلشي كايضحك او كيقولو ختك غتاصبوها
انا فداك الوقت لوكان عندي العقل ديال دابا ماكنتش ادي
نتسوق ليهوم ولا حتا يبقا فيا الحال ولاكن انا كنت صغيرة
فقط 8 سنوات تحرمت من اللعب و الضحك ملي كانو للبنات
قدي كيلعبو لاستيك او حابا او كيلعبو دار او بزااااف انا كنت
مخبية فالبيت كنطل عليهم من الشرجم
جات واحد خالتي استادة بالقنيطرة كانت كتكرهني معرفتش
علاش ولاكن ماما كانت كاتحماق عليها او لوكان عرفات ماما
شنو ايخرج من هاد خالتي امكن كون عمرها دولت معاها ولا
دخلاتها لدارنا ،
المهم جات او قالت ليها قطعي لبنتك شعرها بحال الولد او
لبسيها سروال و تريكو بحال دراري هاكا ما ايعرفوهاش
معرفتش هاد خالتي واش بنادم ولا حياوان حشاكوم افكار
ديال زفت ،
ملي دارت ماما داكشي او داتني للمدرسة عاد زادو ضحكو
عليا ، تعقدت هربت من المدرسة او بقيت غادا كانجري او
كانبكي شويا كانسمع صوت كيعيط ليا اسيييل اسيييل ملي
ضرت لقيتو بابا كان سكراان هههه شدني او جلسنا فواحد
القهوة فيها شوية ديال الالعاب و مكان بحال تيران صغير
ديال الكورة او هو ينزلني تما او بدا كايلوح ليا الكورة او انا
كانشدها او كنرميها واخا هو واقف فاليمين انا رجلي كانت
حولا ههه كانلوحها في اليسار ههههه
الا بغيتو تسولوني اي سؤال خليو ليا رسالة مرحبا
او ادا بغيتوني نكمل فقط عملو ليك
