ملي شفت هاديك العيادة ديالاش تصدمة
ماعرفتش اش نقول او فاش نفكر مفهم والو
عيادة الدكتور احمد صبحي : لأمراض السرطان
طفيت pc او مشيت للسطح او سديت عليا فواحد اللبيت
خاوي عامر هي بدكشي لقديم ، سديت لباب او بقيت كنبكي
معرفتش علاش او الصراحة ما عرفتش شنو هو السرطان لي
عارفة بلي اي واحد مريض بيه كيموت ...
شوية سمعت شي حد كيعيط ليا اسيييل اسييييل
خرجت لقيتها ختي ريم شافت عيني منفوخة و حمرا
قالت ليا مالك كاتبكي شنو ضربك
قلت ليها والو غير قنت او اماني مشات لكندا و خلاتني
هي تعنقني قالت ليا فرحي راه تقيدتي ف المدرسة او راها
قريبة عشر ديال دقايق او توصلي از بانو ليا فيها بنات
زوينين او نقيين ...
اودي شكون تسوق لشي بنات اولا مدراسة ، دابا عاد فهمت
علاش العائلة مجموعة او علاش كانت ماما كاتمشي ديما
لسبيطار علاش كدبو عليا
واحد لعشية كانت الدار خاوية او قررت باش نمشي نهضر
معا ماما او ا نسولها على بزاف
ملي مشيت يالاه انهضر او هي تخرج جدة من البيت كلست
كاتهضر مع ماما او انا نرجع
دازت 3 ايام ماما مرضات بزاف داوها تاني لسبيطار
شيخ زيد ،دارو ليها عملية مستعجلة ، كلشي مشا الا انا
مخلاونيش ، تعصبت او خرجت ركبت فطاكسي ( انا عمرني
ركبت فطاكسي او طوبيس او مشيت لاي بلاصا بوحدي ديما
كاتكون معايا ماما او شي حد كبير )
انا عرفتهوم مشاو لشيخ زيد ، ركبت فطاكسي كنيكي ، ضار
عندي شيفور كاليا مالك ابنتي ، قلت ليه عمي ديني عند
ماما راه داوها لسبيطار الشيخ زيد راه فيها الكونسير تاواحد
مابغا يديني ، راجل شاف فيا او قال الله اكبر ، صافي ابنتي
ماتخافيش انا انوصلك تال باب سبيطار ، سبيطار قرييب
5دقايق وصلنا ، قاليا هاهو سبيطار بغيت نخلصو ، حللف
مايشد منعدي قاليا الله يشافيها يارب ، قلت ليه امين شكران
بزاف ( الله يرحم الواليدين كاينين مزالين ناس فيهم الخير )
دخلت سبيطار كبييير او نقي او زويين انا دخلن كنبكي
ماعرفت فين نمشي ، شافتني واحد الممرضة ، قالت ليا
ختي مالكي ، قلت ليها ماما سميتها حليمة ..... او عاودت
ليها
نعتات ليا الغرفة او قالت راه كايديرو ليها عملية مستعجلة
الله يكون معاها
مشيت كولشي تصدم كايشوف فيا اااسيل شكون جابك هنا ؟
فين ماما ؟ جات خالتي حبيبة ماماك جات دير لافيزيت
سكتييي باراكة من لكدوب ماما كاتموت اونتوما مخبين عليا
شنو نتوما ماكاتحسوش كدابيين كلكوووم
بقييت كانبكيي جات ختي عنقاتني قالت ليا ماما خافت عليك
حيت مازال صغيرة ما استحمليش او انا ندفعها او مشيت
كلست بوحدي
دازت ساعة خرج طبيب الحمد الله قدرنا نحيدو الفيروس دابا
اتبع دواء او إنشاءالله كلشي ايكون مزيان فررحت بغيت
ندخل مخلاوناش قالو تسناو تاتفيق غدا فصباح او اجيو
مشينا للدار انا عييت وصلت ونعست ، فصباح مشينا
للسبيطار شافت ماما عنقتهااا از كنبوس فيها الحمد الله
الحمدالله قلت ليها انا عرفت كلشي او عاودت ليها ...
بختصار داز 2شهراين ماما ولات لاباس ولاكن ماخصهاش
تخدم او دير مجهود
حشاكم واحد نهار دخلات لطوليط او خرجات وجها صففر حنا
كلنا ماالك ماما ماما او هي تسخف هزيناها ، دخلت انا
نشوف فطواليط لقيت lavabo عااامر بالدم غوووت جات
كوثر طلات بدات كاتقول اويلييي ، ديناها للسبيطار
ليل كولو دارو ليها جوج عمليات او هي اصلان كانت دايرا
جوج ( مهم معرفتش بالضبط ولاكن كان فيها سرطان فشي
بلاسة ملي حيدوه من ديك لبلاصة طاح ليهم في المصران او
تقاص ليها المصران ، عياو يقطعو منو ولاكن بدون نتيجة )
ملي سلات العملية دخلنا ماما كانت متئزمة حبت دارو ليها
واحد الفتحة فالجنب ديال كرشها او خرجو ليها المصران
فواحد الكيس اي حشاكم من تماك كتقضي الحاجة ديالها
بلاما تمشي لطواليط ، اخليوه واحد الفترة حتا تبرا شي
اسبوعين عاد يحيدو داك الكيس ،
كلشي كان مجموع او انا دموع مابغاوش يخرجو ليا عرفتو كنجمع فقلبي او فعقلي هي كنسوف بعيني او ساكتة فيا واحد الغضب ربي لي عالم بيه
- - - - - - - - - - - - - - - - -
اقسم بالله الى صعييييب عليا نتفكر هادشي بالتفصيل او
نكتبو كنحس بقلبي دابا كايتحرق يدي كيترعدو ، هاشي
عمرني عاودتو لشي حد ولا خرج مت فمي ...
