بقا ليا 10 ايام على الموحد ، حيت ماما كانت مريضة
سافطاتني عند خالتي فتيحة للقنيطرة باش تحفضني حيت
هي استادة او اتعرف كيف تلخص ليا الدروس او حتا نلقا
الجو لماناسب للحفاضة
دازت عشر ايام بزربة دوزت الموحد الحمد الله حسيت بلي
خدمت مزيان
رجعت لدار خالتي حيت راجلها كان كيوصلني او يرجعني
مفهمتش علاش مابغاونيش نمشي لدارنا
قالو زعنا ملي نسالي لمتيحان الاول خاسني نراجع لليوم
ثاني ديال الامتحانات
المهم ملي ساليت بغيت نمشي للدار مابغاتش خالتي ، قالت
ليا خلييييك ماتمشيش راه هاد الاسبوع لي اتسناي فيه ناتجة
ماماك اتكون معصبة او خايفاك تسقطي ... كلات ليا راسي
بالهضرة و بقيت
شحال من مرة كانقوليها تاصلي نهضر معا ماما كاتقوليا تال
بلاتي اولا كتقوليا ، عاد قطعت معاها فتليفون ،
داز اسبوع خرجو نتائج و نجحت الصراحة فرحت بزااااااف
حيت ادي نفرح ماما
مشيت كنطير هزيت الفيكس و تاصلت ب ماما ....
تا واحد ماجاوبني ، حطيت تليفون و نساتني الفرحة جات خالتي فرحات ليا جابت ليا حوايجي او كالت ليا دخلي دوشي
دوشت او انا كنغنيي بجهد او كنشطح تحت الماء فدوش الله يستر ههه
خرجت نشفت شعري او لبست حوايجا كالت ليا خالتي خاصك
تباني زوينة او فرحانة قدام ماماك حيت اترتاح
و انا نقول فخاطري ( علا ماما اول مرة اتشوفني علاش
هاد المرة او كيفاش اترتاح؟؟ )
ركبت فطونوبيل او هازا النتيجة فيدي كل مرة نشوف فيها
هاديك تنتقل ممتيقاهاش كانقول عنداك تولي فيها تككر ههه
هبت من طونوبيل ..
شنو هادشي ، فين انا .. هادي ماشي دارنا
ضرت شفت فخالتي ،
خالتي فاتحة عفاك حنا شنو كنديرو فسبيطار ؟؟
شافت فيا او سكتات ، شداتني من يدي او مشينا
انا غاديا او رجليا كايفشلو ..
درنا مع واحد الكولوار من راس بانو ليا خالاتي ، جدة ديال
ماما او ديال بابا لي عمرهوم تفاهمو ،
خواتاتي او شي دراري خدامين معاهوم
بابا ماكاينش
طلقت نتيجة من يدي او مشيت كنجري قدام باب لبيت لي
واقفين قدامو ..
مابقيت كانسمع تاحاجة ، بانت ليا ماما ناعسة فوق واحد
لحاف فسبيطار او معاها عمتي الطبيبة او واحد الفرمليات
ماما ! اش كاديري هنا ؟ علاش نتي ناعسا هنا ؟ ودموع
كينزلو من عيني
حبيبة جيتي قالو ليا نجحتي مبروك فرحتيني بزااف او ضحكات
ليا
اه نجحت ، ولاكن اش كاديري هنا ،
شافت فيا عمتي او قالت ليا ، اسيل حبيبة ماما راااه فيها ...
ماما ماخلاتهاش تكمل او قالت ليا حبيبة انا فيا المسران
عقلتي كنت مشيت طبيب او عطاني الدوا دابا راه بريت
صافي هي جيت ندير لافيزيت او نمشيو ليوما ولا غدا فصباح
او كاتليا اجي قوليليا اش نشري ليك العفيرية حيت نجحتي
او عنقاتني انا فرحت بزاااف
