I Love You, Tell Me I'm Wrong

Chapter 5

Christopher's POV

Nagising ako dahil sa naramdaman kong kirot at hapdi ng iba't-ibang parte ng aking katawan. Unti-unti akong nagmulat ng mata at sa paggising kong iyon ay tinitigan ko ang paligid. Di pamilyar ang kwarto, wala akong natatandaan na kahit na ano kung pano akong napapunta dito. Tatayo na sana ko mula sa pagkakahiga ko ngunit bigla akong natigilan nang maramdaman kong wala ako ni isang saplot sa katawan. Sinilip ko ang sarili ko sa loob ng nakabalot saking comforter at napa-kunot ako ng noo ng makumpirmang wala nga akong suot ni isa. Napailing na lang ako sa sarili ko. Sino na naman kayang babae ang nagalaw ko kagabi? Bakit wala akong matandaan?

I sighed. Marami lang siguro akong nainom 'non. Mabilis na akong bumangon sa kama at pagkatapos ay hinanap ko ang mga damit ko na noo'y nagkalat sa sahig at agad akong nagbihis. Napahawak ako sa leeg at batok ko nang maramdaman ko na naman ang nakakangilong kirot na 'yon.

Parang... parang may sugat eh. Dumako ang paningin ko sa braso ko, at ganun na lang ang pagkagulat at pagtataka ko ng may nakita akong mahahaba at malalalalim na mga kalmot sa aking balat.Tiningnan ko pang magaling ang magkabilang braso ko, at lahat 'yon ay namumula dahil sa mga sugat. Halos takbuhin ko ang banyo papasok at tiningnan ko ang leeg at batok ko sa harap ng salamin. Bigla akong kinabahan ng makakita rin ako ng mga kalmot katulad nang nasa braso ko na para bang may nanlaban sakin.

Naglakad ako pabalik sa kama at tinanggal ko ang nakatakip na comforter sa mattres 'non. Bigla akong nanlambot, pakiramdam ko nanghina ang buong katawan ko. Napaatras ako. I saw a blood stain on the sheet.

N-No. It can't be. Hindi 'to maaari. I didn't f*ck a virgin! Kahit kailan hindi ako gumalaw ng isang birhen na babae. Nagmadali akong lumabas ng kwarto at pandalas na bumaba. Nakita ko ang D4 sa lobby kasama si Isabel na sabay-sabay na nag-aalmusal. Nandilim ang paningin ko. Base sa mga natatandaan ko, naalala kong pinilit ako ni Miro na gumamit ng drugs kagabi.'Di kaya may kinalaman siya, ah hindi, alam kong pinagkaisahan nila 'ko! Nakayukom ang mga kamao at nanlilisik ang mga matang naglakad ako papunta sa kanila. Nakita kong tumingin silang lahat sakin.

"Oh Chris! Gising ka na pala, kamusta nama----"

Hindi ko na pinatapos si Miro dahil agad kong hinaklit ang kwelyo niya at puwersahang itinayo sa upuan. Lahat sila nagtayuan.

"Christopher! Ano bang nangyayari sayo?!"

nagpapanic na awat ni Aeron.

"Chris! Pare! "

 nagpapanic na si Greg. Hindi ko sila pinapansin. Deretso lang akong mariing nakatitig kay Miro.

"Sabihin mo sakin, anong nilagay mo sa ininom ko kagabi?!!"

Bahagya akong lumingon kina Greg at Aeron.

"Anong nilagay NIYO sa ininom ko kagabi! Pinagkaisahan niyo ba 'ko! ANO! SAGOT!"

   nanggagalaiting sigaw ko sa kanilang tatlo habang sobrang nangangatal na ko dahil sa sobrang galit na nararamdaman ko. Oo, kaibigan ko sila! Oo alam kong ring minsan, di namin maiwasang pagkaisahan ang isa't-isa pero sana isipin rin muna nila na may hangganan din ang pasensiya ko!

"Pare, ano bang sinasabi mo?! Ano bang problema mo?! "

 bulyaw ni Miro sakin.Lalo kong hinigpitan ang pagkakakapit ko sa kwelyo niya.

"Problema ko? Problema ko, ikaw!!"

    'yon lang at pagkabitaw ko sa kanya ay pinatama ko na ang nangangalit kong kamao sa mukha niya, at dahil sa lakas ng pagkakasuntok ko kaya tumumba siya sa sahig. Narinig ko ang mga hiyawan ng mga tao 'don dahil sa nangyayaring komosyon.