Sa akin ay may bumubulong
Luwagan ko na daw ang sinturon
At palayain ang ibong nakakulong
Na nakapiit ng matagal na panahon.
Sa akin ay may bumubulong
Buksan ko na daw ang kahon
At palitan ang suot na barong
Ng kamisetang may burdang dahon.
Ang bulong nila ay matining
Sirenang matinis sa pandinig
Ang tenga ko'y nagpapanting
Boses nila ang nananaig.
Mapayapa sa umagahan
Para bagang walang nakaumang
Pangamba ko'y kinagabihan
Lumalabas silang parang mga aswang.
Sila'y muling bumubulong
At malapit na akong mapikon
Huwag kayo sa'kin bumulong
Kay Tulfo kayo magsumbong!
BINABASA MO ANG
Mga Tula Ng Isang Huwad Na Makata
PoetryMga tula sa Filipino at Ingles na pawang likha ng isang huwad na makata. Mga bagay na may kwenta at walang kwenta ang inyong mababasa. Nasa'yo ang desisyon kung ito ay papansinin mo o babalewalain.
